قصص عن العَالم الثالث(السفلي) 😈🖤

قصه رقم 21

ديما كنت بقعد مع اخويا الصغير فريد ، كنت بحب اسمع معاه برامج الاطفال ، كان عنده ٧ سنين .. امبارح الصبح قررت اني هفرجوا علي كارتون قديم كنت بحبه جدا اسمه روكسي ،  الكارتون مكون من مجموعة من الدمي الصغيرة اهمهم الدمية روكسي وال لونها اخضر ..

فضلت ادور كتير في اوضتي علي شريط الفيديو القديم ال حببني في الشخصية دي ..  والدي كان ديما يجبلي كل شرايطه ، لقيت شريط الفيديو وفرحت جدا ان هشارك اخويا طفولتي ، عملت كوباية شاي وقعدت جمبه شغلت شريط الفيديو .. كان غريب !! صوت الشخص ال بيغني اغنية المقدمة مزعج ، كاني اول مرة اسمعه !

بعد شوية ذاد الامر غرابة ، بالظبط مع دخول شخصية روكسي ! .. روكسي كانت شخصية خضرة ، عمرها ماكانت صفرة ؟ .. روكسي اول متكلم قال

-- صباح الخير تفتكروا مين هدفنا الجديد ؟
روكسي عمره مقال الجملة دي في الافتتاح !! .. كمان فضل باصص للكاميرا لمدة ٣ دقايق مبيتحركش .. بعد ال ٣ دقايق رن الجرس .. بص وراه وقال

- حاضر .. حاضر هنلعب اللعبة !

اول مفتح ظهر دميتين .. اغرب من بعض ! كانوا بيبصولنا بنظرات غريبة ! .. لدرجة اني خوفت ، بصيت لاخويا فريد ال مركز اوي وكانه مندمج .. فكيت شريط الفيديو علي طول ، فريد كان بيبصلي وقالي

-- ليه ؟؟ انا عايز اكمل !
- لا للاسف يافريد في حاجة غلط ياحبيبي في الفيديو ده هبقي اجبلك فيديو تاني
-- لا انا عايز اتفرج علي ده !! ..

فضل يصرخ ، بس انا مهتمتش ودخلت اوضتي وانا ببص للفيديو باستغراب !! .. رميته في الدولاب وانا مش عارف ايه الفيديو ده ، نزلت النادي وقعدت مع اصحابي ، حتي وانا قاعد معاهم فضولي قتلني ناحية الشريط ده .. بعد سهرة كبيرة رجعت البيت ..

اول مدخلت اوضتي تلقائي جه في ذهني الشريط ال في دولابي ، فضولي دفعني اني اروح اجيبه واتفرج عليه .. جبت  الشريط وقعدت في اوضتي ، وولعت سجارة وانا بتفرج ! ..

ولسه باخد اول نفس ، شوفت ال تلت دُمي بيبصوا لروكسي وبيقولوا ..
-- هدفنا في النهاردة !

روكسي قام وحرك الكاميرا عشان الاقي اخويا فريد مربوط علي كرسي ..وبيبصلي !! .. اتفزعت .. اتفزعت وجريت علي باب اوضتي !! .. كنت بحاول افتحه مش عارف .. عمال اكسر الباب مش عارف .. لحد مسمعت التلفزيون ورا بيقول ..

-- التحدي علي اقوي ضربة ! .. اقوي ضربة ب ٥ نقط .. واقل ضربة بنقطة !! ..

رجعت ببطيء عشان الاقي روكسي بيرمي سكين علي اخويا فريد .. وبتيجي في ايده !! .. فريد بيطلع منه صوت بس مش واضح من اثر الكمامة ال متلزقة علي فمه ، روكسي اتكلم وقال

-- اوووه في دراعه .. ضربة ضعيفه نقطة ..

حدف السكين الدمية التانية ، عشان تيجي في بطنه ، وبداؤ يضربوا السكاكين في مناطق مميته لفريد .. واخر سكين جت في عينه بس فريد ماصدرش صوت .. كنت متاكد انه مات ! ..

لقيت روكسي بيقدم لاخويا وبيفصل راسه عن جسمه !! .. وبيدها للدمي التانية وهما زعلانين .. روكسي بص مرة واحدة للكاميرا .. وبدا يقرب ، بدا يقرب وهو بيبصلي وقال ..

- واضح ان في هدف جديد !!

والفيديو خلص !! .. اول مخلص جريت .. جريت علي باب اوضتي ال فتح !! .. اول حاجة عملتها هي اني فتحت باب اوضة اخويا فريد ، مقدرتش افتح بؤي .. كانت صدمة ليا !! مش قادر اصرخ .. اخويا علي السرير ومفصول الراس عن ال جسم والمكان كله دم .. سمعت صرخة جيا من ورايا .. كانت صرخة امي .. لسه هحضنها بعدت عني وهي بتقول

- قتلت فريد .. قتلت فريد ياعصام !! ليه ياعصام ، ايه ياعصام ماسك السكين وهتقتل امك كمان

مكنتش فاهم ال بتقوله ، والسكين ال في ايدي وغرقانة دم دي منين !! .. الشرطة جت وكنت بحلف ليهم علي ال حصل !! ، مكنوش مصدقني نهائي  وبيقولوا اني قتلته وكاميرا البيت مصورة ده .. بس انا كان معايا الدليل .. شريط الفيديو اخدوني من ايدي عشان نشوف الدليل ، شي غريب حصل  .. ايه ده ..

صوت الشخص ال بيغني اغنية المقدمة جميل جدا ، دي الاغنية المالوفة ليا !! هه روكسي ؟؟ روكسي الشخصية الخضرة .. وهو بيقول
- صباح الخير يااصحابي ، هنعمل النهاردة الكيكة ؟