#نصف عذراء بين أنيابك قاتلي

اهداء مشهد

مشهد...لمسلم والكوبل تبعو💏

كالعادة كاعده علئ الدرج المتهالك واني رافضه الواقع الملغوم ومتكأبه حييل معاجبني الوضع اببد مااكدر اعيش بهل قرف هذا...

ماحسيت غير واحد كعد بصفي وهو يغني...من زعلك من بجاك لانعل ابو الي بجاك...

باوعت عليه وشهكت مسحت دموعي بسرعه ودرت وجهي

هو تقرب مني اكثر وحضن خصري كال بصوت مائل للذوبان..شبي الحووب ليش شايل خشمه ويبجي..

شهكت بصوت مسموع جاوبته بحزن...ضايجه

جر نفس بضيق وكال...ليش اني زاعجج بشي مسويلج شئ ترئ والله جاي احاول اسعدج بكل الطرق بس شسوي اذا اني فكر ومهتلف اصبري عليه شويه وان شاء لله تنحل...

عضيت شفايفي بجزع وهمست..كنت احلم اتزوج انسان يسعدني دارس ومتوضف وبيته حلوو واهله ناس شيوخ لكن للاسف احلامي كلها تحطمت...

هو سكت وبعدها كال...مااعرف شنو ارد عليج بس يا حوبي اكو ناس زناكيل ونزلو اسفل السافلين واكو فقره والله رزقهم الدنيا دواره...وبعدين شلج بالدارس والموضف اكثرهم بيهم حالة نفسية ومرض التوحد ونضرهم ضعيف

جاوبته بقهر..رجاءا مسلم لا تتخذ دور المسكين ترئ كولش مملائمك الدور ارجع الطبعك احسن..

مسلم..شتردين اسوي؟

باوعتله برجاء...اولا التجئ الرب العالمين واترك الصياعه واترك السوالف التعبانه والدياحه نص اليالي وشغلك اجمعه مو مخلصه جكاير ومدري شنو..خطيه امك ليش تخمط نص راتبها...

رد بتفاجئ...اني خامط نص راتبها:؟

جاوبته..اي هي ددكول ونبي احس فشلت عبالك اني خامطه مو انت ليش هيج دتسوي انت وين تودي الفلوس..

جاوب بعصبية...باعي لا تذبن تهمه عليه ترئ الجريذي اكل فلوسها اني شعليه...

حجيت بگلبي اي جريذي مطبور حاجبه ومن كثر ما يگرط فلوس انكسر سنه...

رجع ابتسم عليه وباس ايدي برومانسيه ملايگه عليه...وين تردين اخذج اونسج بالستوته واشغلج الديجي كل علوه احسسج كاعده بحفلة خمس نجوم..اشغلج ميثاق ورعد ذول المطربين التوم الگرعان صوتهم فد شئ يخلوج ما تحسين بالطريق

ابتسمت بدلع..ما اريد

ضربني بعكسه بمزح..لك فديت اليدلع اموت علئ الخلقج بحياتي مشفت مثلج حلوه..مخلوقه بليلة القدر..قابل مثلي انخلقت بيوم ..ما هند قتلت الحمزه

جريت نفس...مسلم راح أبدي وياك صفحه جديده بس كون انت تساعدني...

جاوبني بلهفه..بخدمتج اساعدج حتئ مواعين اغسل... هااا ندخل للغرفه..

باوعتله بقهر..لا تستعجل خلي انطيك شروط...

ما اشوف اله لباب تعطر تعطر والصياح والمسبه صارت بفلس...