#كسرت گلب
للكاتبة ضوء القمر
كَثري تعبي برآحتچ أبقى أحبچ ♥️🙊
عيونچ الحلوآت عآشگهن وربچ ♥️🙊
ياسر:اليوم بعد تعب وامل فقدته ست سنوات رجعلي حلمي والانسانه الي خسرتها مرة ربحتها العمر كله الله يديم الفرحه علينه وكلمن يحب ياخذ الي يحبها اباوع لنفسي والفرحة شكبرها بگلبي واني اسمع الاغاني والهلاهل الشباب فرحانين لفرحي اتمنى الفرح لايهاب الي خطية ديعاني ان شاءالله بعد عرسي اتفرغله الانزوجه الي يحبها
طبعا الاهل كلهم بالقاعة يم معشوقتي الي ممصدك مايبعدنه غير ساعات اووف الف الحمدلله
طلعت للشباب وهمه يهوسون عمار ماشفته يمكن بعده مجاي خرب بيومه دومه هيج لو اني اجيبه لو يتاخر ركبنه سيارتنه والطريق كله فاتحين معزوفات والشباب يرگصون والمصور ويانه وصلنه للقاعة نفس القاعة بس منفصلين دخلنه واني انتظر بعمار تأخر اشويه وسيارته سفطت
ياسر:بعد وكت جان بقيت ليش اجيت ولك عود هاي اني وصيتك وعود انت تزفني لا ربحنه
عمار :على كيفك عريسنه اشبيك معصب هسه تأخرت اشويه طارت الدنية خماطارت هدي بويه
ياسر :هو شمصحل غير حجيك هذا خلي يخلص العرس واني اعرف اتصرف وياك يله امشو دخلنه للقاعة وگفنه علمود اغنية الدخولية باوعت على عمار الي جانت هدية منه هاي الاغنية جاي فيد عليه دخلنه كلنه واغني ويه الاغنية وبده حفلتنه وبعدها رحت لقاعة العروس دخلت وجانت الاغنية
ام جهالي شفتها طالعه كمر بالبدلة ياالله ممصدك كله الي صعدت الستيج وبست راسها
حجيتها وياها وهي ميته من الخجل رگصنه واخذنه صور وقطعنه الكيك وبعدها حنيتها وامي اجت حنتني گلبي ملطاوعني اعوفها بس ذوله السرسرية حرگو التلفون عليه هه وهي منا خجلانه
ياسر : اااخ لوما ذوله فلا اعوفج
ملاك : يممه انت ليش تخوفني هاا
ياسر : لاحبي موخوف بس شسوي اهواي انتظرت
ملاك : هه هي بس الليلة والعمر كوله يمك
ياسر : ااخ گلبي
ملاك : اشبيك ياسر
ياسر : اروح فدوة للي تخاف عليه مابيه حبي بس كلامج اهواي حلو عمي خلي اروح لاارتكب جريمة هسه
جوري : اليوم حنت الغالي خطية اشكد فرحانه اله يستاهل لبست فستان وردي فاتح واغلبه نقش ذهبي
ولبست شالي طبعا ماخليت مكياج بس كحل ومسكارا ومرطب بلون الفستان كملت ونزلت ورحنه للقاعة الديكور جان حلو وملاك طالعه تخبل طبعا جان العين عليه كولش ضجت لان كبل يحون لبببي ويخطبوني. وبيبي مدري شتكلهم مااهتميت للحجي الي سمعته كل همه افرح للغالي وشفق جانت فرحانه لان الفستان من اختيارها وكالت طلبية خاصة من المانيا الدار الي تشتغل بي اشويه دخل ياسر فدوة طالع كولش حلو بالبدلة البيجي فرحان كولش اصلا طاير مو بس فرحان خطية ركصو وباقي سوالف الحفل وحناها وراح احنه بعد ساعة طلعنه طلعت قبلهم ولكيت عمار واكف بره
جوري : هلا وغلا بسيادة النقيب
عمار : هلا بالدكتورة اشلونج
جوري : اني تمام انت اشلونك شنو هالجمال عريس طالع
عمار : يمعوده ياعريس اني تركت العرس لاهله ورجاأ لا تحجين بهالموضوع خوش راح اطلعين
جوري : اووف سكتنه اي صارت هوسه وهم ماحبيت ابقى اكثر احس راسي صدع
عمار : امشي اوصلج
جوري : لا راح يجي عمو خابرته كال فد اشويه
