# كسرت گلب
ضوء القمر
صعب والله كلش صعب ليش هيج تعاملهم وياي إلى متى .... بس اريد افهم ليش جابوني وهمه ميحبوني ..
اووف اشبيدي عليج والله ما جاي اعرف همه اشلون يفكرون اكو أهل ميردون بنتهم وانوب سبحان الله كاملة والكامل الله
أه خليه على الله بس هذه نصيبي من الدنيا كل اووف خليني ساكتة
رحت لمكاني الي ما الكه اريح منه
اني جوري عمري 20 طالبة مرحلة ثانيه طب عام حلوه كلش كامله وكامل الله بس للاسف اهلي ميحبوني ولا يعترفون بيه أي اهتمام ماعدهم بيه من غير كل اخواني الي كل دلال اهلي الهم على الرغم اني الصغيرة بس للاسف محرومه من هاي النعمة خلي احجيلكم عن اهلي
بابا رجل أعمال معروف اسمه جمال عمره55 رجل صاحب كلمة حازم بالتعامل ويه الكل نهائيا ما عنده حجي وياي او يناقش بشي او يسأل عني اصلا ولا مرة كلي بنتي اذا حجيت وياه يطلع الف شغله علمود ميسمعني
اما امي هه هاي وحده قصة ثانية اصلا مرات اشك بيه امي على كد ماهي كاهرتني بسبب اكيد بعدين راح تعرفون ..امي اسمه سحر
مهيمن اخوي الجبير هذا واحد صارم عصبي بس كلبه حنين هه بس اكيد مو ياي هو اصلا هم ميسال أول يحجي وياي بس الدنيا متبقى على حاله تتغير طبعا يشتغل ويه بابا ادارة الشركة هو خريج ادارة اعمال
ايهاب اخوي الثاني هذا اشويه بي مجال ينحجي وياه مرات يسمعني ومرات ابدأ بس اعرفه اشكد هو حنون بس الواحد من هو اصغير ويشوف الي أكبر منه اشلون يتعاملون يتعلم منهم طبعا ايهاب صيدلاني
رشا اختي الجبيرة محاميه بالشركة اهواي تحب التكبر وشايفه نفسه بس ماله دخل بأحد
جلال اخوي الثالث خريج تحليلات هادئ كلش بس اذا عصب الله يستر منه اهواي معتني بشكله أهم شي عنده نزاكته
تمارا اختي الثانية مصممة ديكور كلش اتحب المضاهر والأناقة بين قوسين اتسمي نفسه ايقونة جمال
عسل اختي الثالثه تدرس فنون جميلة مرحلة اخيرة عشقه الازياء موضة ومكياج واكسسوارات وعطور ...
واني آخر العنقود 😞 محد مهتم بيه اهواي حاولت اعرف السبب من عرفت ادمرت
من اني صغيرة واني عايشه يم بيت جدي بس من كبرت رجعت لبيتنه اصلا رجوعي جان غلط ماكان لازم ارجع بس البنيه مكانه بيت اهله اهواي تعبت وجنت كلما اضوج واتعب كبل لبيت جدي علاقتي يعني الي هو صديقي واخوي وسندي وابوي اهواي تعب وياي بيبي هي ربتني وجدي اهواي يحبني مامخليلني احتاج شي بس أي حنان ميعوض حنان الام والاب ١٩
سنه عشته واني اتمنى مرة يصيحولي بكلمة بنتي او أي كلمة تدل على حبهم الي
مرة جنت بالمدرسة بوكته جنت مريضه ويم اهلي لان امتحانات هذا الحجي جنت صف ثالث المهم الجو بارد وهم كامت تمطر خلص الدوام واني كلش تعبت واني نحسه بالمرض طلعت بعد ما خلص الدوام ظليت انتظر السايق او أي واحد يجي عليه انتظر ومحد انوب محد بقى وجسمي كام يرجف ظليت واكفه انتظرهم بس محد اجه
جوري.. اشلون حظ هذا يعني هم مريضه وهم مطر وسايق ما يجي اشلون بيه شي اخابر منو هه هو منو بقى حتى اخابر ااخخ يكلبي ليوين تظل تتعذب وتنجرح وتصبر هم راح يجي يوم وترتاح
....لااا ماراح يجي ابدأ ومستحيل واحد منهم يتندم
قررت ارجع مشي طبعا مرجعت لبيت اهلي لا رحت للبيت الي من أول لحظه رباني وانطاني كل الحب والحنان امشي والدمعة اخذت مسارها على خدي حسيت خدودي اشتعلن نار فوك ما اني مسخنه
وصلت لبيت جدي واني كوه امشي دكيت الجرس
اشويه وانفتح الباب شفت خالة ام زهير
ام زهير .. يمه جوره هاي اشلون اجيت يمه سوده هاي اصاير بيج تعالي عززززه لج يمه حرارتج مرتفعه كلش تعالي يمه
جوري .. ماكو شي خالة بس السايق مااجه واجيت مشي
ام زهير .. يااا يمه سوده بوجهي ليش رحتي لعد تعالي يمه تعالي الله على الظالم
جوري .. لا خالة لا تدعين نص الدعوة على مدعي
ام زهير.. اخخخ يخالة هذه كلبج يجي يوم تموتين من وراه يمه محد يستاهل كل هذا الكلب
جوري .. خليه على الله خالة هو ارحم الراحمين راح اسبح وانام لا تكعدوني واذا سألوا عليه لا تكوليلهم
ام زهير.. يااا يمه ليش انتي مريضه وتحتاجين دوه
جوري.. لا بس اريد انام
ام زهير.. سوده عليه هاي البنيه اشكد تعبت ربي يفرح كلبه
ضاري... الوو
رفاه .. ها عيني اجيت
ضاري... أي يله اطلعي
اوك
ضاري. .. جوري هاي اليومين ماكو بس لا بيه شي الله يستر
رفاه.. ركبت السيارة وضاري صافن
ضاري عيني
ضاري... هااا الله يساعدج
رفاه .. ويساعدك اشبيك صافن اكو شي
ضاري... ذبيت حسرة اخخ جوري
رفاه.. يمه اشبيه جوره
ضاري... صار يومين ماكو ماادري اشو خايف عليه
رفاه .. شنو لا عفيه لا تخوفني عليه أن شاء الله ما بيه غير العافية اليوم نروح الهه
ضاري.. أي بعد اشويه اجيبه ادري بيه مترتاح بس يمنه
##########
