#نصف عذراء بين أنيابك قاتلي

35

بارت 35
رواية...نصف عذراء بين انياب قاتلي

بقلمي...نور سمو العراق

💔💔💔💔💔💔💔💔💔💔

أريدن سالفـهَ تخصك

• حجيهمْ مـآ يرد روحيّ..

.................................

صرخت من الوجع والالم يروح ويجي عمتي بسرعه وكفتني واخذتني للحمام غسلتلي وجابتلي ملابس وراحت حضرت ملابس الطفل

بسرعه ركبت بالسياره والوجع لا يطاااق احس وصلت الطفله حدهااا...

محمد مشه شوويه واني صرخت حييل حضنت بطني واني ارجف ورجليه ترعش صحت ببكاء...محمد محمد راحح امووت ولج ماما

عمتي لزمتني وحضنتني ...أصبري عمه راح نوصل كولي يالله كولي بسم اللة الرحمن الرحيم...

ضليت اعض بشفايفي واني اندب ...ياااربي ياااارب

تجيني الطلقه تخليني اعض ايدي حييييييل وابجي بوجع قااااتل

غمضت عيوني الثواني واني ابجي اتذكرته شلون جان دائما ويايه خطوة بخطوة معقوله هسه هو يضحك وفرحان وعنده الحياة طبيعيه واني هنا أتألم واتوجع

ردته يكون ويايه اي اتمنيت امنيه يكون ويايه باللحضات ولادتي وما يتركني ولا دقيقه تمنيت قبل لا اولد يجي ويعيش كل احساس مؤلم وحلو ويايه...

بس للاسف تلاشت كل احلامي من وصلت للمستشفئ،ودخلت لصاله الولاده...

لكيت ماما وبيبي جايات وبابا من شافتني ماما ارتعبت باستني كالت ...علئ كيفج يممه لا تخافين وكولي يا الله حبيبتي،

كعدت توصي بالممرضات والدكتورات وتتوسل بيهن ...

واني دخلت وياهن بس ابجي والوجع موتني وخايفه حييل احس رجليه ممثبته عليهن ومحد ويايه لا ماما ولا اي وحده مقبلو يدخلن...

حسيت بغربه و وحشه والطلق كل شويه يجيني يخليني افقد اعصابي ...

والاهتمام قليل بيه رغم المستشفئ اهلي ...

ضليت اصررخ بجنون وابجي وهنه اجتمعن عليه وحده دكولي ادفعي وحده تصيح عليه واني روحي ذايبه واحس وجهي تبلل من العرك الي صار بوجهي ومن دموعي

والطفله مراضيه تطلع احس تبهذلت منا تقريبا هووايه وبعد معاناة نزلت مني واني ضجيت المستشفئ ببكائي

حسيتها وكعت بين رجليه حطيت ايدي احميها رغم وجعي وقلة حيلتي بس حناني علئ ضناي نساني كل وجعي...

صحت بصوت مبحوح من البكاء...فدووه دكتوره الطفله لا توكع...

هي شالتها واخذوها بس اني كلبي صار نااار عليها