#نصف عذراء بين أنيابك قاتلي

بارت 24

بارت 24
رواية...نصف عذراء بين أنياب قاتلي
بقلمي ...نور سمو العراق

💔💔💔💔💔💔💔💔

أين انت ..؟!!
بحثت عنك في كل طريق..
بحثت عنك كالغريق..

سألت كل الناس وكل صديق..
وفي كل جوف وبئر عميق..
أين انت واين ذلك العشيق..

تعال وضمني ولا تزدني تشويق..
فإنا ضحيتك ياقاتلي...

...............................

ضلينه متوترين وخايفيين وعمو كل شويه يتصل ومحمد يفتر بالشارع ويرجع علينه...

عمتي لطمت كالت...كتلوو هو ما يتأخر وحتئ لو يتاخر من نخابره يفتح خط...

معتصم مسح وجهه بتوتر كلها ما خليت مكان ما رحتله انتو متعرفون وين يلتقي...

اني كتله بخوف...عمو اخاف كتلو اخوان انتصار

عمتي ..اسم الله اسم الله...

دخل محمد كال...والله حتئ المستشفيات فريتها ماكو فص ملح وذاب...

شوويه واتصل موبايل عمو فتح خط واحنه كلنه ركضنه عليه...

كال...الووو هااا اي هو نفس الاسم الي انطيته الك...اهاااا...اي اي افتهمت يالله جايكم بيا مركز...

احنه هو يخابر ونكول شكوو شكوو وهو كل شويه يحط إصبعه على شفايفه بمعنئ اسكتو...

من كمل مخابره كال...اباذر بالسجن مسجون ومدري شنو التهمه...

عمتي جرت نفس ...دهر صاب نصيره ان شاء لله اشتكت عليه ودخلته سجن زامطت وسوت االي تريده

لزمت عمو بخوف...عموو وهسه شنو

كال...لا تخافون اروح افتهم السالفه وان شاء لله يطلع...

صدك خلو وراحوو هو محمد ...يوم تعيس ومؤلم احساسي،تجيش اليوم خفت عليه وانرعبت ...وتأكدت اله معزه بداخلي واله مكانه لو ما احبه جان ما اهتميت لان من مات صباح ابببد ما اهتميت...

رحت صليت وتوضيت..غسلت الزهراء ورضعتها وزينب الحلوه نايمه بسلام...

.....................

ميس...

ضربني راشدي ...مسلم يضربني وعلئ شنو بس لان ردت اساعده..

بيومها انقهرت حيييل ومتت من البجي وموبايلي تفلش تفلش...

هو طلع بعد ما اجه من الصبح الثاني يوم الصبح ..عمتي خابرته يكلها عندي شغل...

عمتي شكت متعاركين كالت...نسوان ما ترحم يردن كلشي حاضر هسه الولد ماعنده شكو تلحيين عليه والله طلعتي عين مسلم...