قصص عن العَالم الثالث(السفلي) 😈🖤

قصه رقم 12

طول عمري بيصعب عليا اخويا سعيد ال معندوش غير حكاية واحدة بيحكيها ، .. وانا ال دخلته مصحه نفسية .. بس مات امبارح ، مات اما خرج منها وراح نفس الشقة !! .. انا فاكر اخر مرة كلمته

-- سعيد .. سعيد ارجوك فوق !! علياء وسارة ماتوا وشبعوا موت !! .. مفيش ال انت بتقوله ده
- هاا قول .. ال مخبي ياعمر ، قولي ال بقالي ٧ سنين بسمعه !! اني قتلت بنتي ومراتي !! واني اتجننت .. قولي كده .. قولي اني مجنون ! ووديني المستشفي تاني ..

- لا مش هقول كده ياسعيد بس ارجوك فوق !! .. انا مش عايزك ترجع المستشفي تاني ، انا اخوك وخايف عليك ..
-- اشرب قهوتك ياعمر وامشي .. اشربها وامشي ..

دي كانت اخر قعدة مع سعيد قبل موته بيوم واحد .. خليني اعرضلكوا قصة سعيد زي مهو حابب الاول !! سعيد بيكتب ديما قصته كده .. وال هتقروا ده من مذكراته

""بقالي ٧ سنين في مصحة نفسية بسبب قصة مش قادر انساها .. ، الدكتور نصحني اني اكتب اي طاقة سلبية ، ولو حسيت ان هتحصلي اعراض اديلهم اوامر ومش هينفذوها .. كل دي خيالات في دماغي ، الدكاتره قالولي ان كل دي اوهام ، واتاكدوا دلوقتي اني كويس وعشان كده انا خرجت !! .. بس طلما انا خرجت فانا متاكد ان الطب مش هيعالجني ، لاني انا لسه مصدق !! لسه مصدق ال حصلي كله ، لسه مصدق اني معرفتش اساعدها .. سبتمبر ٢٠١١ .. الساعة ٢ بعد منتصف الليل ، خبط عليا الباب ، استغربت قومت من سرير علياء .. متعود انام في حضنها ...

بصيت في عين الباب لقيت شخص غريب معاه شخص تاني لابس اسود !! ..
فتحت الباب ..، كان راجل مسن باين عليه العجز .. بصلي وهو بيقولي
-- ازيك ياسعيد ..! مش قولتلك في يوم هجيلك .. واديني جيت
-- انت مين !!
بص للشخص ال معاه وبدا يتكلم معاه .. الشخص ال معاه اتكلم لهجة غريبة واول مرة اسمعها ، بس واضح انها انثي منقبة !! وبصالي وقالي
- مش فاكرني .. طيب ياسيدي مش مهم !! ممكن ادخل وافكرك بيا ؟
- انا مش هدخلك غير لما اعرف انت مين انا اول مرة اشوفك !!
-- هاهاهاها ومش هتبقي اخر مره .. صدقني مش هتبقي اخر مرة !!

ملامحه بدات تبقي جافة لدرجة اني جسمي اصابته قشعرة خفيفة كده ..

- طيب حضرتك تؤمر بايه !!
-- جميل !! جميل جدا كلمة اؤمر ! .. وانا فعلا هامؤر دلوقتي .. بس ادخل !! .. وارجوك متعطلنيش خليني اقول انا عايزك في ايه !! ..

في الحقيقة انا بصيت علي الشارع ملقتش اي حد في .. منكرش اني قلقت شوية .. بس دخلتهم !!

قعدوا في الصالون ربع ساعة مبيتكلموش .. بيصولي بس !!.. كانت نظراته غريبة ، ابتسامته السمجة اغرب .. انا كنت خايف حتي ابدا بالسؤال .. بس هو اتكلم وقال جملة غريبة !!

-- سعيد ! انت دخلتني ليه ؟ خوفت مني !! ..

منكرش ان السؤال رعبني .. مع نظرة عنيه وضحكة الانثي ال معاه بخبس .. بس اتشجعت !! ..

