بارت 34
رواية...نصف عذراء بين أنياب قاتلي
بقلمي...نور سمو العراق
💔💔💔💔💔💔💔💔💔
سأل احد الزهاد ..ما السر في بشاشة وجهك واستبشاره..؟
قال...انا استحي ان أحزن وامري بيد الله
«««اسعد الله ايامكم أحبتي❤»»»
.............................
تاج...
جنت كاعده دا انضف وبطني كبرانه حييل ودايخه ابتسمت مجنت اتوقع بيوم من الايام اصير حامل من اباذر لان حياتي وياه جانت مقيده وجحيم...
من تزوج عليه احس كسرني كسر اببد ما ينجبر ولحد الان تحز بخاطري ذيج الايام بس ارجع واتقبل الواقع...
هسه هو مسافر وكل يوم اخابره علئ النت...
اتطمن عنه ونضل نسولف ساعات طووويله عبالك عشاق شكد احبببه وتحسفت ضيعت ايام وليالي من عمري واني بعييده عنه...
ان شاء اللة كال شهر وارجع وهاي كل مره يكولها واحسها يكذب عليه وحيطول بسفرته...
اجتني زينب تركض جايبه الموبايل كالت...ددو حابر عليج
اخذت الموبايل فتحت خط اجاني صوت جدوو كال...الووو
كتله بخوف...الوو هااا جدوو شلونك
كال بثقل...تكدرين تجينه هاي دعاء حالتها حاله وبس تبجي واخذناها للمستشفئ تخربطت
انقهرت حييل كتله...اوك اجي بس منو يجيبني زوجي مسافر تجي تاخذني انت
كال...اي حضري نفسج واني جايج
صدك رحت طلبت الاذن من عمه وهو كايلي اذا طلعت بأمر امه ماكوو داعي اخابره
خطيه عمتي مقصرت قبلت بسرعه واني بدلت للبنات وبدلت واخذتهن ويايه...
شويه واجه جدووو أخذني وطول الطريق وهو يحجي على عمو معتصم ومتضايق حييل ويلوم علئ نفسه
وصلنه للبيت شفت بيبي كاعده سلمت عليها وخليت البنات يمها وصعدت الدعاء...
شفتها نايمه وجهها شاحب اصفر وعيونها محوره والمغذي مشكل بيدها...
من شافتني بجت واني ابد متحملت حضنتها وبجيت وهي ضلت تنحب بصوت يقطع القلب كالت بهمس موجع...تااج عمج الكلب طلگني
اني بعدتها من صدري ورفعتها باوعت بعيونها مصدوومه...لاااا لاااا جذب يااا معقوله طلكج
هزت راسها ببكاء...لج موتني كرهني بروحي اسلوبه جامد وياي عبالك اشتغل عنده وكل مره اتنازل بس هو تصرفاته لا تطااااق...
مسحت علئ شعرها بتذمر وجريت نفس..ترئ همه كلهم هيج يالله الحمد لله خلصتي منه قبل لا يصير عندج طفل
أنت تقرأ
#نصف عذراء بين أنيابك قاتلي
أدب نسائيقصه حقيقيه اجتماعيه تصف حال فتاة متحظره بين ليلة وضحاها تجد نفسها نصف عذراء وبين انياب الوحوش... نصف عذراء بين أنياب قاتلي
