قصص عن العَالم الثالث(السفلي) 😈🖤

قصه رقم 6

-- بقولك ايه يابيه .. بنتي مقتلتش حد ، وانت متاكد انها مقتلتش حد ، والنيابة والطب الشرعي ملقوش بصمات .. يبقي لزمتها ايه يابيه الشوشرة دي ؟ حدانا هنا مينفعش راجل غريب يوقف بنات الناس ويراقبها اين كان مين ، ولو بتتحمي في رتبتك فاحنا هنا مبنخافش من ايتها حد ..

- الله الله الله .. ده انت طلعلك صوت ياعم فرج ؟ .. وبقيت تتكلم باسلوب مش من عادتك ، مش ده الراجل ال غلبان ال كان بيتراجاني !! ..

-- انت يابيه ال عايزني اتكلم بالاسلوب ده !! مهما كان دي بنتي ! بس انا عاذرك اول مرة تشوف الحكاية دي ، عشان انت ظابط جديد .. بص يابيه خلاصة القول من غير مناهدة التحقيق خلص والقضية خلصت !  ..
- ماشي ياعم فرج ..

كانت بتبصلي مرات فرج نظرات كلها حقد وانا خارج  ،خرجت من بيت فرج وانا مخنوق ، ازاي القضية دي تخلص !! .. دي اربع جرايم قتل ! .. اينعم مفيش اي دليل ناحية فريدة بنته بس بردو ! دي ال كانت معاهم في العربية ، فضلت سهران علي الفيديو ال سجلته كاميرات محل علي الشارع .. الساعة ٣ ونص الفجر ، بنت ماشية لوحدها ..  بتقف عربية فيها تلت شباب بيغموا عنيها وبيخدوها في العربية وقبل ميسوقوا العربية بتقف .. بتتهز بسرعة غريبة كانها هتتقلب ال شخص ال بيسوق راسه بتطلع من الازاز الامامي وهو بيتكسر ال جمبها من بيخرج وبيجري وكانه بيستنجد من حد .. اما ال علي الشمال الازاز بتاع العربية بيقفل علي وسطه وباين بيصرخ !! .. والشخص ال جمب ال سواق مش ظاهر في الفيديو !! .. بعد مالشرطة عاينت لقيت فريدة في العربية وفي ال عربيه ٣ مقتولين وواحد بعيد عن العربية ب ٨ امتار ماسك رقبته كان حد بيخنقه ..
التحقيقات ماسفرتش عن اي حاجة ، وكان حالة شبه جنونية ، خصوصا الولد ال جري وباين عليه الذعر ان في حاجة بتجري وراه ! .. القضية اتقفلت ضدد مجهول وفريدة خرجت والحكاية خلصت ، بس عندي انا ؟ لا الحكاية مخلصتش في شيء مفقود .. في جزء غامض ! ازاي الاربعة يموتوا بالطريقة دي ، انا واثق ان فريدة ال قتلتهم .. وعشان كده سافرت الريف واتنقلت هناك بامر مني لاني مش مرتاح  .. اثناء البحث قدرت اجمع معلومات تفيدني من المرشدين هناك ان فريدة دي مش اول قصة تعملها بس محدش عايز يتكلم ! .. وهناك اتعرفت علي عطاء راجل شويش غريب شوية كان بيحكيلي كل حاجة عنهم كان كارههم جدا وعايز يخلص منهم ..

-- عطاء ايه حكاية بيت فرج ده ؟
-- بيت الغجر ؟
- غجر !!
-- ايوه يابيه بنسميهم الغجر بذات نعمة الغجرية ؟
- مين نعمة دي !
-- ال متجوزه فرج المنحوس !
- منحوس ازاي ؟
-- ايوه منحوس ياسعات البيه هو في حد حاله صالح تختاره غجرية ؟
- تختاره ؟ عطاء انا مش فاهم حاجة .. بص اقعد كده واعملنا كوبايتين شاي واحكيلي من الاول ..

الشاي يازينة .. ودخلت زينة !! كانت اجمل بنت شوفتها في حياتي !! .. حطة الشاي وابتسمتلي ! ابتسامتها كانت بنسبة ليا سحر ! عمري مشوفت بنت في الجمال ده .. قاطع تفكيري