#نصف عذراء بين أنيابك قاتلي

بارت السادس

البارت السادس

رواية..نصف عذراء بين أنياب قاتلي

بقلمي...نور سمو العراق

💔💔💔💔💔💔💔💔💔

أبتسمـي رغـم سخـافـات الحيـاة مــטּ حـولك أضحكـي رغـم أنـف الحـاقديـن تألقـي رغـم بشـاعة الـواقـع لاتتخلـي عـن أشـراقتـك وتفـاؤلك وأبتسـامتـك..

..................................

دخلت للغرفه دا اعقد مهر كانت أطرافي كلها ترجف خووف و رهبه واحساس بالذنب...

لزمتني ماما وابتسمت رفعت راسي وباستني بجبيني كالت..حبيبتي ماما تاج اريدج تصيرين حبابه وتنسين الصار وياج قبل زين يمه.؟

بلعت ريكي وهزيت رأسي بقبول...

لبست عباية الصلاة وكعدت منتظرتهم دخل بابا والشيخ وعموو واني بسرعه نزلت راسي بخجل

حسيت بشخص كعدت بصفي،ريحة عطرة الهادئه ترست أنفاسي بس مااريده ولا اريد اتزوج اريد اضل حره ميحكمني شخص اسافر اطير احلق بعيده عنهم مااريدهم...

انتبهت علئ كلام السيد وهو يريد موافقتي ضليت بحيره من امري بين التردد والقبول...بعدها همست بخجل...موافقه...

وهو انطه موافقته بسرعه وبدون اي تردد انصدمت منه ... كأن خاطب وحده ما سبق الها وان تزوجت مكان متردد ابببد استغربت منه حييل...

طلعو بابا وعمو والشيخ وضلينه بس اني،وياه

هو بسرعه سحب حجابي وخلاه علئ كتفي وكان يباوعلي بنظرات ملهوفه خفت منه حيييل رغم نظراته حلوه...

همس بصوت هاادئ...مبروك ان شاء لله ما تشوفين اله كل خيير

رغم الغصه البداخلي وذكرياتي ويه صباح الموجعه اتذكرت من عقدنه اني وصباح شلون كان يوم تعيس وغاضب اله..اني حسيت اباذر اقتحم شويه من مشاعري لكن سرعان ما رجعت الطبيعتي وهو الخلاص من هذه العائله...

سكتت مجاوبته بس جريت تنهيده مقهوره هو باوعلي بعد ما عقد حواجبه كال...تاج انتي لحد الان احسج مراضيه بهذا الزواج اذا انتي فعلا مجبوره او احد ضغط عليج عادي انفسخ العقد يا اما تاخذين كل وقتج بالتفكير وما تستعجلين بالزواج...

تكلمت بصعوبه وحسره...لا اني موافقه ممجبوره محد يكدر يجبرني بس اني شوويه متوتره وما اعرف شبيه يمكن لان اول مره احس بالخطبه من صدك...

رفع وجهي بااصابعه الدافيه وابتسم بمكر خلاني انتفض من مكاني مااعرف حسيته كاشفني ويعرف شنو يدور براسي ...

تقرب مني اكثر واحط انفه علئ خدي همس بهيام وسياسه...ما مقتنع بقبولج المفاجئ بس اني اريد اشوفج وين توصلين واريد اعرف ليش رفضتي وبعدها قبلتي...