#نصف عذراء بين أنيابك قاتلي

بارت 18

بارت الثامن عشر

رواية...نصف عذراء بين أنياب قاتلي
بقلمي...نور سمو العراق

💔💔💔💔💔💔💔💔

كنت مستعدة ان أخوظ كل انواع الحروب من أجلك .. كنت أنتظر يوم تتنازل عن كبريائك و خصامك لي .. ولكن لم أكن مستعدة لخذلان وخيبه منك.. برودك وفعلتك الشنيعه بحقي .. نظراتك وتواجدك بثياب زفافك امامي تعني بأني لست أعنيك بشيء .. كأنك تقول لي من خلالها سحقاً لمشاعرك .. ها انا أتمزق من فرط برودك .. هاا انا ملكه دون تاج ودون عرشي .. فما يعني القب ان لم تجري مراسم تتويجي .. لقد توج بك غيري .. وسلم عرشك لها .. هكذا حالي .. قاتلي لطفاً بي ..
.
بقلم smsma89

.........................

ميس...

جنت كاعده يم ماما واني دا احظر باغراضها دتروح هي وبيبي للنجف

دكول حالمه بهبه وحلمها ما مطمنها وحبت تزورها ماما من النوع الي تخاف وحدها لذلك بيبي دائما تروح وياها

سويت الها بتيته ولحم وخليته بحافظه وخبز وفواكهه وخيار وطماطه وطرشي خليت الها سفره صغيره وهماتين مواعين بلاستك وسجين..وسويت جاي خليته بترمز حراري...

طلعن واني وراهن كلتلها...ماما بوسيلي كبر هبه وكليلها اخواتج يسلمن عليج

ماما رجعت عليه وباوعتلي ودمعه بعينها ابتسمت وباستني كالت...يوصل يمه ديري بالج علئ توجه وراقبيها امانتج اختج خووش يمه؟

جريت نفس وبستها...بعيني ماما لا تخافين

هنه طلعن واني ضليت لوحدي بالبيت فارغ بس هشام بغرفته مسكين ياخذ علاجه وينام من وكت...

وعمو التحق وبابا هماتين عنده حموله وراح هو وصديقه

وتاج فوك لا حس ولا خبر ...كلت خلي اصعد اشوفها هي متخبله من خطب ابا ذر لحد الان...

صعدت دخلت الغرفه واشووف زنوبه كاعده يم اختها وفاتحه القبق مالت الممه وتشرب بيها وتخلي بسكت بحلكها...

ركضت عليها بسرعه وخرتها واشوف البنيه زررررررركه وعيونها مفتوحه وخشمها وحلكها تصب حليب

صرخت بصوت عالي واني اكووول....يممممه ولج تااااج

طلعت اركض بخووف وما اشوف اله زينب مصطكه ولازكه بالحايط وتبجي

وميس شايله زهراء وتدك علئ ضهرها...

صررخت بصووت عالي...زهرررراء

اخذتها من ايد ميس واني ارجف وممتماسكه مسحت شفايفها الحليب يطلع من خشمها وعيونها مفتوحه وزركه

صحت بصوت عالي...ماماااااا مااااما يممه زهراء زهوووره حبيبتي شبيها

ركضت ميس بسرعه نزلت جوه واجت صعدت كالت...لج ميس ماما وبيبي مو هنا راحن للنجف نسيت والله...