#كسرت گلبي
للكاتبة ضوء القمر
وأَدري بيك . .
وچَني مَ أَدري واجيت
ومِن ثگلّ وَجهك
عِرفت الدنيا خُربت
وَ الناس خُربت
وَ بابكُم عينه عَلى غَيري ونسيت
وداعة الله
ولا يظَل بالك عَليه
النيه چانت بَس أَحبَك
هَالمشيت . .
جوري : مرعلى بالي ذلك اليوم الي شفت ذلك الولد من انضربت بي وكع قلمه مدري ليش اجه ببالي هو اصلا اذا شفتها مراح اعرفه لان نسيت شكله بس قلمه مكتوب عليه ابو اسد
انتبهت على شفق
..شنو شكلتي
شفق : سلامتج بس وين صفنتي هاا وغمزت يتهنه
جوري : منو هذا
شفق : الي جنتي تفكيرين بي منو يعني هاا احجي
جوري : ههه صفي النيه حبي ماكوشي
بيقينه نسولف واشياء اذكرناها وايام حلوه لحد الاربعه كالت لازم اطلع عاد راحت وبقى بالي يمها لحد ماخابرتني وكالت اني ببيت
خاله ملازمي ودااقره ومدري اشلون غفيت
ماحسيت الا على صوت رفاه تكعدني
..شكو
رفاه : اكعدي حبي صار الغروب ميصح
جوري : اهوو هاي اشكد نايمه راسي احسه ثكيل
رفاه : من النوم يله حبي كومي
جوري : يله اوك
رحت للحمام غسلت وجهي ونزلت وكعدت يم جدو وخليت راسي على كتفه
حجي كميل : ها بنتي صح النوم اشدعوه لحد هسه نايمه
جوري : يصح بدنك جدو اي والله اخذتني النومه هو راح ابقى اقره لان ماالحك بعد الفاينل مابقاله شي
حجي كميل : الله يوفقج بنيتي اي اتذكرت الشيخ ابو مهدي الجمعه جاين
جوري : صدوك جدو همزين الجمعه مشتاقتلهم اهواي على گولتهم چثير
ضاري : هاا الله يساعدهم
جوري : ردينه اني وجدو
ويساعدك
عمو اشو هاي الايام اهواي تختفي هاا
ضاري : اكول لا تحرگين فلم عليه خوش كافي الثنائي عليه انوب انتي رجال مشغول ما فارغ
رفاه : هو همزين انت مشغول والا اني مااسكت هاا
ضاري : هاا استلم ارتاحيتي
حجي كميل : قابل جذب شسالفتك خير ان شاءالله
ضاري : والله ماادري السالفه خير لو لا بس ايهاب اهواي ضايج وجاي يمي بالمكتب
جوري : خير عمو اشبي ايهاب هاا
كلتها بخوف
ضاري : لا تخافين اشبيج سالفه وان شاءالله نحلها ولو بيها تعب بس ان شاءالله نحلها
رفاه : نفس السالفه مو
ضاري : ليش هو اكو غيرها
بيبي : اي يعني ماكو غير ايهاب هاا اخوك شكال
