#نصف عذراء بين أنيابك قاتلي

بارت التاسع

بارت التاسع

رواية...نصف عذراء بين أنياب قاتلي

بقلمي....نور سمو العراق

💔💔💔💔💔💔💔💔💔
أين نمشي؟ ..

كل الرصيف زجاج

أين نبكي؟ ..

كل القلوب حجاره..

ماذا فعلت بنفسي ،من سينقذني ؟ وكبريائي يغطي الجرح يخفيه إن يسألوا : أدّمٌ ذا ؟ قال : بل كرزٌ ،اصاب ثوبا قديما سوف ارميه

.................................... .

كنت كاعده علئ القنفه ولامه رجليه لصدري خالتي مو هنا طلعت تشوف الوضع و زوجها بالشغل...واطفالها بالمدرسه..

موبايلي من طلعت من بيت اهلي لحد الان ما فاتحته اسأل خاله اكولها شنو الوضع دكول تمام ماكو شئ استغربت شنو ماكو شئ جان دكول اي دورو يوم يومين وسكتو هسه يكولون ماتت ويخفون ذكرج المهم نسافر مضل شئ ونطلع.....

وكفت بتوتر واني اكل باضافري رحت اخذت موبايلي فتحته ...

انصدمت من عدد الرسائل والمكالمات واكثرها من اهلي وجدوو وبيبي وميس...

ورساله وحده من ابا ذر

مجرد وجود رساله وحده منه احس الموبايل عباره عن هو وبدون وعي منه اول رساله فتحتها هي رسالته...

انصدمت وصابتني خيبة امل كووولش كبيره حسيت مثل الي انضرب راشدي قوي ...

قريتها بحسره عليه وعلئ نفسي كاتب...هل لي بحاسه سادسه...تلهمني عما بداخلك...تسرق لي اخبارك...وما يحدث حولك...فتؤكد لي راحتك...شلونج حبيبتي اليوم جايكم...تستقبليني؟

غمضت عيوني بجيت واني اكتم عبراتي شكتب وشنو ارسل سويت سالفة ما تتسولف...وين استقبلك

بس ليش مجان يحجي ويايه هيج كلام حلو ليش من انهزمت يالله غرد...

بعدها حسيت اشتغل التفكير عندي معقوله كذاب يستدرجني بكلامه ويريدني احجي وياه وبعدها يلزمني...

اي احتمال اذا لزمني،يذبحني ويدفني...ياااااربي ساعدني ياااارب لا تتركني،احس تهورت...

ضليت افتر بالبيت بتوتر وكل خليه بجسمي ترجف...فتحت المكالمات...

وبعدها شفت الرسائل فتحت عيوني مرعوووبه من المكتوب ميس كاتبه...لج تاج وييين رحتي والله العظيم وروح هبه عمو وبابا وبيبي قرو عليج الفاتحه وهدرو دمج يا زماله...الله يطيح حضج...

بلعت ريكي برجفه...احس روحي مو بأمان احس حتئ البيت يريد ياكلني...ضليت اتلفت بخوف والدموع جمدت بعيوني...