#كسرت گلبي
للكاتبة ضوء القمر
آه . .
ياشوغـة الــ ملچـوم
تكسر رگبـة الذمـه
كانت في كل مرة تضحك ،
تصغر عيناها الجميلتان ويتسع قلبي ..💜
عمار : على صفنتي اندك الباب
.. تفضل
هيثم : تحياتي سيدي
عمار : ياهلا هيثم تفضل
هيثم : اشكرك سيدي بس جايك بشغله وان شاءالله متردني
عمار : اذا اكدر بعيوني كول
هيثم : اريد اجازة اسبوعين
عمار : بس انت مصار اهواي من نزلت خير خماكو شي
هيثم : اي صح بس بذيج النزله جانت خطوبتي وخايف لا اطول بالعرس وتصير مشاكل فهسه اريد اتزوج
عمار : امم تحبها
هيثم : ابتسم وكال.. حب خمس سنين اشلون مااحبها عاركت الكل علمودها
عمار : بالعافية عليك تدلل اخذ شهر اجازة وتهنه بيها والف مبروك الكم وان شاءالله الذرية الصالحه
هيثم : تسلم سيدي الله يبارك بيك يوم الك لا سيدي بس اسبوعين
عمار : ايي الي
لا حبيبي مو اهواي كتلك تهنه اعتبرها شهر عسل وهديتك توصلك لبيتك
هيثم : مااعرف اشلون اشكرك والله ماكو داعي الاجازة كلش كافي وافرح اذا تقبل تشرفنه بعرسي
عمار : ههه تدلل اجيك يلله شمنتظر انزل للاهلك وجهز نفسك يعريس
راح وهو فرحته اشكبرها الله يهني ايي يعمار تحل مشاكل غيرك وانت مشكلتك ماكدرت تحلها سحبت چكارة وورثتها احسها دخانها من كلبي المحترك اووف يازمن ليوين راح اضل هيج كمت اخذت غراضي وطلعت من المكتب ركبت سيارتي وبقيت افتر بلا هدف خسرت كلشي بنيته متندم كد شعر راسي لان طلبت من عمتي تچيس النبض تمنيت صاير شي ولا راحت ولا عرفتها حبها ولا التقيت بيها اااخ يازمن لو بس اعرف السبب جان ارتاحيت ولو ماكو امل اعرف بعد ليوين راح ابقى هيج اموت من القهر ليش مااكدر انساج ليش مجاي اتقبل غيرج ولج شسويتي بيه وخليتيني مااشوف غيرج موكافي صارتلج حياتج الخاصة بس اني شنو ذنبي انچوي بنارج
اشكد حاولت انسه وابدي من جديد حالي حال اي شاب يبني عائلة واطفال من يرجع تتلاگا مرته واطفاله ليش ادخل البيت اظلم مابي اي حياة من رحتي اخذتي كلشي حلو بحياتي وخليتيني جسد بلا روح اريد استقر كافي العذاب الي شفته
انتبهت واكف يم يبتي نزلت للبيت صفنت عليه شيصير هسه ولو كلك روح واصوات ضحك اطفال ااااه يكلبي
هاي حياتي مابيه اي شي مميز أتمنى اموت عالاقل ارتاح المن عايش دخلت هدوى رهيب وقاتل حتى الاكل ماله طعم بحلگي هاي ثاني سنه على السالفة
بس دخلت سبحت وشمرت نفسي على جربايه ونمت اريد بس ارتاح
