#نصف عذراء بين أنيابك قاتلي

بارت 25

بارت 25
رواية...نصف عذراء بين أنياب قاتلي
بقلمي..نور سمو العراق

💔💔💔💔💔💔💔💔

لا تأسفنّ على غدر الزّمان لطالما رقصت على جثث الأسود كلاب لاتحسبنّ برقصها تعلو على أسيادها تبقى الأسود أسوداً والكلاب كلاب

.................................
و

قفه ..بنات الي طلبو حسابي بالواتباد طبعا مااعرف انسخه لذلك ابحثو اكتبو نصف عذراء والاكثر مشاهده للقصه هو حسابي اوك..ان شاء لله افتهمتو😂

اتركم ويه القصه متابعه ممتعه😘

ه..........................ه

همس باستهزاء...اهوو ذكرنا المجاري طوفت...هم قندره عامر

لزمت ايد مسلم حييل..وهو تقرب منه راد يحضن مسلم بس مسلم ابتعد...

عاد عامر تدارك الفشله وحضنه رغم عدم ارادة مسلم...

مسلم بعده منه و وخر هو رفع حاجب بغرور وعرف نفسه غير مرحب بي من قبل مسلم...

اجت البنوته الحلوه الدلوعه ابتسمت بهدوء وسلمت علئ مسلم وعليه ببرود واني هماتين سلمت برود بدون ما ابوسها...

ومرة ابو كذلك...

ضلينه كاعدين واني خاتله بضهر مسلم وخايفه وهمه يسولفون ومسلم بس يهز براسه ومرات يرد من وره خشمه

بس شفت ابو حيل فرحان بمسلم...

ابو صار علئ العامله العندهم كلها..حضري العشا الهم

احنه مقبلنه لان قبل لا نجي اشترينه فلافل بصاص لان العنبه ريحتها قويه ويعرفون متعشين فلافل...

صعدنا للطابق الخاص بينه كان مشتمل كووولش حلو عباره عن غرفة نوم واسعه وماثثه وصاله صغيره هماتين اثاثها حلوو...وحمام داخلي...ومطبخ تحضيري صغير...

شمرت روحي علئ السرير واااي جربايه ام الكمزه مو جرباية ابو عدويه اذا اكمز عليها ينكسر ضهري

شفت مسلم كاعد علئ الجربايه وينزع بساعته ...

كتله..مسلم بعد اذا تريد تحلف جذب شلون لان انت من تحلف جذب تحلف بروح ابوك...هسه شلون واحنه رجعنه وياهم..

باوعلي وضحك...حبوبتي ام امي الله يرحمها موجوده وخالتي زكيه ماتت قبل سنين هم نحلف بروحها قابل خلصت الكرابه وضل بس ابويه احلف بروحه ؟

ضحكت...اي هم صدك

وكفت ارتب بملابسه بالكنتور لان احنه جبته بس ملابسنا بجنط..وصعدتهن العامله...

دخلت سبحت ..وااي روح ابو بريص ضل يم ام عبدالله كاتلك الوصخ يا الاجرب...

سبحت وكملت طلعت واني لابسه روب الحمام جبته ويايه