#كسرت گلب
#وكـون أفك صـدري
و أگـل لنـاس هـاكم
يـوجـع ألمـا ينكتـب.💔💔
سراج..اي كلامج صح بس اني متأكد منه مراح تكسر كلبي وحتى لو ماحبتني راح ابقى احبه
شفق..والله ماادري شنو الي اكوله سراج مراح يتحمل انو جوري تزوج غيره بس همه بالاساس مامتوالمين بس مااكدر اكسر خاطره
..ان شاءالله
بعده اشويه نادو علينه ركبنه الطيارة والرحلة مدته 7ساعات طبعا صارلنه اهواي مراحين للعراق طول الوقت سراج نايم اعرفه بس مغمض عيونه اما اني فنمت
سراج..ماكدرت انام يمكن غفيت اشويه تفكيري كله بيه اشكد حاولت انساهه واتقبل الواقع بس للاسف الگه نفسي افكر بيه شنو الي بيه مااحبه هي كله على بعضهه بس كلبه ماحبني هم حقه تخاف تنطي كلبه واعرف كل الزين امه مراح تقبل اتزوجه اصلا تتخبل اذا انذكر طاريه شنو من ام ماادري
فزيت على صوت المضيفه عشر دقايق ونوصل مطار بغداد
شفق..شنو وصلنه
سراج..لا بعد اشويه بس اكعدي
..اكولك اشلون اني مااعرف باي مستشفى
..مو مشكله نخابر على ايهاب
نزلت بينه الطيارة بمطار بغداد مباشرا سوينه تأشيرت دخول واجرنه تكسي
شفق..اكول سراج العنوان اشلون
سراج..هسه اخابر ايهاب
اتصلت بي واشويه ورد
ايهاب..الوو منو وياي
سراج..هلا ايهاب اني سراج
..سراج يهلا اشو الرقم عراقي
..ايي توني نزلت العراق كلي باي مستشفى انتو
..هاا مستشفى الل
..يله جايك
انطيته العنوان اباوع على بغداد بيه اماكن متغيرة ناسه على حالهم الطيبه العراقيه ماكو مثله بس الي عايش بالغربة يحس هذا الشعور
انتبه على صوت السايق حاسبته ونزلنه
شفق.. سراج والجنط وين اوديهن
سراج.. بقيهن هنا هسه اشوف ايهاب واخلي يوديج للبيت
استقبلنه ايهاب
ايهاب.. ياهلا بولد خالتي الحمدلله على السلامة
سراج.. الله يسلمك يغالي خير يخوي شنو هالخبر هاا
..اووف خليه سكته اشلونج شفق شخبارج
شفق..الحمدلله زينه انت اشلونك
ايهاب..الحمدلله عايشين امشو يله
شفق..مشينه وياي وهو يحجينه اشلون صارت سالفة الخطف
..زين ليش فاقدة
ايهاب..ماادري الدكتور يكول بسبب الارهاق سببت الهه نوم عميق
سراج..وهذا الباشا منو وشنو علاقته بعمي
