قصص عن العَالم الثالث(السفلي) 😈🖤

قصه رقم 7

-- متبصليش كده .. لو مكنتش عملت كده كنت هموت ، هموت يانسمة !! انا بعمل كده وانا بنهار .. وانتي كمان كنتي هتموتي وانتي نايمة

- بس انا خايفة ، خايفة وهموت !! ، مش مصدقة انك عملت فيا كده ، مش مصدقة ان اكتر واحد وثقت في هو ال هيموتني ..

- مش بايدي والله مبايدي ، انا بخاف من الموت اوي يانسمة .. انا لازم اخرج

- لا لا ارجووك يااعمر .. ارجوك متسبنيش هناا لوحدي لاااا ..

(-- قبل شهر من الوقت ده .. )

لقيت شقة في موقع كويس جدا .. كانت معروضه علي مواقع للعقارات ، في الحقيقة كانت قريبة مني مقر شغلي جدا ، والاغرب انها شقة ١٢٠ متر ب ٢٠٠ الف جنيه بس ومقدم قسط ١٠ الاف جنيه والقسط علي ١٠ سنين ! يابلاش .. دفعت القسط واخدت نسمه من ايديها ، كان يوم عيد ميلادها ال خامس ، اها الخامس ، هي ديما بتقول كده ، انا اتولدت لما بقيت معايا في بيت واحد .. انا مش عايز اطول في الكلام ده لانه بيخليني ابكي ، بس مش بايدي ، ارجوكم في النهاية اعذروني وقدروا موقفي ..

كنت حاطط شريطة سوده علي عنيها طول الطريق عشان متشوفش المفاجئة ال محضرهلها .. فكيت الشريطة عند دخولها الشقة فرحت جدا بيها

-- عمر انا مش مصدقة !! الشقة دي بتاعتنا
- بتعتك .. مش بتاعتي الشقة باسمك يانسمة
-- وانا وانت ايه ياعمر ..

-- احم

قاطع كلمنا عم صبحي صاحب الشقة القديم ..
- معلش ياعم صبحي عيد ميلادها بقي ..
-- ولا يهمك .. رجعتني سنة لورا وافتكرتها ..
- ماتت
-- مش بالظبط .. روحها موجودة
-- الله يرحمها كل ال سابونا روحهم معانا

ضحك عم صبحي
-- انت غلبان وابن حلال ، وانا غلبان وابن حلال وعشان احنا غلابنين يابني ملناش عيش في الحياة دي ..

مكنتش فاهم كلامه وبدانا انا ونسمة نتفرج علي الشقة واحدة واحده واوضه اوضه ، عم صبحي اخد كل حاجة معادة مراية كبيرة ..! ..
-- عم صبحي مش ناوي تاخد المراية دي
- لا دي هديتي ليكوا ..
-- شكرا جدا ياعم صبحي ..
خرج وهو بيبص لمراتي  بحزن .. وبيقولها

-- انا كنت بنت حلوة زيك بالظبط قبل ماجي هنا ..

قالها ومشي .
مراتي بصتله
-- مالو ده ياعمر .
- ده بينله مجنون .. هو في حد عاقل يبيع الشقة دي ب ٢٠٠ الف والقسط ده وفي المكان ده

اول ٣ ايام في الشقة كانت عادية جدا .. ، في اليوم الرابع كنت رايح اشرب في منتصف الليل .. لمحت ست عجوزة بتصلي من المراية الكبيرة ال جمب الحمام .. دعكت عيني وقولت بتخيل ! ..
مهتمتش ودخلت اوضتي .. بس لقيت بنت تانيه علي باب الاوضة .. كان شكلها غريب جدا زي الافلام  الرعب ال بشوفها ، كنت بستعيذ وخايف .. بس سمعت ضحكة جيا من المراية .. لقيت بنات كتير بتخرج من المراية .. كنت خايف !! خايف اقدم للاوضة مكان الست ال واقفة .. وخايف ارجع لورا من البنات ال يشبهوها بس مش بنفس الملامح ، لحد مشوفته !! .. شوفته جيلي ، كان لابس بالطو اسود ..  قرب مني .. مكنش باين وشه بس اتكلم وقالي
-- انا مش هوريك شكلي عشان متخفش .. بس ال حابب اقوله ان ال داخل هنا مفقود ..! تحب تخرج لوحدك وتسيب مراتك زي ال سبقك ؟ ولا تموت معاها ! ..