الفصل الثامن عشر.
بالرغم من أنه لا يمكن أن نعود إلي الوراء لنصنع بدايه جديده إلا أنه يمكن أن نبدأ من الآن في صناعه نهايه جديده
***
مالك يدلف مكتب والده : بابا
عاصم : في ايه يا ابني خضتني
مالك باستعجال :
-معلش كنت عاوزك تجي معايا دلوقتي عشان ، نروح لمريم و نحاول نرجعها
عاصم ابتسم :- ماشي حاضر هاجي معاك ، بس اخلص الشغل اللي في ايدي
مالك بنفاد صبر :
-يا بابا مش وقته بعدين بعدين.. يلا بسرعه
عاصم : في يا ابني مستعجل علي ايه ، ما انت بقالك كام يوم قاعد اتجننت فجاه
مالك بجديه :
- لا يا بابا بس فكرت كتير ولقيت اني هو ده الحل مش لازم اضيع مريم من ايدي تاني... يلا بقي
عاصم بقليه حيله :
-حاضر
***
في منزل زينب ، تقدمت زينب تفتح الباب :
-استاذ عاصم اتفضل
عاصم ابتسم :
- ازيك يا ست زينب ، معلش جينالك من غير معاد
زينب : لا طبعا انتم تيجوا في اي معاد ده انتم اهل تفضلوا .
مالك ابتسم :
-ازيك يا طنط
زينب : ازيك يا ابني عامل ايه و عزه هانم مجتش ليه
مالك : ماما في البيت مع همس
زينب : عامله ايه صحيح
مالك : كويسه، بس محتاجه مريم اوي
زينب بتنهيد :
- اكيد مش امها
عاصم : طب ادينا موجودين ، عشان امها تسامح بقي وترجع
زينب : انا مليش دعوه ده قرار مريم ، انا قلت مش هغصبها علي حاجه تاني مالك : محدش قال كده ، طب رجعها برضها هي اكيد ، بس هي هتفضل كده حابسه نفسها ، ومش بتكلم مع حد ولا بتخرج
زينب : ربنا يا ابني يقدم اللي في الخير ، انا عن نفسي ترجع لبيتها وبنتها، بس برضه قرارها هي
عاصم : طب ممكن مالك يدخلها
***
كانت مريم تقف تنظر من خلف الستاره ، ويدلف مالك لها
مالك : مريم
مريم تستغرب وتلف : مـ مالك
مالك : اي اضايقت اوي كده انك شوفتيني
مريم : لااا بس اتفاجئت ، دخلت امتي
مالك : لسه جاي انا وبابا بره ، عامله ايه ؟
مريم بهدوء :
-كويسه الحمد الله.. وانت
مالك بتنهيد :
- مش كويس خالص
مريم بأستغراب :
- ليه في إيه
مالك بحزن :
-هبقي كويس ازاي وانتي مش مسامحني ولا رضيتي ترجعي لينا ، انا وبنتك ، طب حتي همس ما وحشتكيش
مريم بحزن هي الأخري :
- اكيد وحشتني اوي
مالك بلهفه :
- طب تبقي ترجعي بقي
مريم تنظر له وتقول بعد صمت :
- مش دلوقتي
مالك بخبيه امل :
- ليه ؟
مريم : لسه محتاجه وقت وافكر في حاجات كتير
مالك : طب امتي ؟
مريم بشرود :
- مش عارفه ، بس اكيد قريب
مالك بحزن :
- بتصعبها عليا ليي يا مريم ، مش عاوزه تنسي اللي فات وتسامحي ليه
مريم : انا ما قلتش كده بس محتاجه وقت مش اكتر
مالك بقله حيله :
- ماشي يا مريم براحتك، بس خليكي فاكري اني محتاجلك انا وبنتك اوي
***
بعد مرور اسبوعين،
زينب : ياااه صعب التفكير للدرجادي
مريم بتنهيد عميق :
-تعرفي يا ماما رغم اني كان نفسي كل حاجه تبقي باختياري انا بس مش عارفه افكر اعمل ايه ؟
زينب أبتسمت :
-ماشي بس برضه مش هاقوللك تعملي ايه ، لازم يكون المره دي قرارك انتي
مريم بتنهيد :
- وانا عرفت هعمل ايه
زينب تنظر لها :
-هتعملي ايه ؟
أنت تقرأ
ندم قاتل (كامله) لــ خديجه السيد
Chick-Litنبــذه مختصره عن القصـه:-تحكي عن فتاه تتعرض لقسوه من امها و تزوجها بالغصب من إبن عمها الذي يحب فتاه أخري و تكون ضحيه انتقام هذا الزواج ...")+✓ حب/ ندم / خيانه/ قسوه / ظلم ﴿الرواية الرابعه لي من كتاباتي قراءه ممتعة 💘🌹﴾ عدد الفصول : 21 فصل ....