عمار : من كال فد اشويه شكو طالعة هاا
جوري : اوو اشبيك عمار اختنكت من القاعة طلعت اشتم هوى
عمار : امشي وياي نكعد هناك حضرتها تشم هوى اي وذوله العارات الي يباوع هاا
جوري : واني شلي دخل بيهم همه اخلاق ماعدهم يعني منين اجب احساس الهم وهو ميت بيهم
عمار : حتى وان كان خووش امشي مدام
جوري : ههه صار
بقيت اسولف وياه ماجبت سيرت ايهاب ورواء لان مر بهيج موقف وراحت من ايديه اشويه وطلعو سلمت عليه وركبت بس وصلنه للبيت كبل لغرفتي بس بدلت ونمت ماكعدت للصبح على صوت شفق
شفق : لج اكعدي كافي نوم شو يله يمعوده
جوري : اوو شفق عوفي انام والله تعبانه
شفق : ولج اشعندج تعبانه ها قابل انتي العروس واني ماادري يله كوومي
جوري : تره هوسه البارحه والاغاني صعت راسي والله لساتني دايخه شنو هاي
شفق : اهووو اشلون تريدني اخرب هالخلقة الكارثية لج بابا كومي الساعة دعش اليوم الزفع عفيه كومي
جوري : هاي اني كمت اشردين هاا ارگص لو شنو
شفق : اني اكولج نكوم هسه نتريك ها وتسبحين وتصحصحين هاا وبعدها نجهز نفسنه
جوري : اوو واني اشعندي ها بس يله مااكسر بخاطرج
كمت عدلت غرفتي ودخلت سبحت ونزلت لكيتها كاعدة تلعب بموبايلها وتبتسم هاي اشبيها
.. ها خير ان شاءالله دوم الضحكه
شفق : ها يسلمو يروحي يله تعالي
جوري : البارحه مصار مجاي اسألج
شفق : عند شنو
جوري : راح تبقون هنامو
شفق : لا يمعوده وين بابا كال خلال اسبوعين نرجع واصلا هو وسراج رجعو واحنه لازم وراهم هم لان ماما مستحيل تعوف بابا وحده
جوري : سافرو هاي اشوكت ودوم راح تظلون هيج
شفق : اني عن نفسي محابه اسافر بس شسوي حكم القوي وانوب سراج كال ماارجع بعد
جوري : مم من وراي مو حجيتها بهدوى
شفق : انتي لا يابه بس هو بعد تعود هناك وهم مدري اشبي اخر فترة يعني تتصور روحه بخشمه ومعاجبه شي شنو يعني قابل الحب اجبار
جوري : امم بس اني اتحمل سبب الي ديمر بي
بس مو بيدي والله مااكدر اعتبره غير اخ
شفق : ايي يجي يوم ويعرف هو غلطان هسه خلينه باجر اداومين مو
جوري : اي اكيد ليش
شفق : اا اريد اروح وياج
جوري : اوك لعد باتي يمي اليوم هم تنونسيني وهم نطلع سوه
تريكنه وكملنه كم شغله وصار الظهر جهزنه نفسه لبست فستان يجي من فوك مثل السترة اسود مشجر بلون ذهبي وبيج فاتح ومن جوه اسود كولش حلو شال ذهبي والبوكس هم وشفق لبست فستان حلو من تصميمها صارت بالاربعه طلعنه بيبي وجدو راحو قبلنه وعمو ورفاه والتوم راحو واني وشفق وصلنه للقاعة القاعة جانت مشتركة هذا الشي معجبني لان الشباب اهواي بقينه كاعدين ننتظر دخول العرسان اشويه وانطفت الاضواء وافتحت اغنية الف مبروك دخوليتهم كولش حلو طالعين فد شي فدوه فرحانين اهواي كعدو بالستيج وبدت الحفلة واجواء حلوه لمحت عمار صافن وحدة راسلته
.. هلوو
اشويه ورد
.. ياهلا
.. شو صافن ها متكوم ترگص
.. صافن على اخبالاتهم مو مكرن وارگص شاربه شي انتي
.. هه لا والله بس عصير
.. اي هذا هو العصير بي شي
.. هههه والله اعرفك معاجبك الوضع هذا بس مجبور مو ههههه
.. عليج نور اي والله هسه غير يفضها تعبت من وراه خررب
.. ههه يمعود خلي يفرح ويستمتع
