الفصل السادس عشر.
شعور سئ أن تكتشف مؤخرا أنك تعاملت دأئما مع الأشباه أشباه الأحباه أشباه الاصدقاء لاشىء حقيقي و ثابت في حياتك إلي الأن.
يطرق مالك علي باب منزل خالد بقوه ولم يرد عليه احد :
- افتح يا خالد انا عارف انك جوه نهايتك علي ايدي يا كلب
يطلع احد الجيران :
- يا استاذ بقالك ساعه بتخبط ومحدش بيرد ، ممكن يكون نزل
مالك لم يرد ويستمر في الخبط :
- افتح يا زباله ، بقوووولك افتح ، كده ماشي هجيلك تاني مش هسيبك وموتك علي ايدي
***
فيلا عاصم السوهاجي،
يدخل مالك بغضب شديد و يتصدم في كتف والده
عاصم : في مالك داخل كده ليه ؟
مالك ساخر :
- هو انا ماقلتلكش الهانم اللي انت مجوزهالي وعمال تقول فيها شعر طلعت خاينه
عاصم بصدمه :
-انت بتقول ايه ؟
مالك بزعيق :
- بقولك الحقيقه مريم حامل من صاحبي ولسه قاللي الكلام ده بلسانها و انا عديت موضوع نانسي لخالد عشان نانسي مش هماني خصوصا بعد ما عرفت حقيقتها ، انما الهانم اللي فوق ليها حساب معايا خالص عشان مراتي وشايله اسمي
ليتركه والده ويصعد للأعلي
عاصم : استني يا مالك ، و متعملش حاجه تندم عليها ... بقولك استني
ليدخل مالك صافعآ الباب الغرفه ويدور بعيناه ولم يوجد احد بالغرفه و يطرق علي الباب المرحاض بقوه :
- افتحي مريم ، ماتفتكريش عشان قولتلي لي الحقيقه هسامحك
عاصم يدخل :
- استني يا مالك
مالك بصرامه :
- محدش ليه دعوه دي مراتي يعني شرفي اللي هانم مرمغته في التراب
يفتح الباب بقوه و يتصدم بمريم علي الارض دمها سايح
عاصم صاح :
- مستني ايه يلا بسرعه شيلها نوديها المستشفي
***
في المستشفي، كانت يقف الجميع امام المستشفى و مالك بجمود و عاصم و عزه و زينب بحزن
يطلع الدكتور من غرفه العمليه
زينب ببكاء :
-طمني يا دكتور بنتي مالها
تنهد الدكتور قائلا :
-لو كنتم اتاخرتوا دقيقه كمان كان ممكن مانلحقهاش و تموت
زينب بشهق :
- يالهووي طب هي عامله ايه دلوقتي
كان مالك يقف بجمود
الدكتور : الحمد الله وقفنا النزيف ، و للاسف الجنين نزل حالتها مكنتش تسمح بالاحتفاظ بيه
عزه عاصم بصدمه :
-هي كانت حامل
زينب بحزن:
- كمان يعني عليكي يا بنتي
***
بعد عده ايام في فيلا عاصم،
عاصم بعتاب :
- مش ناوي تبص علي مراتك اللي في المستشفي
مالك بجمود :
-ابص علي مين واحده خاينه ، انا مش عارف انت وماما لحد دلوقتي موجدين هناك ليه
عاصم بجديه :
- انا مسمعتش منها عشان اقرر ، بس اللي متاكد منه مريم مش ممكن تعمل كده
مالك ساخر :
- واهي عملت ، اللي كنت مفكرها شريفه ، ومع مين صاحب عمري
عاصم بضيق :
- طب وطي صوتك ، متخليش امها تسمع وتعرف الموضوع ده ، هي وامك في الاوضه بتاعتها بيجبولها هدوم
مالك : تصدق اكتر واحده مستغرب ليها امها ، اللي من ساعه اللي حصل وهي قاعده جنبها في المستشفي و مبتتحركش ، امال لوعرفت حقيقتها بنتها هتعمل ايه ؟
عاصم بجديه :
- قلت اسكت يا مالك انت مش فاهم حاجه
***
أنت تقرأ
ندم قاتل (كامله) لــ خديجه السيد
ChickLitنبــذه مختصره عن القصـه:-تحكي عن فتاه تتعرض لقسوه من امها و تزوجها بالغصب من إبن عمها الذي يحب فتاه أخري و تكون ضحيه انتقام هذا الزواج ...")+✓ حب/ ندم / خيانه/ قسوه / ظلم ﴿الرواية الرابعه لي من كتاباتي قراءه ممتعة 💘🌹﴾ عدد الفصول : 21 فصل ....
