قصص عن العَالم الثالث(السفلي) 😈🖤

قصه رقم 5

رجعت البيت بعد غياب ١٠ سنين  .. بيتنا القديم ! كنت عايز اصالح امي.. امي واختي ، سيبتهم زمان بعد خناقة طويلة مع ابويا ، خلتني اسيب البيت ، ومن بعدها سيبت المدينة لحد موصلتني اني سيبت البلد كلها وهجيت .. ، ومن بعد سفري برا بقيت زي التور في الساقية ، مش دي احلامي ، مش دي بلاد برا ال كنت مخطط ليها ! ، لقيت نفسي بشتغل ٢٤ ساعة حتي مش عارف اجمع تذكرة ارجع لامي تاني .. امي وحشتني جدا ، بس اخيرا ، اخيرا بعد ١٠ سنين انا في مصر ، ودلوقتي انا راجع البيت لوحدي .. الساعة في ايدي ١ بعد منتصف الليل ، بفكر هيستقبلوني ازاي .. !! ياتري هتفرح لما تشوفني ؟ طيب ياتري والدي هيطردني تاني ولا هيحن ! انا عايز اشوف امي واختي بس .. هشوفهم وامشي .. وصلت الشارع ال في  العمارة بتاعتنا ، ال ابويا واخدها ورث من ابوه ، عمارة قديمة ومهكعة عبارة عن ٤ ادوار ..

الشارع فاضي زي اخر مرة سيبته فيها .. لسه بيناموا بدري عكس الشارع ال ورانا .. انا واقف تحت العمارة ، العمارة ضلمة جدا .. مكنش في حد ساكن فيها غير اتنين، الدور الاول كان عبارة عن عيادة نفسية ، كان دكتور غريب وبتجيله حالات غريبة كنت بخاف من المرضي ، الدور التاني ، استاذ سعيد المحامي في النقض راجل رغاي وكان صاحب ابويا الدور التالت كان لينا .. والدور الرابع ابويا كان عامله ليا  ، هه بس اهو محصلش نصيب .. اول مرة اخاف من شكل العمارة كده ! مش عارف ليه قلبي مقبوض .. خايف من المجهول ، يمكن عشان بقالي ١٠ سنين مجتش هنا وعيني واخدة علي بيوت اوربا ؟ .. مش عارف  .. المشكلة الاكبر ان تلفوني كان فاصل شحن ، يعني هطلع العمارة من غير كشاف .. دخلت العمارة .. اول دور ، بتاع الدكتور بتاع العيادة النفسية .. ! من  ضوء الشارع باين ان الشقة من غير باب !! هو مشي ؟ اكيد مشي ! الشقة مكنتش باينة منها اي حاجة ..

اخدت نفس عميق وطلعت علي السلم .. ، وانا في نص السلم سمعت ضحكة !! ضحكة جيا من تحت ، ضحكة مرعبة !! .. كنت بفكر انزل اشوف في ايه .. بس مش مهم انا هطلع وهكمل .. عمال احسس علي الجدار بايدي انا عارف عشان اطلع الدور التاني لازم اعد ١٤ سلمة ، كنت بعدهم وانا صغير ، بس السلالم متكسرة مش زي وانا صغير ! .. وصلت الدور التاني .. دور المحامي سعيد بتاع النقض الرغاي .. يتري موجود ؟ مش عارف .. لحد مسمعت حد نازل علي السلم ! .. صوت حد نازل ! .. الصوت بيقرب مني اوي قبل مطلع الدور التالت .. كنت خايف ! الصوت بدا يقرب ويقرب ، لخد موقف قدامي .. حاسس بنفسه ! .. خايف انطق .. خايف اتكلم ..!!

لحد مقولت
- انت مين ..

ضحك .. ضحك وزقني علي الحيط ومشي .. كنت سامع نزوله للدور الاول .. بلعت ريقي وطلعت هو ايه ال بيحصل ؟ .. كملت طلوع عشان اوصل لبتنا هعد ١٢ سلمة ..

١ ٢ ٣ ٤ ٥ .. ١١  قبل موصل ل ١٢ كان في حد واقف علي السلم .. مسكتش المره دي ..
-- انت مين ؟ ابويا ولا مين ؟..

مردش عليا وقرر نفس الحكاية وسابني ونزل .. ايه ال بيحصل !! .. انا مش فاهم حاجة ! .. مشيت بخطوات بطيئة ناحية بتنا وانا بتحسس علي الجدار زي المكفوفين ، لحد موصلت شقتنا .. فضلت اخبط ! واخبط ..! بتاع ٣ ٤ دقايق !! .. سمعت اصوات ضحك من تحت !! .. كان نفسي اكسر الباب وادخل ، هموت من الخوف .. الخوف من المجهول والضلمة ، طول عمري بكره الضلمة ..! وفي اللحظة ال قررت همشي فيها .. الباب اتفتحت !! .. كان ماسك شمعة ، ملامحه متغيرتش عن زمان ! .. ياتري هياخدني في حضنه ؟ ياتري وحشته ، كان ملامحه بدون تعابير .. انا عارفه قلبه حجر عمره مبيحن .. عشان انا كده انا بحب امي ، انا قلبي طيب عشان امي قلبها طيب .. انا جي عشان امي مش هيهم لو طردني هاجي الصبح .. بس علي عكس العادة اتكلم

-- كنت عارف .. كنت عارف انك في يوم هتيجي .. بس مش عايزك تخش البيت !
- انا عايز اشوف ماما وامشي ..
-- انت ملكش ام او اب من ساعة مسيبت البيت ..

