قصص عن العَالم الثالث(السفلي) 😈🖤

قصه رقم 18

جتلي رسالة ان ادهم فتح موبايله الساعة 12:10 بعد منتصف اليل !! ازاي ؟ ادهم مات من 4 ايام !! دفنت ادهم بايدي ! مفكرتش كتير واتصلت برقم ادهم عشان استفسر مين فتح موبايله ، ومش معقول يكون الخط راح لاسم حد تاني بالسرعة دي ، رنيت ! اول مرة رن محدش رد عليا !! قررت ارن تاني بس مع اول رنه فتح .. جسمي اتنفض !! مش عشان فتح عليا لا ! عشان قالي

-ايوه يامحمد واحشني جدا ..

كان صوت ادهم !! قعدت بتاع 10 ثواني مش بتكلم ، بس قولتله

-ادهم انت .. انت مش موت ؟ مش حضرت مراسم دفنك !! ولا انا كنت في حلم ؟

ضحك !! ضحك كتير وبعدين قالي
- دي حكاية كبيرة اوي ، والحد المسموح ليا ربع ساعة ! ممكن احكيهالك علي جزئين النهاردة جزء ، مش عارف الجزء التاني هحكيهولك امتي .. بس ال متاكد منه اني هحكيهولك بس لما انا ارن عليك مترنش عليا !!

كلامه خوفني وفرحني مكنتش عارف احساسي الحقيقة بس اتاكد اني مش بحلم !! قولتله

- اتفضل ! اتفضل يادهم ..

بداء كلامه

- محمد قبل مسافر اخر سفرية اتصلت بيك وقولتلك ان لازم اروح اشوف والدتي لانها في المستشفي ، واخويا حسن قالي ان وجودها في المستشفي مجرد وقت وانها في اخر ايامها فاكر ؟

جوبته بسرعة ايوه فاكر ..!

- كويس ، كويس يادهم كمل

- انا لما مشيت من هنا كنت عايز الحق امي مش اكتر كل حاجة اسودت في وشي مكنتش مركز ولازم اسافر 500 كيلو ، ولعدم تركيزي نسيت افول تانك البنزين ، لعنت عدم تركيزي وانا متاكد ان مش هلاقي اي بنزينة دلوقتي علي الطريق السريع ، كنت بركز في دخلات المدن لان من المتداول ان علي كل دخلة مدينة بيبقي في مركز خدمات ! بس لمحت يافطة وهيا ان اقرب مدينة بعد 50 كيلو ! البنزين ال معايا ميكفيش ل 15 كيلو ، كنت عايز اي نجده من السماء فضلت ماشي لنص ال فاضل من ال بنزين وانا بفكر في امي لحد مقريت يافطة مكتوب اقرب بنزينة بعد 1K ، هديت السرعة جدا بس بعد 200 متر لقيت البنزينة! ازاي ؟ ،بس مفكرتش كتير !! ونزلت كان راجل غريب جدا ، عجوز بس كان بيبتسم ! قولتله
- عايز املي تانك البنزين
-- اكيد انت مسافر بقالك كتير علي طريق لان احنا اول بنزينة بعد 250 k مش محتاج تاكل او تشرب اي حاجة ؟ في استراحة !.
.
كلامه اقنعني جدا لما لقيت ناس كتير في الاستراحة بتاكل وال بيشرب قهوة ، طلبت مكرونة وشاي ومقدرتش اكمل المكرونة ، وسط نظرات الناس ومشيت شكرته وانطلقت بالعربية وكنت بفكر في امي ، بس اخدت نظرة علي تانك البنزين بعد 200 متر ! لقيته فاضي يعني ايه ؟؟ ضحك عليا ! .. بس كان قدامي علي 100 متر انوار لبنزينة ، هي دي ال كانت المفروض في اليافطة ؟ قولت افول وارجع اهزق الشخص ده ، وانا بفول من البنزينة سالت العامل