#كسرت گلبي
للكاتبة ضوء القمر
وتلاگينه
وشفت روحي گمر بيده
وترست اعيوني من حلمه ورجف گلبي لمواعيده
جوري : ايهاب كولي اشبيك ليش هيج حالتك
ايهاب : جوري اشلون مااتعب واني دااشوف الحلم الي بنيته جاي يتهدم كدامي واني مابيدي شي
جوري : انت ليش معصب الامور وشايل هم تره الموضوع مو لهدرجه جبير خليك قوي واخذها من حلك الاسد واذا على سالفت عهد راح نلكه حل تره اكو غيرك واكيد مراح يجبروك على الزواج
ايهاب : اذا المشكلة على سالفت عهد على كولتج نلكه حل بس المشكلة رواء ابن عمها اشلون راح اتخلص منها واهلها عصبين لعد اني ليش لحد هسه ممتقدم من وره اهلها وابن عمها اخاف اتقدمها ويجي ينهي عليها وهنا كلشي يضيع مني
جوري : نهوه معقولة لحد هسه موجوده بيازمن عايشين ذوله
ايهاب : اعد اني شمخبلني عمامها بالبصرة وهذا من زمان جان رايدها وتخاف لا يسويها مشكلة اكيد اول مااخطبها راح يرفضون واني مستحيل اعوفها وابن عمها مراح يسكت
جوري : انت تقدم وخلي نشوف مخسران شي بس تعال كولي اشلون تقنعهم هسه بالخطوبه
ايهاب : لا مو هسه لان مهيمن راح يخطب وكال راح اخليهم يلتهون بخطوبتي لحد منشوف حل
جوري : صدوك تحجي راح يخطب يعني اكو وحده لو لا
ايهاب : اي عنده من زمان رايدها تقريبا صارلهم سنتين
جوري : حلو خوش حجي زين اا ماما شنو رأيها
ايهاب : انتبهت كوه كالت ماما لعد اشكد گلبها حنين رغم كل سوته امي وهي تصيحلها ماما يمكن لو اني جان الله اليعلم شنو اسوي
.. مراح ترفض لا تخافين
جوري اريد انام صار اهواي مشابع نوم
جوري : من عيوني يله كوم دخلنه للبيت ودليته على الغرفة شفته نام يله طلعت رجعت لغرفتي وافكر بي خطية اذا صدوك وصارت مشاكل وماانطوها اله شنو راح يصير بي
نمت بعد ماقريت كم ملزمه كعدت على الاذان كعدت صليت وبقيت اقره صارت بالسته كمت بدلت واخذت ملازمي ونزلت
.. صباح الخير
حجي كميل : صباح الورد هلا بجوريتي
جوري : وبيك اكثر جدو صباحو يااحلى ست
الجدة : يروحي انتي الصباح كله
ضاري : لعد واني يمه المساء
الجدة : لا مساء ولا صباح انت ضاري وبس
ضاري : هااا لا حجيه صدك تحجين لعد وين اروح وانت يابه بشر هم راح تنطي بيه
حجي كميل : هههه انت شتكول
ضاري : هذا هو مع الاسف راح اخذ جهالي ومرتي واطلع
