LØVE YØU
Part-19
ကိုရီးယားနိုင်ငံ၏ ဒုတိယ အမြင့်ဆုံး ဖြစ်တဲ့ 63 building ရဲ့ အပေါ်ဆုံးထပ်တွင် ဘူဖေး စားသောက်ဆိုင်တစ်ဆိုင် ရှိသည်။ seoul မြို့ တစ်မြို့လုံးကို အပေါ်စီးကနေ ကြည့်ရှုခံစားနိုင်သော ဆိုင်လည်း ဖြစ်သည်။ ယခု ထိုဆိုင်တွင် Baekhyun ရောက်နေခြင်းဖြစ်သည်။
" Chan "
" ပြောလေ hyun "
" ညစာ ဘာလို့ ဒီမှာ လာစားတာလဲဟင် ? "
စားပွဲဝိုင်းမှာ ဝင်ထိုင်ပြီးသည်နှင့် Baekhyun စကားစကာ မေးလိုက်၏။ Chan သည် ယခုကဲ့သို့ ပြုမူခဲ့ခြင်း မရှိခဲ့ဖူးတာကြောင့်....
" တစ်ခါတစ်လေ အပြောင်းအလဲ ဖြစ်အောင်လို့ပါ , hyun မကြိုက်လို့လား ? "
" ကျွန်တော်ကတော့ ကြိုက်တာပေါ့ "
" ဒါဆို ရပြီလေ... ကဲ... ကိုယ် သွားယူပေးမယ်နော် ခဏစောင့် "
ဘူဖေးဆိုင်မို့ Chan က နေရာကနေ ထ သွားကာ ပန်းကန်တစ်ချက်ကို ယူပြီး ကျွန်တော့်အတွက် သွားထည့်ပေးနေ၏။ Chan ကို ကြည့်နေရာမှ မျက်နှာလွှဲကာ မှန်ချပ် ရှိရာဘက်သို့ မျက်နှာမူမိတော့ ညမီးရောင်စုံ လင်းနေတဲ့ seoul မြို့ရယ် တစ်ကိုယ်တည်း တည်ရှိနေတဲ့ seoul မြို့ရဲ့ အလှဂုဏ်ဆောင် နမ့်ဆန်းတာဝါ ကိုလည်း တွေ့လိုက်ရသည်။
ခင်ဗျားအပြုံးလိုပဲ.... အေးချမ်းတယ် Chan
" ရပြီ hyun....လိုချင်သေးရင် ပြောနော် , ကိုယ် ထပ်သွားယူပေးမယ် "
ကျွန်တော့်ရှေ့မှာ ချပေးလာတဲ့ ပန်းကန်ထဲတွင် steak ရယ် ငါးအသားလွှာရယ် အဓိက ပါ၏။ seoul မှာ ရှာရခက်တဲ့ ပုစွန်တွေလည်း ပါ၏။ သူ့ အရှေ့က ပန်းကန်သည်လည်း ထိုနည်းလည်းကောင်း......
" ကိုယ် ပုစွန်ခွာပေးမယ်လေ "
ပန်းကန်ကို ကြည့်နေတဲ့ ကျွန်တော့်မှာ သူရှိရာဆီ လှမ်းကြည့်မိသည်။ သူကတော့ ကျွန်တော့်ကို ကြည့်နေတာမဟုတ်ပဲ ဘေးက လက်အိတ်ကို ယူကာ ပုစွန်ခွာနေပြီဖြစ်သည်။
" Chan "
" ဟင် "
" ဒီည ထူးဆန်းနေတယ် "
