#نصف عذراء بين أنيابك قاتلي

البارت الثالث

البارت الثالث

رواية...نصف عذراء بين أنياب قاتلي
بقلمي..نور سمو العراق

💔💔💔💔💔💔💔💔

معتصم...شنوو خييير احجي يمعود

راضي...صباح واخوانه متعاركين و واحد ساحب عليهم اسلاح ومصوبهم وهسه همه بمدينة الطب وحالتهم حاله...

حسيت مثل الصعقه الكهربائيه وسرت بجسمي الخبر جان زلزال و وكع علئ راسنا 3 من ولد اخوويه حالتهم خطره...

رجعت ركبت بالسياره واتجهت للمستشفئ،وسقت بسرعه جنونيه بحيث ما اشوف الكدامي...

صارت الارقام تتصل عليه من اقاربنه والعشيره عفت ما رديت علئ اي شخص...

وصلت المستشفئ مدينة الطب لكيت راضي واخوانه ...طبعا اخويه ابو راضي متزوج ثنين ام راضي الكبيره...وام اباذر الصغيره وكلمن بيتها وابو راضي ميت...

شويه راضي خبيث يريد يسيطر عليهم وهو فعلا مسيطر ويخافون منه حييل مااعرف سبب خوفهم منه صباح ايده اليمين الراضي ومحمد ومهدي فقره..

وصلت للمستشفئ لكيتها كلها هناااك حتئ ام هبه وام راضي،واصدقائهم...

شفت راضي واكف بباب المستشفئ،وجه مخطوف ركضت عليه لزمته من ياخته كتله بخووف...احجي شكوووو؟

كال...تعاركوو بالمحل مال العقار ويه واحد اني بايعله بيت وطلع وراثي وصباح غالط علئ الرجال وهو جاب ولده وكتلهم تلاثتهم..صباح ومهدي حالتهم خطره لان مخترقه الطلقه الكليه ومحمد مضروب برجله....

حطيت ايدي علئ راسي لااا مصيبه مصيييببه لزمته من ياخته بعصبية...وانت وين جنت تسوي المصيبه وتعوفهم الوحدهم تعرف صباح عصبي وبسرعه ينفعل شلون تعوفه الوحده وبعدين شكوو تزور وتلعب بكيفك....كل همك الفلوس شوف اخوانك راحو بسببك ...

ما اسمع اله صوووت الصريخ صااار والامه اشتعلت رحت اركض ملهووف وراضي وراي تلكتنه ام صباح وهي تصررخ كالت...صباح ومهدي ماتووو...

فتحت عيوني مصدوم وراضي يلطم علئ راسه ويصيح ولك خووويه صباح ولك خووويه مهدي انكسر ضهري...

معتصم...لا اله الا الله...الله يهلكك راضي..

......................

ميس

كالوو ولد عمي تصوبو اني جنت يم تاج وكالو صباح حالته خطره ...

شفت تاج انصكت كالت صح مااحبه بس مااريد اتشمت بي

ضلينه شوويه وخابرت ماما...اجاني بس صوت العياط كالت...صباح ومهدي،ماتووو

ضربت علئ وجهي بصدمه وصرخت كالت تاج بوجهه مخطووف ..شكوو احجي منو مات