#كسرت گلب
عيوني بشوگ يلغالي ...ترفلك
وگلبي من الصغر مايل... ترفلك
مو بس گلبي وعيوني ...ترفلك
ترف ..الروح من تسأل.. عليه
ابرار.. من عرفت جوري كدرو ينقذوه بسرعة خابرت سامر واجه
سامر.. اشبيج تهزين برجلج متكليلي هسه مفترض فرحانه جوري لكوهه
ابرار.. سامر خايفه مدري ليش احس بيه شي مستحيل تطلع سلامات
سامر.. يمعوده لا تكولين ان شاءالله مابيه شي وبعدين جوري قويه
بنفسه اجذب اذا مخايف عليه بس لازم اكون قوي
وصلنه للمستشفى وسألنه عن الغرفة رحنه للغرفه اهله جانو موجودين حالته متبشر بخير ابدا
ابرار..دخلت للغرفة وانصدمت جوريتي نايمه والاجهزة محاوطته نزلن دموعي متوقعت ابد اشوفه بهالوضع
جده وبيبته ومرته عمه يبجون على حالته
تقربت يمه واني احاجيه
جوري يكلبي ليش نايمه مو من واعيدج تبقين لهالوكت نايمه كافي عاد اكعدي مشتاقتلج
اهواي متدرين شنو صار بيه من رحتيي حبيبتي يله فتحي عيونج الحلوه مشتاقتلهن شوفي الكل دابجي عليج تدرين جوري
ماكدرت اكمل خنگتني العبرة ودموعي مااسيطر عليهن
مسكت ايديه واني ابجي
جوري عن الدلع والله كلبي نارر اكعدي وطفي نارره ااني ابرار موتكولين انتي تؤام روحي هاا
مو اني رفيقت دربج يلله افتحي عيونج كافي نوم مشبعتي آآه
رفاه..كافي ابرار گطعتي كلوبه
ابرار..اريده تكعد مشتاقتله انتو مووو هم مشتاقيلهه
سامر..ماكدرت ادخل واهلهه جانو موجودين سالت عن حالته متبشر بخير وعمه من كد العصبية راح يوكع
عمار..كلنه مدمرين على جوري حالته تصعب على الكل هاي البنيه اهواي تعبت والي صارله بهاي الفترة اهواي تعبه ماادري اشلون راح تمشي حياته اهواي خايف عليه اخخخخ اشكد متآلم
ضاري.. حاير اشلون بيه كلبي نار عليه ماكدرت احافظ عليه اشلون هيج غفلت عنه كل بسببهم همه السبب بالي صار
مشتعل نارر وكلبي مجاي تطفه ناره وعقلي الف حسبة بي
ياسر.. عمي هاك چاي لاتوكع علينه شوف حالتك
.. ولك بياحال اني وكلبي نار على الي الله يعلم اشوكت تكعد
.. كول ياالله ان شاءالله تكعد ومابيه غير العافيه
.. اوووف الله يسمع منك
في مكان اخر حيث من الحادث وهي ماطالعه من غرفته ولاتححي ويه احد
سحر.. راح ياخدهه معقولة بس هو مراح يرجع تمنيت هي الي راحت مو هو بس ليش هسه يريده يمه
انتبهت على الي فتح الباب
