قصص عن العَالم الثالث(السفلي) 😈🖤

قصه رقم 16

جالنا مريض جديد المستشفي من سنة .. كنت اول مرة اخاف من مريض ، لدرجة اني سيبت المستشفي!! اول مرة احكي تفاصيل شغلي عن المرضي بس لازم احكي .. محمود سمير القطان .. ده اسم المريض ال قتل وولع في مراته وابنه والشقة !! والغريب .. ان كان قاعد علي السرير ومش مركز مع اي حد .. الاغرب ان البيت كله ولع !! معاده السرير ال قاعد هو عليه ..!!

في البداية ايه ال خلي الشك علي محمود ؟ هو الجيران .. الجيران ال كانت بتسمع استغاثة الاسرة ومش قادرة تعمل اي حاجة .. ده غير بعد تحليل الطب الشرعي للجثث لقوه ان زوجة محمود واخده ١٧ طعنة اما ابنه واخد ١٠ طعانات .. في الحقيقة انا ال مسكت حالة محمود .. بداية اول جلسة كان ساكت مبيتكلمش
-- محمود .. انا هنا صاحبك ! اخوك اعتبرني ال انت عايزه ، احكيلي وصدقني .. صدقني هساعدك

كان بيصلي ويضحك ؟ .. يضحك ضحكات مش مفهومة !! ..

-- محمود .. انا بكلمك ، انا عارف انك في صدمة ، حاول تساعدني ..

كل ال بيطلع من محمود صوت ضحكات .. كاني بكلم معتوه !!

خرجت .. خرجت وانا مضايق اني موصلتش لاي شيء في اول جلسه ، جلسة كلها ضحك منه كاني مهرج قدامه !! .. وعشان كده حددت الجلسه بعدها تاني يوم .. الجلسة التانية كانت اغرب !!

-- محمود .. انا مش هضغط عليك ، مش هضغط عليك بس انا فعلا محتاج اعرف انت حاسس بايه ، محتاج بس اسمع صوتك ..

بردو كان بيضحك ..

-- طيب .. طيب ياسيدي انا عايز اعرف بس انت بتضحك ليه .. يمكن .. يمكن اضحك معاك ليه لا ولا انت راجل بخيل !!

- اصلك بتقولي محمود .. محمود مين !!

قالها .. قالها وهو ساكت بدون اي تعابير ..

-- امال انت مين ؟
- انا فاروق .. فاروق عز الهواري

قالها وضحك ..
-- اممم طيب يافاروق بس .. امال ليه بيقولوا ليك يامحمود ..
- مش عارف .. مجانين !! .. مجانين يادكتور !! بس عشان ارد عليك قولي ياافاروق..

مش عارف .. مش عارف ليه حسيت اني عايز اطول في الحوار معاه شوية ..

- طيب يافاروق انت قتلت مراتك وابنك ليه وليه ولعت في البيت ؟
-- مش عارف .. مش عارف بس دي مش اول مرة انا اقتل فيها !! .. انا قتلت كتير قبل كده ، اشمعني دي اول مرة اتمسك فيها ..
- يعني ايه قتلت كتير قبل كده يامحمود ..

فضل يضحك عشان افهم اني غلط
- انا اسف .. اسف يافاروق

-- عادي يادكتور قتلت كتير .. زي ماي حد بيقتل !!
- بس دي مراتك وابنك !!
-- هو ال عايز كده واختارني .. ومقدرش اقول لا ... هاهاها هو ال بيختار !!
- مين ده ..
-- مش مهم مين !! المهم ان هو ال بيختار .. بس ايه ليه كاتبين في النتيجة ٢٠١٨ .. احنا في ١٩٩٨ .. هو مين فينا ال عيان