هنا سمعت صوت .. والدتي بتتكلم
-- مين !! مين يااسمير ؟ انا سامعة صوت حسام !! قولي ان ده حسام .. صح ؟ حسام

هنا صرخت وقولتلها
-- ماما .. ماما وحشاني جدا .. بجد وحشاني وعايز احضنك
- دخله يااسمير .. دخل ابني عايزه احضنه ..!

والدي دخلني .. كانت علي نظراته الغضب ، .. اختي كانت جوا وصحيت ! بصتلي وهي بتعيط وبتقولي  ..

- انت .. ! انت اتاخرت اوي !! .. اتاخرت اوي ياحسام ، امشي ياحسام من هنا

دخلت اوضتها وقفلت عليها ، امي بس ال كانت عايزة تقعد معايا !!..

كانت بتصبلي باستغراب وقالتلي
- اتاخرت ليه ياحسام ؟ ده بابا نزل يدور عليك
-- ماما انا تعبت اوي وسافرت واتغربت ..
- عملت ايه مع المعيد ال مش عايز ينجحك ياحبيبي
-- معيد ايه ياماما هاهاها .. انا بقالي ١٠ سنين مسافر وسيبت الكلية .. ونسيت كل حاجة ، بس عمري منسيتك ..
- بالمناسبة دي بقي انا عاملة ليك البيتزا ال بتحبها !! هتشم ريحتها هتيجي علي طول ..

كلام ماما غريب .. مش متوازن ومش راكب علي بعضه ! مش دي الاجابات ال انا برد عليها ، تسال سؤال وتجاول بسؤال تاني ..

-- ماما هو في ايه ؟
-- يلا خش استحمي انت اكيد الشلة الصايعة دي هي ال خلتك تسيب البيت بابا بيحبك ..
- ماما هو في ايه ؟
- بكره رايحين المصيف تيجي معانا مطروح ؟
- مااامااا هو في ايه ..!!
- بنت استاذ سعيد طلعت بتحبك اوي ياواد ياحسام ..

كنت خايف .. خايف اوي !! بصيت لبابا ال كان ماسك الشمعة !! ..
-- بابا هو في ايه ..

قولتها وانا علي وشك البكاء خلاص .. رد وقالي
-  انت اتاخرت اوي ياحسام ..

كان ملامحه غريبة !! .. وصوته اغرب !! .. ومرة واحده الشمعة طفت واصوات ضحك بقيت مليانة في البيت .. فضلت اصرخ .. لحد ماغمي عليا ..! صحيت لقيت نفسي في المستشفي .. اول حاجة فتحت عليها عنيا كانت يسرا ! بنت استاذ سعيد المحامي
-- حمدالله علي السلامة ياحسام
- يسرا .. استاذ سعيد !! هو ايه ال حصل ..

يسرا حطت راسها في الارض وخرجت .. واستاذ سعيد اتكلم

- حسام يابني .. كل شيء بقضاء الله ، ولازم تعرف ان كلنا رايحين لله عز وجل ومحدش دايم ، لما انت هربت ولدتك جالها انهيار عصبي .. وابوك سمير فضل يلف عليك في كل حتي في الاقسام والمستشفيات ومكناش عارفين طريقك .. امك اتمنعت عن الاكل ، وفي ليله ليعلم بيها الا ربنا .. كان النور قاطع ..! لقينا حريقة في الشقة بتاعتكوا .. محدش نجي منها غير .. اختك ندي ..!

كان كلامه زي الصدمة بنسبة ليا .. طيب ال شوفته امبارح !! .. قطعته

-- وقولتله ، انا كنت في الشقة امبارح !! .. وشوفتهم
- الشقة مهجورة من ٩ سنين .. تعرف لولا ان اختك ندي بتقول كده ، كنت اتهمتك بالجنون ياحسام ..
- هي فين .. فين ندي ياستاذ سعيد !
-- ندي في مصحة اخدها الدكتور فؤاد ال في الدور الاول لو فاكره ساب العمارة من زمان ، بس حالة ندي اختك هتصعب عليك .. ندي فقدت عقلها بالكامل ..
-- عايز اشوفها ..

خرجت من المستشفي وطلعت علي مستشفي العباسية !! ولقيت ندي .. اول مشافتني في الزيارة عيطت وقالت ..

- انت .. ! انت اتاخرت اوي !! .. اتاخرت اوي ياحسام ، امشي ياحسام من هنا

ودخلت  اوضتها في العنبر وقبل متقفل الباب عليها .. شوفت بابا وماما بيبصوالي وعلي وشهم ابتسامة مرعبة ..!