#نصف عذراء بين أنيابك قاتلي

بارت 16

بارت 16

رواية...نصف عذراء بين أنياب قاتلي
بقلمي..نور سمو العراق

💔💔💔💔💔💔💔💔💔💔
فهمت مُؤخراً بأن كُلما كتم المرء أحزانه وراكمها، كُلما تحولت تدريجياً إلى ألم جسدي، تخيلوا مدى هشاشة المرء حينما يظن أن الكتمان إنتصار بينما هو بالحقيقة أكبر هزيمة قد يرتكبها بحق نفسه."

.................................

من كال راح اتزوج عبالك ضربني ببلوكه علئ صدري انهبطت هبطه مو طبيعيه...

بس حاولت اتماسك واصبر نفسي ماكدرت اببببد علئ اي لحظه انفجر...

عمتي كالت...ياااا تحجي صدك شنو تزوج مو هاي تاج شناقصها شو صغيره وحلوة مية واحد يتمناها

هو مسح وجه بتوتر كال...يمه من زمان حجينه وكلنه هي ماتريد واني ما اجبرها

اني بلعت ريكي همست كوة مصبره روحي ...عمه عادي اني اصلا ما الي نفس بأي شئ مو انوب اتزوج خليني ويه بنات اختي والله اكتفيت ماعندي واهس لأي شئ..

عمتي تعصبت كلتله...ومنو سعيدة الحظ الراح تجيبها علئ تاج..

هو رد بهدوء...حماة ام باقر

من كال ام باقر تمنيت احرك البيت بيهم...اي صح مثل مكالت خاله هو متفق يتزوج ...يطبه طحال خلي يتزوج ميته عليه...

عمتي كالت...يااا انتصار حماة اختك دهر فرها ولك هاي مو تطلكت من زوجها ...من وره سوالفها ولسانها

هو رد...وشنو يعني واذا مطلقه جربت حضها ومطلع زين ان شاء لله هل مره حلووو...

تنفست بغضب وروحي تفوور كتلني،ببروده والله والله اتمنئ احركه التافهه يكول بلكي وياه حضها حلوو...

اعرفها نصييره حماة ام باقر فد وحده لبگه وتكشط بالكلام هاي اذا جابها تاخذه حاصل فاصل...

ضليت اهز رجليه بتوتر واكل باضافري...

عمتي كالت...ولك يمه انت شلك بالمره الثانيه ترئ وروح ابوك يطلعن الك كرون ويورمن كلبك...

ضحك لاستهزاء كال...والله كلبي مورم من زمااان

اني وكفت كلتلها...محتاجيين شئ اريد انام..

عمه كالت...تصبحين على خير روحي الله وياج

اخذت البنات ورحت وكلبي يفوووور

كعدت بغرفتي والغصه بصدري علئ اي لحظه وابجي ومصبره روووحي بالگووه...

حطيت زهراء بسريرها...وكعدت علئ الجربايه مالتي...

بلعت ريكي بصعووبه احسه علقم تنفست باسف

باوعتلي زينب ومدت ايدها مسحت دمعتها ..تفاجئت اني شوكت بجييت ...وليش ابجي