- وهخاف ليه .. انت هتعمل ايه يعني .. انا بس عايز اعرف انت عايز ايه !!..

ضحك .. ضحك ضحكة اول مرة اسمعها في حياتي !! .. وبعدها الانثي ال معاه بصتله وقلعت النقاب ده !! .. كانت .. كانت ساارة زوجتي بس .. بس ملامح مختلفة !!

- سارة ؟؟؟ انتي .. انتي مش نايمة جوا !!

بصيت للراجل المسن ده .. وضحكت وقالت جملة غريبة !! الراجل ده اتكلم وقالي ..

-- زوجتي مش هتفهمك !! .. وللاسف انت كمان مش هتفهمها !! ..

انفعلت وقومت عشان اشوف ساارة وانا بعلي باقصي صوتي .. بس باب الصالون اتقفل !! .. خوفت !! خوفت ومقدرتش ابص ورايا !! سمعته بيقولي !

- سعيد !! بتخاف من الظلمة اكتر ولا الموت ؟ ..

كنت بلف ببطيء .. كانت عنيهم بيضه تماما .. مشوفتهاش غير ثواني معدودة ، عشان الظلام يحل المكان ، صوت ضحكات في كل مكان ! وبعدها اسمع صرير الباب بيتفتح .. !! سمعت صراخ سارة وعلياء !! .. كنت بجري عشان اشوف في ايه !! .. بس الظلام محل بالمكان !! .. اخر حاجة قبل مافقد الوعي سمعته بيقولي ..
-- قولتلك .. قولتلك مش هتاخد حاجة بتاعتي ومش انت بس ال هتتعاقب !! ..

بعدها لقيت بنتي علياء وزوجتي سارة مشنوقين بحبل علي الباب !! .. عايزين يقنعوني انهم انتحروا !! ..هه او انا قتلتهم !! مش قادرين يصدقوا ان الشخص ده قتلهم !!! .. عايزيني ابقي مجنون !! ..

ديما سعيد كان بيقول القصة دي او عقله هياله القصة دي .. بس الحقيقة غير كده ! الحقيقة ان سارة جتلها فترة تعبانة نفسيا .. كانوا ديما يقولوا ان سارة معمول ليها عمل ..!! اخر مرة قبل الحادثة وموتهم باسبوع جبنا شيخ كبير .. وفعلا قال ان معمول ليها عمل .. كانت بتتشنج وبتقول كلمة واحدة بصوت كان بيرعبني ..!!
-- محدش هياخد حاجة بتاعتي مني !! ..

الشيخ كان عنده ثبات انفعالي رهيب .. كانت بتبصلي بغضب وبتشتمني .. وبتقولي
-- انا هعاقبك .. هعاقبك عقاب شديد !! ..

ساعتها الشيخ قالي اخرج انت برا !! ..

مكدبش انا كنت خايف .. خايف من الاجواء .. خايف من نظراتها !! بس الشيخ خرج بعد ساعة وقال انها بقيت كويسة تماما !..
اما قصة موتهم !! .. كل الادلة بتقول ان لو سعيد معملش كده !! ف سارة جتلها حالة نفسية وقتلت بنتها وانتحرت معاها .. وسعيد عقله شت وبقي يخلق قصص وهمية من الصدمة !! خصوصا ان بصمات الحبال عليها ايد الطفلة وايد الام محدش تاني غيرهم ..! سعيد تعب وقررت اني اودي مصحة يتعالج ..! بس مات امبارح .. والنهاردة انا بايت في بيت سعيد .. بعد مراسم العزاء قررت اريح في شقته !! .. الساعة ٢ بعد منتصف الليل .. الباب خبط !! ببص في العين بتاعت الباب !! .. في شخص مسن باين عليه العجز معاه شخص تاني لابس اسود !! .. بيبص علي العين السحرية وبيقول جملة ..
-- مش فاكرني ياعمر !! ..

سعيد مكنش كداب .. انا اول مرة اخاف .. اول مرة جسمي يتنفض كده .. وكمان .. كمان اول مرة اصدق سعيد !!