#نصف عذراء بين أنيابك قاتلي

بارت 38

بارت 38
رواية نصف عذراء بين أنياب قاتلي..
بقلمي...نور سمو العراق

💔💔💔💔💔💔💔💔💔

في مرضها ...... تبكي القلوب تأثرا ...... تظهر دمعاتنا تباعا تناثرا ........ و نحبها ....... ندعو لها ...... نتمنى لو تأتي بلابل الكون الشجية ...... و تبث اخبار السعادة فينا ....... فيزول همنا ...... يا اختنا ...... جذع الفؤاد بسقمك ....... خسئنا ان لم نهتم بأمرك و تهتمين انتي في كل حين بأمورنا .....

.........................

قبل ساعتين....

ميس..

جنه كاعدين بالانتضار وماما كاعده تستغفر ربها وتبجي وكل شويه تفز مرعوبه بس تشوف دكتور يفوت او تصير حركه تتخبل عبالها تاج صار بيها شئ...

واني، كاعده اصبر عليها وارجع ابجي وياها. 

شويه واجت ممرضه كالت...وين ام تاج ...

ماما وكفت مرعوبه اشرت علئ نفسها...اني ام تاااج توته بيها شئ فدووه دكتوره ابوس ايدج لا تفجعيني

ردت ببتسامه حزينه...علئ كيفج خاله ان شاء الله مبيها شئ بس احنه لازم ننقلها المستشفئ الولاده وهي حابه تشوفج كل شويه تطلبج

ماما بلعت ريكها بخووف...خاااف تريد تمووت والله مااكدر اشوفها

الممرضه لزمت ماما من كتفها كلتلها...خاله لا تخافين الأعمار بيد الله وان شاء الله مبيها شئ لا تخلين شئ بنفسها وتعالي شوفيها شنو تريد...

ماما باوعتلي ولزمت ايدي كالت بنحيب...ميس ادخلي ويايه ما اكدر الوحدي اني تاج من تضربها الشمس انقهر عليها مو انوب مطبوخه طبخ

هزيت راسي بأي ودخلت وياها لبسنه ملابس معقمه وكمامه وعقمنه ادينه بديتول...

دخلت ماما للغرفه جانت هاااادئه حيييل وبس ريحة الديتول تضرب بالانف...

باوعتلها نايمه علئ ضهرها ومغطيه بشرشف ابيض واديها ملفوفات بشاش والمغذي مشكل بيدها

ماما من شافتها بسرعه بجت وهي فزت بسرعه باوعت لماما خايفه...

بجت بصوت خافت ومدت ايدها الماما ...

ماما بسرعه ركضت عليها لزمت ايدها وهي تبوس بيها وتبجي ودكلها...يممه توته يممه شسويتي،بيه يممه يوميه اني،ميته الف موته من وره اختج انوب انتي ...

هي بجت وضلت تتئتئ بالكلام .

رجعت ماما باستها كلتلها...تووته يمممه صيري سباعيه بعد امج لا تكسريني يروحي انتي فدوه اروحلج يممه من عمري علئ عمرج..