#جحيم_حبك2
#بين_عشقه_وإنتقامه
الفـصــل الثــالث
"ذكريـــــــات"
_______________
نظر "سليم"و"زين"لبعضهم البعض بقلق واضح وأقدم زين على فتح الصندوق ليرى ما يغرز سكين بمنتصف قلبه ....
أمسك بقلادة تعود لـ"سيدرا" رفعها أمام عينيه التي إغرورقت بالعبرات وهو يرى كيف كُسر القلب الذي يحتوي على صورتهما بقى نصف القلب في القلادة والنصف الأخر في الصندوق
عاد بالزمن لذكرى تلك القلادة
كانت واضعه كفيها على عينيها ،،أردفت بضجر وهي تسترق النظر على ما يفعل ولكن لا يتضح لها شئ :-
-اوف بقي مش هاتقولي بتعمل ايه يعني
قهقه بخفة قائلًا وهو يدير العلبة خلف ظهره:-
-بعلمك الصبر يا ست الحسن
إبتسمت بخجل شديد وقلبها يرقص فرحًا بتلك الكلمة المحببه لقلبها ،، شعرت بأنفاسه الساخنة تلفح عنقها عقدت حاجبيها بإستغراب وهي تشعر بشئ ناعم الملمس على عنقها ..
أمسك بيديها وأنزلهم عن عينيها وهو جالس أمامها على ركبتيه وقال بإبتسامة تذيب قلبها :-
-فتحي يا حبيبتي ...
أمسك بالقلادة التي كانت على هيئة قلب وفتحها فإنقسمت إلى شقين شق يحمل صورتها والشق الأخر يحمل صورته واستئنف حديثه قائلًا بنبرة عاشقة :-
-إحنا زي القلب دا هنفضل سوا طول العمر عمري ما أفرط فيكي أبدًا ولا تهوني عليا وانتِ كمان مش طالب منك إلا إنك تحافظي علي حبنا يا سيدرا مش عايزاك تعملي حاجة تجبرني على إني أتصرف بشكل غلط زي ما كنت بتصرف زمان ..عايزاك تثقي فيا يا سيدرا تكوني دايما عارفة اني في ضهرك ودايما وراكي انا هافضل دايما ماسك ايدك انتِ متسبنيش في نص الطريق ..
رفعت كفه إلى شفتيها ولثمته بقبلة رقيقة وقالت بعيون تلمع بعبرات العشق ممزوجة بسعادة :-
-عمري ما اسيبك يا زين أنا معاك لأخر نفس فيا ..وهاتفضل جوايا طول عمري أنا معرفتش معنى للحب قبلك ولا كنت قوية كدا قبلك أنا بستقوى بوجودك جمبي متكسرنيش إنتَ زين عشان خاطري
ضم رأسها لصدره وعانقها بقوة ولثم جبينها بقبلة حانية وقال بعشق جارف وهو يدفن أنفه في عنقها يشتم عبق عطرها :-
-أنا عرفت معنى الحياة بيكي يا سيدرا ..محدش بيكسر نفسه مفيش زين من غير سيدرا ..
"عودة للوقت الحالي "
نظر للجزء المكسور داخل العلبة ولاحظ وجود ورقة تحته ..سحب الورقة وفتحها
"ألف سلامة على المدام يا ممدوح بيه أقصد زين باشا ..وألف مبروك للنونو اللي جاي دا لو كان لسه موجود والسلسله دي وقعت منها ساعة ماكنت مثبتها في الجنينه اللي في بيتك هي كانت سليمة بس انتَ عارف بقي أنا مفيش حاجه بوصل ليها وبتفضل على حالها وأوعدك زي ما فسخت السلسله دي وبقت نصين لافرقكوا عن بعض واخلي موتها على إيدك ......هيثـم"
أنت تقرأ
بين عشقه وإنتقامه - جحيم حُبك 2 - علا فائق
Romanceكامـــــــــلة جحيم_حبك2 #بين_عشقه_وإنتقامه لطالما إعتقدت أن حياتي ستظل وردية وأن الظلام رحل برحيله لكن....لم أكن أعلم أن رحيله هو بداية لحياة أخرى مظلمة ،،أشد ظلامًا من ذي قبل ...لم أكن أعلم أن اللون الوردي كان مجرد محطة لأصل إلى المكان المنشود...
