قصص عن العَالم الثالث(السفلي) 😈🖤

قصه رقم 8

دخلي محفوظ سكرتير العيادة في توتر وهو بيقولي ..

- دكتور مروان .. في شاب دخل من شوية عمال يدخل الناس كلها قبله .. وانت شايف النور كل شوية يقطع ! والصراحة انا خايف. 
-- مين ده ياعم محفوظ .. وبعدين مش عارف مال النور !! متشغل المولد
- مش شغال يادكتور و ..
-- عم محفوظ .. دخل الواد ده ومتقعدش ترغي معايا كفاية المرضي ال قصصهم كلها متشابها النهاردة ، يلا ..

ولعت سجارة .. وفضلت مستني الشاب ده ، ودخل ، شاب في منتصف التلاتين ! ، كان بيبص في كل ركن في العيادة ، ماشي ببطيء شديد لحد مقعد علي الكرسي .. قدمت التحية ! .. وبعدها قولتله

-- ازيك منورني ، واضح انك قاعد من بدري ، اتشرف بيك !!
- مش مهم ..

ضحكت وانا من جوايا بغلي ، بس اين كان مريض ..
-- ازاي مش مهم ، انت جي لدكتور نفسي ..

فضل يتلفت تاني براسه في المكان وبيبص في كل حته  .. وهو بيهز راسه ..

- عارف .. عارف اني في عيادة دكتور نفسي .. بس هي ال قادتني لهنا ، انا مش مخطط اني اجيلك ..
-- طيب خيلنا ندردش شوية ومش مهم اسمك ، مالك ؟

- لا لا .. انا اسمي مش سر ! اسمي سعد ومش عارف هيفيدك بايه.. بس انت عايزني احكي صح ؟

- ياريت ياريت .. بس !! ده لو انت حابب طبعا !!

سكت شوية وبعدين قالي
- ينفع اطلب قهوة ..
-- اكيد ..
رنيت علي الجرس عشان يدخل محفوظ بتوتر ، وهو بردو بيتلفت في الغرفة .. هو ايه ال حكاية !! قطعت انتباهه
- محفوظ .. محفووظ !! ركز معايا !! اعمل لاستاذ سعد كوباية قهوة ..

خرج محفوظ .. وسعد ولع سجارة وبصلي وقال  ..

-- ابويا راجل صعيدي من قنا شغال مزارع ، اما امي ، ست اصيلة ربة بيت ..! مكنتش بتخلف ، سرحت وحفيت علي الدكاترة والدجالين ، مكنش في نتيجة لحد موصلت ٥٠ سنة .. لحد مجه شيخ وقالها
-- يانعمات .. مش نفسك تخلفي ..
- ياااه ياسيدي .. ده كان من زمن خلاص !!
-- بس انا ممكن اساعدك انك تخلفي
-ازاي !!!! انا عديت ال ٥٠ ..
- ازاي دي بكره اقولك عليها ..

اختصارا للوقت ووقت المرضي ال برا .. خلاها تدبح ديك !! .. وتشرب حاجات غريبة وتبات ليلة في القبر بعد جماع من ابويا .. وبعدها ، اكتشفت انها حامل ! بقي النجع بتاع قريتنا ملوش حديث غير امي وابويا والشيخ المبروك .. متبصليش كده ، الدجال والساحر  مبيقولش علي نفسه دجال بيسمي نفسه شيخ .. وظهرت بركاته فينا .. لحد مانا جيت !!

بس من وانا صغير حياتي بائسة ، انا عايش بلعنة وفي ناس ميزة ، انا بشوفهم ، بشوف ال انتو مش بتشفوا .. وبكلمهم !! .. وبيكلموني ..! ممكن انت متصدقش ، بس ياما قبلك افتكرني مجنون ..! 

دخل محفوظ واول مدخل رمي القهوة !! من الخضة !! لدرجة اني اتفزعت
-- في ايه ياعم محفووظ !! خضتني