#نصف عذراء بين أنيابك قاتلي

بارت 23

بارت 23
رواية...نصف عذراء بين أنياب قاتلي
بقلمي..نور سمو العراق

💔💔💔💔💔💔💔💔💔

انت سندي

والكتف الذي اضع راسي عليه

........................

حاولت اوكف علئ حيلي وابعدها عني بس هي ما شاء الله هايشه..

واني رجلي احتركت بالجاي ضليت اكمز من الوجع واصرخ بصوت عالي،من الالم.

همه اجوو يركضون عمتي وهو ومحمد...

هو لزمها ويسحبها حييل دفعها انضربت بالكاونتر اجت عمتي كومتني واني ابجي وهي تلعلع..

كالت بصياح ...تضربني لخاطر هاي الساقطه ام الزلم

هو لزمها ضربها راشدي قووي كلها...بنت النعال سدي حلكج لا اترسه تراب

هي استمرت...كوواو...تموتون على التهينكم وتطيح حضكم بعدها ما ضحكت بوجهك بعت الاول وتالي...عود وهي مرت اخوك...وانت ما تتقرب من مرة اخووك تالي طلعت ساحلتك هل زعطوطه واني ماادري...

هو تخبل هجم عليها بكل عنفوان ومحمد كووه لازمه وهو كل ضربه يضربها عبالك يضرب بحايط...

ملخها تملخ وهي مستمره بالغلط والفشار وهو نزل عشيرتها كلها بسب والغلط....

محمد كووه طلعها من ايده ودفعها خارج المطبخ وهي رجعت مثل الصل صاحت...كلب ساقط اني الك اليوم لا ما انومك بسجن ما اطلع انتصار...

هو شال قوووري الجاي وركعه بيها بس هي شردت وكع بالباب وكله جاي حاار....

اني كاعده لازمه رجلي وابجي وعمه كاعده يمي تمسح علئ شعري هو ضل يفتر بالمطبخ وكل شويه كال...بنت الكلب بنت الزمال بالقران دقيقيه ما اخليها بالبيت

صاااح...محممممممد

محمد اجه...هااا خووويه امر

اباذر بغضب...اخذ هل كلبه وديها لاهلها لا والله ابتلي بيها..

هي طلعت جامعه ملابسها ولابسه عبايتها وبعدها تلعلع وتغلط ودكول...بالقران اله اخلي اخوتي يسحلونك سحل

هو طلع من المطبخ باوعلها كلها ...خلي يجي كوو...اله اغط راسه بطين...ويالله ولي انتي طالق...

هي تخبلت طلعت ومحمد طلع وراها شافها دخلت البيت راضي...

رجع كال..دخلت لبيت راضي

اباذر...خليها تولي...

كعد مقابيلي سحب رجلي شاف شويه محتركه بس قليل مو هووايه...

عمتي حطتلي شويه شكر كالت..يخفف الحمار...

بس هو مقبل شالني واخذني للمستشفئ وعمتي راحت ويانه وزنوبه ضل بس محمد بالبيت...