#نصف عذراء بين أنيابك قاتلي

بارت الثامن

البارت الثامن

رواية...نصف عذراء بين أنياب قاتلي
بقلمي..نور سمو العراق@Smoo-1997

💔💔💔💔💔💔💔💔
ت

حن والليل 😔
يتغنه بحزن #ونك
وتفز مرعوب ودموعك يغرگنك
المصيبه الحسبه ماتنگظي بجرة #اخ
والبگلبك بقن بس #اليغثنك 💔

...............................
.
ميس ..

من راحت خالتي،وجهها مخطوف حسيت صار فد شئ خفت حييل..

شفت عمو طلع من غرفته من شفته كمزت هو باوعلي مستغرب كال...ميس تعاي،اريدج بشغله...

رحت وراه واني مرتبكه عبالك مسويه مكسوره دخلت لغرفته وهو بسرعه ركز بنظره عليه باوعلي بغموض وكال..ميس قبل لا تنتحر هبه ومن داومة وياج تاج فتره وبعدها رجعت المدرستها يم بيت جدج ابو امج شلون جانت تصرفاتها...

استغربت رمشت بعيوني...شلون يعني؟

كال...اختج جانت مو محجبه وموبايلها وهي واستهتار واضح عليها جنت دائما اكلها تحجبي وما اضغط عليها لحد ما صباح طيح حضها موبايلها مجان يسكت ولا دقيقه...اختج جانت عندها علاقات جاوبيني بصراحه...

انصدمت حيل بكلام عمو ...حتئ،لو تاج عندها علاقات شنو قابل افضح اختي واشوه سمعتها وهي،اعرفها ما عندها علاقات بس،دائما يشكون بيها بسبب تصرفاتها...وحريتها الزايده

بلعت ريگي وجاوبته بصراحه مصحوب بقهر...لا عمو ما عدها هيج شئ اختي صح السان و وكحه بس متسوي هيج اشياء..

مسح وجهه بتوتر...لج اختج عجبتني خبلتني تصرفاتها متناقضه متعرف شتريد والله اذا لعبت علئ اباذر والله اطيح حضها قبل يوم تبجي وتريد تفسخ الخطبه وهسه دزلها فلوس النيشان اختج شتريد مثلا...جاي احسها تريد تنهزم اني سمعتها اكثر من مره بس غلست ...

ميس...عمو شنو السالفه علئ كيفك لا متنهزم ولا عندها علاقه ويه شخص بعدين شلون هيج تشك بيها وهي،علئ،ذمة ابن عمي لا عمو لا تراودك هيج اشياء خطيه تاج مو لهلدرجه منحطه...

جر نفس عميق وكال...روحي عمي اطلعي اختج حيرتنا ...همها للممات لج اخاف تتهور وتاليها مثل هبه ..وتسوي،لبراسها...

ميس بخوف..اسم الله عمو لا تخوفي...

معتصم..روحي،عمو لا تخلينها الوحدها احجي،وياها وفهميها...

هزيت راسي بالموافقه ورحت لتاج شفتها كاعده وتاكل باضافرها عرفتها مسويه مكسوره وخايفه...

حضنتها بحنان تفاجئت مني ابتعدت عني وباوعتلي مستغربه همست بخوف...شبيج ليش حضنتيني

ميس...يالله يا تاج شنو شبيه غير انتي اختي واحبج واحضنج ليش مستغربه...

تاج بتوتر...هه انتم متحبوني  منين نزلت الحنيه مال تالي وكت...