بارت 32
رواية...نصف عذراء بين انياب قاتلي
بقلمي...نور سمو العراق
💔💔💔💔💔💔💔💔💔
من طحت يمك حزين
استغربيتك
ثاري مو كلمن تحبه
يصير بيتك
.................................
غ
لسو علئ السحكات بداعتي 😂
.........................
شفت الدم واني انرعب ضليت اصررخ بصوت عالي وركضت العمتي
عمت فزت مرعووبه و وكفت بفزع...شكوو شكوو شصاير ولج
كتلها بصراخ...مسلم دم مسلم ماا اءء دم
عمتي عافتني وراحت تركض واني اركض وراها شافته نايم وجهه كله دم
هي تقربت منه وهزته بخووف...يممه مسلم مسلم يمممه اكعد اكععععد
هو فز مرعووووب كال..شكووو شكوو
لزم وجهه والدم مغطي صاح بصوت مرعووب ..شنوو هذا منو كتلني منوو ضربني اعترفو
امه...شنعترف ولك مصخم وين جنت و وجهك كله دم
هو مسح وجهه والدم يرجع كلها..وين جنت مثلا اتحلم بعالم البرزخ وتعاركت ويه واحد علئ بيت ركن بجهنم ..صدك تحجين يمه غير جنت نايم
امه بعصبية...جاا منو ضربك هيج من الله كعدت لكيت روحك مدمه ولك احجي جنت ويه ابو التفليش
مسلم بغضب..والكعبه والانبياء والمرسلين وروح ابوي لا طالع ولا ماشئ هسه يمه دوخري مني خلي اشوف هل مصيبه الدم منين اجه...
اني جنت واكفه لازكه روحي بالحايط وارجف وما اعرف شنو السالفه...
هو لزم الكنلكس ويباوع للمرايه مركز بيها ويمسح بخده صغر عيونه وركز علئ الجرح باوع لامه وكأن اكتشف الذره
كال بقهر...يمه تدرين عاضني جريذي بخدي
عمتي لطمت وجهها ...يبووو صخام بوجهج فوزيه ابنج عاضه جريذي هسه يصير بي طاعوون امشي ولك خلينه نروح للمستشفئ يعقمونك يحجزونك شوف شيسون
مسلم بعصبيه...شنو يحجزوني شمسوي قابل اني عضيت الجريذي لو هو عضني ...
امه..دمشي ولك لا انوب تعدينه طاعون
صدك خلينه ورحنه ومسلم يهز براسه وهو يتوعد ...اني يعضني جريذي لا والله اني انطعن بظهري ومن منو من جريذي طايح حضه ماغزر بي الاكل والشرب مكعده بيتي حتئ إيجار ما اخذ منه والله صدك جريذيه متستحي
رحنه للمستشفئ ودخلنه لاطوارئ فحصه الدكتور كال...هذا عضه جرذ لازم تتعقم وتتداوه
مسلم بقهر...اني تالي عمري يعضني جريذي
أنت تقرأ
#نصف عذراء بين أنيابك قاتلي
Genç Kız Edebiyatıقصه حقيقيه اجتماعيه تصف حال فتاة متحظره بين ليلة وضحاها تجد نفسها نصف عذراء وبين انياب الوحوش... نصف عذراء بين أنياب قاتلي
