#نصف عذراء بين أنيابك قاتلي

البارت الرابع عشر

البارت الرابع عشر

رواية...نصف عذراء بين أنياب قاتلي
بقلمي..نور سمو العراق

💔💔💔💔💔💔💔💔💔💔

رُبما يَزول شاهد قبركِ يوما

وربما تضيع كتبكِ وأشعاركِ

ويَختنق صوتكِ وتتلاشى ترنيماتكِ في الآفاق البعيدة

والفضاءات النائية ...

عزائي سَيبقى في ذلك التاريخ الذي علق في ذاكرتي المليئة بأحزانكِ وعذاباتكِ وكذلكَ حب الناس لشخصكِ ،

أعلم أنكِ تملكين القلب الرحيم ... لذلكَ أقول لكِ :

أنتِ أُغفري كما تريدين ...فهذا شأنكِ

 أمّا أَنا أقسمتُ أن لا أغفر لِمَنْ أساءَ اليكِ وغَدَرْ

وسَأحيا على أمل اللقاء بكِ يوماً ، اذا شاء القدَرْ .

................................... 

قدر...شنووو اتزوج معاق؟

رد عليه بارتباك...بصراحه اني مااعرف شلون افهمج بس هم تكسبين بي اجر وهم تخلصين من هذا الشايب وكتلج لحد ما الكه اهلج اطلكج منه واامن عليج...

حسيت نار تفوور بداخل صدري عيوني حسيتها طلعت من مكانها ماكنت متوقعه يخطبني لابن اخوو ومعاق هذا استغلال بحد ذااته...

همست بقهر...شكرا كثير ما قصرت كنت سانده ضهري عليك وانتظر منك اتصال يفرحني ..بس شكرا كثيير كسرتي ...يالله مع السلامه...

بسرعه كال...انتظري قدر خليني افهمج ..ابن اخويه شاب ومعاق ...انتي اعتبري نفسج ممرضه واقدملج راتب وغير كل هذا اني اامن علئ اختج واخوج

جاوبته بحقد...انت تحكي بعقلانيه لو تضحك علئ نفسك انت مجنون ...لو مجنون...اترك الشايب واتزوج معاق..

جاوب بهدوء..وشكو بيها قابل اول وحده تزوجين معاق وبعدين اني كتلج مستعد ادفع المبلغ كامل وبدون مقابل بس اكييد راح توكعين بالادهئ من ابو عدوويه حاب اساعدج وما احب اضيع شئ

جريت نفس ومسحت دموعي...انا لو امي هوني مكنت احتاجيت لا الك ولا الامثالك شكرا ما قصرت

قفلت الخط وحذفت رقمو ...مسحت دموعي ماكو مهرب من ابو عدويه...وهذا التافه عبالي يساعدني ..حاب يستغلني علئ حساب مصلحتو...كرهتو كثير ولعنت ساعة السوده العرفتو بيها...

دخلت تولين دحت بوجهي كالت...قدر ليش تبكين صاير شئ الرائد حكئ وياكي شئ زعلك...

عضيت شفايفي بقهر وداريت دموعي همست...يولي لا تجيبين سيرتو علئ لسانك..واحد غبي وحقير يريد يزوجني لابن اخو معاق...معتبرني ممرضه...قلة ممرضات بالعراق ويريدني ممرضه