#نصف عذراء بين أنيابك قاتلي

بارت 20

بارت 20
رواية..نصف عذراء بين أنياب قاتلي
بقلمي..نور سمو العراق

💔💔💔💔💔💔💔💔💔

من طحت يمك حزين
استغربيتك
ثاري مو كلمن تحبه
يصير بيتك

..............................

ضليت الطم واصررخ زنوبه راحت من بيين اديه شلتها وركضت للحديقه شفته واكف يم عمو ومحمد وهشام بالكرسي المقعد

همه من سمعو صراخي التفتو عليه

وهو اجه يركض ملهوف وخايف كال..شكووو شصاااار؟

صرخت بخووف...زيينب زييينب راحت من ايدي

جنت حافيه وفستاني مشلتح وحالتي حاله

اخذها من اديه وهي تتماوع بيده ومع كل هذا وخوفه علئ زينب انتبه عليه كال...روحي ادخلي جوووه

جاوبته ببكاء ونحيب...مااا ارررروح وياك زينب مدري شبيها

هو لزمها كال...بالله بسرعه البسي وتعالي وراااي بالسياره..

ركضت دخلت جوه شفت ماما لابسه عبايتها وبيبي وخاله دعاء كالن...شبيها زينب...

صحت ...مييييس جيبي صايتي بسرررعه

خطيه ميس سوت الدرج خطوتين لو حامل طيحت الطفل بس الحمد لله مو حامل...

جابت الصايه والحجاب لبستهن بسرعه...

ماما عرفت زينب تخربطت رادت تروح ويايه دخل عمو كال...يالله تاج عموو بسرعه

شاف ماما محصره نفسها كلها...ام هشام ارجعي مابيه شئ والله هسه ناخذها للدكتور ونجي روحو انتم للزفه لا تكسرون واهس هشام

ماما جاوبت بنفي...ياااا شلون ما اروح سوده عليه بيبي زنوبه...انوب امها تعاتبني اكلها ملتهيه بعرس هشام

هو اصر ماما متروح الخاطر هشام...

ماما كالت...لعد خووش اخذو دعاء ..

رجعت باوعت عليها..دعاوي كل شويه خابريني خووش؟

دعاء هزت راسها...اي اي اي

طلعنه نركض امكيجات جنه بنات زكيه الداگوگه

صعدنه بالسياره جان عمو يسووق واباذر كاعد بصدر وحاضن زينب..

وهي تحجي حجي ممفهوم بس افتهمت منها بزوونه عفني..تعضها قصدها

وكفنه بالازدحام واباذر يحجي وياها بس،هي ممثبته وعيونها مفتوحه...

اجه ابو الغزل البنات عمو معتصم اشتره لزنوبه غزل البنات وانطاه الها...

اخذته بس هي متسيطر وكع من ايدها واني تخبلت عطت بصوت خايف...فدوووه اباذر شبيها.