كسرت گلب
للكاتبة ضوء القمر
شما دارت الدنيه وكثر عندي الظيم
مو مثل العثك ماانحني منه اثكل
اكابر واحبس ادموعي بجفون العين
سهل الصار بيه واسهل منه اسهل
جوري : شنو شتكولين انتي
شفتها نزلت راسها وعيونها دمعن
رواء : اي مثل مسمعتي راح اتزوج واني مابيدي حجيت وتعاركت بس كلامهم الي يمشي
جوري : مصدومه من حجيها معقولة شديصير هناومنو ذوله هاا
رواء : احنه اصلا من الجنوب والمعروف بعشاير الجنوب انو بنت العم لابن العم واني ماجنت اعرف انو بابا منطيني لابن عمي من صغري اجت ايام وراحت ايام وسنين واشكد صارت مواقف ومشاكل اهواي ولا عرفت الا ذلك اليوم عرفت ماما بعلاقتي بايهاب وخبرت ماما وماما حارت شتسوي بيه واخر شي كسرتني من كالت انتي لابن عمج تعاركت وصيحت وحتى انضربت وهمه الي براسهم يسوي اني عمري محبيت ابن عمي هذا كلما نلتقي نتعارك وجان دوم يمشي كلامه عليه بس ماجنت مهتمت لان اريد ايهاب راح يسوي المستحيل علمودي بس الي صار وخلاني اتراجع مو خوف منهم ولا من شي بس خايفه عليه هو ابن عمي هذا شراني وياويله الي يندك بي ساعتها لومو قانون وعنده سلطة ياخذ بثار ياخذ واني عرف او شاك بيه اني وايهاب وجنت دائما انكر بس مدري منو مخبره عنه ومن ذلك اليوم وهو مراقبني ومسود حياتي واخر شي قبل يومين همزين ماكسرني لان سمعني احجي وياه لزمني موتني بس وجهي ماقرب منه شوفي هاي ايديه وهمزين محد عرف جان اني هسه بالمستشفى وماادري اذا ابقى عايشه لو لا والاقوى من هذا خيرني اما اقبل اتزوجه او يكتل ايهاب واني لو اعرف اموت نفسي ولا يصير شي بايهاب هو لو اعرف هيج يصير فلا احب ولا اتعلق بي واحلم باحلام هي مواليه عفيه اترجاج جوري فهمي لان بس يتقدملي ساعتها اني وياه نموت ونخسر كولشي وهم تصير عشاير
جوري : اشلون هيج اخبره تدرين هو اشكد يحبج هاا ولج كاتل روحه بس خليج قوية وصدكي تكوين اله ايهاب ميكدر بدون
رواء : لا ازيدين همي رجاأ الي بيه كافيني ولج اني مقري فاتحتي وتصير دم تعرفين شنو دم اني مااستاهل يصير بي شي والله مااسامح نفسي اني مو بس احبه لا گلبي اله وحده بس نزلت راسها ودموعها شلال
بس اني خايفه عليه ومجبورة لو انتي بمكاني شتسوين هاا والله داموت باليوم الف موته يعني الانسان الي ماعرفت الا وياه وبالنهاية مااخذه مو ضلم هاا وهاي احنه بنات الي لحد هسه تحكمنا تقاليد العشاير علينه انفذ وبس حتى لو انتي مقابلة لو تعرفين احنه كلنه واصلين بس للاسف الوعي الثقافي بهذا الشي ماعدنه الي يكوله الجبير يمشي على الكل
جوري : ادري اشكد جاي تعانين بس رواء لازم تبقين قوية لابد اكو حل والي كاتبه الله يصير لو مو يرفضون بس خليج قوية واني بنفسي راح اساعدكم بس مال اخبر ايهاب بهالشي مااكدر كافي الانكسار الي شفت بواحد من اخواني مامستعدة اشوف وانكسار الثاني
