#نصف عذراء بين أنيابك قاتلي

بارت 27

بارت 27
رواية...نصف عذراء بين أنياب قاتلي
بقلمي..نور سمو العراق

💔💔💔💔💔💔💔💔💔💔

لم تتركي لنا مانقوله عن الرجل الشرقي
الذي يستمد معاملته من آصول الاسلام
وعلي الرغم من أن لكل قاعدة شواذ الا ان الرجل الشرقي مميز دائما
في كل الأزمان والاماكن
والشرقية لا تجد الامان والإحتواء إلا تحت جناح شرقي أصيل

دمت بود  شامخ...يا رجلي الشرقي

.............................

دخلت زهراء للعمليات واني روحي راحت وياها بنات هبه اعز من روحي لان ربن عندي ولو عندي طفله ما احبه بكد حبي لبنات هبه...

تقرب مني اباذر وحضني كال...كولي يا الله لا تخافين ان شاء لله زينه

جريت نفس ومسحت دموعي واني ابجي عليها ...

دعاء اجت يمي كالت...شبيج توته لا تخافين ترئ،حالتها مو خطره

جريت نفس...شنو مو خطره هاي راسها ديفتحوو والله هي طفله ومريضه اكيد متتحمل

اباذر لزمني من وجهي همس...حبيبتي لا تخافين واذا صار شئ احنه ما بدينا شئ بس والله ثقي بالله اني ما اجازف بعمر زهوره اذا ممتاكد...

لزمت ايده حييل جريت نفس...ادري بس اني خايفه اعذرني

ضحك..عاذرج حبيبتي اكيد تخافين غير هي بنتج

ابتسمت مجامله وكعدت وهو راح للاستعلامات...

كعدت يمي دعاء كالت...يفدووه شلون انسان متفهم وحباب كون يطلع معتصم عليه...

ضحكت كتلها...هو هم جان عصبي بس لان اعتبرني صديقه هيج تصرف ويايه او بالاحرى هو يحبني بس اني ثوله اتصرف وياه غلط

ضحكت ...اعرف ما منطيته حقه وما تعرفين تتدلعين وتشغلين اغنية شگل لامي من اروح نكسرت الشيشه هههههه...

ضحكت علئ خبالها متعرف الحب من مجرد اغراءات الحب كلمه ومشاعر واحساس يدخل من دون سابق انذار ويدك باب القلب ويدخل بدون أستاذن...

وكفت وعدلت قميصها راحت يم امي واشوف عمو معتصم اجه من بعيد لويت شفايفي...يبوو حيطيح حضها...

هو اجه سلم علئ الكل وسلم عليه باوع عليها هي ابتسمت وسلمت عليه ..

شويه وكلها تعاي عندي موضوع وياج هي راحت...

واحنه طلع الدكتور ركضنه عليه واحنه نسأله عن حالتة زهراء...

كال...لا تخافون ان شاء لله زينه والحمد لله على سلامتها...هسه هي بالعناية المركزة وان شاء لله بس تصير زينه نخليكم تشوفوها...

جريت نفس بفرحه همست...الحمد لله يارب الف الحمد لله...

اباذر لزمني من اكتافي والبشرئ مرسومه علئ وجهه كال بفرح....مو كتلج عمليتها ناجحه ان شاء لله تصير زينه والله لا تخافين