ندم قاتل (كامله) لــ خديجه السيد

14_

الفصل الرابع عشر.

الندم عذاب من نوع اخر يفتك بالروح حارقا القلب ليقتها ببطء
***

خالد : ممممم لما بتقولي خالد مش عز بحس اني في مصبيه ، ارغي عاوزه ايه مش كنت طردتك وخلصت منك
نانسي بحزن : البيبي نزل خلاص
خالد بجمود : طب وانا مالي ، يكنش كان ابني
نانسي بحده :
-انت عارف متاكد انه ابنك أنت ، واني محدش لمسني غيرك
خالد ببرود :
-طب ونزل ، جايلي ليه بقي
نانسي بغضب :
-انت إيه البرود اللي انت في ده ، بقولك ابنك مات، انت بتعمل معايا كده ليه ؟ انا حبيتك بجد و ساعدتك كتير عشان توصل للي انت فيه دلوقتي
خالد : ممم عاوزاه تعرفي ، بصراحه انا عمري ما حبيتك ولا هحبك
نانسي بألم :
-و اللي كان بينا ده ايه
خالد يقهقه بخبث :
- كنت بشتغلك عشان اوصل للي انا عاوزه
نانسي تنظر له باستحقار :
- تصدق انك واحد حقير وزباله ، انا اللي استاهل اني صدقتك ، بس والله لاقول لمالك علي كل حاجه، كده او كده هو عرف اني كنت حامل وسبني خلاص
خالد : هتقوليله ايه يا حلوه
نانسي بجديه :
-هقوله علي كل حاجه ، انك انت اللي كنت بتخلني اسرق الملفات و الحقد اللي من ناحيتك ليه و كرهك ، بدل ما هو مفكرك صاحبه وبتحبه
 
خالد : ممممم ماشي قولي ، وانا بقي هنزل صورك الجميله وانت في حضني علي النت وخلي الناس تتفرج ههههه وابقي قولي بقي
نانسي بصدمه :
-اه يا واطي انت كنت بتصورني
خالد بجديه :
- ايوه ويلا غوري من هنا عشان لو شفتك تاني انتي اللي هتزعلي مش انا
***

في الشركه                                                                        مالك يحدف الملف فارغ بغضب علي المكتب :        -بعدين بقي ده تالت ملف يتسرق ويكون فيه شغلي
خالد : اهدى يا مالك مش كده العصبيه مش هتحل حاجه
مالك تنهد بتعب :
- طب اعمل ايه الشركه خسرت كتير ده غير تعبي مجهودي
ينظر خالد له بشماته :
-معلش متزعلش
مالك بغل :                                                                          - نفسي اعرف مين اللي بيدخل و بيسرق الملفات ولا الشركه اللي ضدنا تبع مين دي كمان ؟
خالد بمكر :
-ما هو محدش عارف حاجه عنها
ينظر مالك له و يتنهد بتعب :
- هو انا هلاقيها منين ولا منين بس يارب
خالد في نفسه يردد بحقد :
-قربت نهايتك يا مالك وهتبقي علي ايدي ، هاخد شركتك وهحط اسمي عليها ، و مريم كمان لازم تطلقها وتبقي لي ، انا حبتها بجد ، كان المفروض ارميها ذي نانسي ، بس لا لازم تبقي ملكي ولوحدي انا

***
كانت مريم داخل المرحاض تستند بجسدها علي حائط تتقيئ ما في جوفها بارهاق شديد ، لتشرد بعقلها بان هذه الحاليه اتت لها عندما كانت حامل في همس
لتتنفض بهلع من فكرت قد تكن حامل.
عاد مالك للغرفه باجهاد من الشركه.و يبحث عن مريم لم يجدها و يستمع لصوت بكاء داخل المرحاض.

ليفتح الباب ليري مريم جالسه بحوض الاستحمام تبكي وهي تضم قدميها لصدرها وترتعش كالاطفال و الماء تتساقط عليها ومرتديه ملابسها المبتله، ينظر لها بصدمه قبل ان يتجه نحوها ليحملها بين يديه وهو يغطيها بمنشفه كبيره احضرها و يدلف للغرفه و يضعها علي السرير و يحضر لها ملابس من الخزانه و يبدلها لها وهي مستسلمه له.
و بدأ بتجفيفها من شعرها وهو يحدق بها بدهشه وعدم فهم وهي متلاشيه النظر له.
مالك بعد الانتهاء :
-مريم
مريم لم ترد و تذهب للفراش و تضم قدميها و تغمض عيونها محاولة النوم.
مالك يتنهد بعمق و يفرد جسده بجانبها وهو يغطي مريم.