كسرت گلب
للكاتبة ضوء القمر
شبعـد وأتخيـلك يمي
يواهـس عيشتي الگشـره
تره اشتاگيت اشمـك
شمـة التنـور
من تشتاگلـه الفقـره
حلات العاشګ من يصير فاهي
السمه اطيح وصفنته ذيج هية .❤️
متقصد لويته شامريته
الهوى اليعزف بريتي شام ريته
تمنيته على خدي شامه ريته
وطلع حركت الله التوج بيه
ويالـمهدر جمالج مثل جاي وهيل رزن لا محترك
لا فاهي لا شايط♥️
صهيب:ههه وول بويه بعدنه تونه گلنه ياالله هاي مجرد الدعوة قبل الاكل لعد لونبدي بالمقبلات والطبق الرئيسي جان شصار
جوري:عزززززا تمنيت اختفي من يمه يمه ممتت خجل وهذا مجاي يرحم بيه
..عفيه صهيب لاتحرجني
صهيب:ووول بويه هيج اسمي عسل لسانج اروح فدوه للخجلان
جوري: اااخ ولا يسكت انوب ذني خبصني بوسها احضنها اردي انتن شكو جابو الحلقات ولبسني وباس أيدي ولبسته حلقته طبعا عليها اسمائنه وهم كولش حلوات بعدها لبسني باقي الذهب ومن وصل للكلادة انفاسه صارت برگبتي وهو يهمس
صهيب:دخيل الله رگبه لو مرمر سبحان من صورج
جوري:اهواي خجلت هذا طالعه عينه المهم كملنه تلبيس الذهب والبنات كالن ناخذ صور مقبل كال بس كامرتي ممنوع غير بغير كامرته بصراحه نقذني من هاي السالفة قطعنه الكيك وهو يكول
صهيب:يول شلي بالكيك والكيك يمي خو كولن اكل من كيكك واني اكل
جود:هههه ول يابه اخوي اليوم منو بكده وهو اخذ الي يهوها گلبه اكول شرايك ناخذها ويانه مو احسن
صهيب: كفو بعد اخوج هذا الحجي المعدل والله اني اكيف بس شسوي مجبور انتظر
جوري:همه يحجون واني ممت خجل بطبعي خجوله وخاصه بهيج مواقف بعدها خلي ناخذ صور رحنه للحديقة الخلفية مكاني المفضل
صهيب هالمكان راحه نفسيه ابدع الي سواهن
جوري:شكرا هذا من ذوقك
صهيب:ههه والله عرفت انتي مسويه هالمكان هايي الورد الي جبته الج مو و
جوري:ايي كل ورد تجيبه هنا مكانه لان الورد مكانه هنا ونزلت رأسي
صهيب :وانتي اجمل ورده واريد هالوردة تكون بحديقت كلبي رفعي راسج ما طول راسي يشم الهوى مااقبل تنزلين راسج حتى لو خجل مفهوم
جوري: وجان يبوسني من خدي وهو كولش قريب عليه بحيث انفاسنه سوه رفعت عيوني والتقن ويه عيونه ماحسينه الا صوت جود وهي تكول
جود:اجمل لقطه روعه عليكم الله خليكم حسبوني مموجوده ههه
جوري: ضحكنه عليها اهواي حبيتها واخذنه أكثر من لقطة وهم اشويه جريئه ووحدة منهن باسني برگبتي اهواي خجلت منها بعدين جان يجن اخواته والطفلة الي شفتها بحفل التخرج رگضت بحضنه
صهيب:هاي بنتي اريج اتمنى تحسبيها هم مثلي
جوري:فدوه وراها قصة مو لان متشبهك
صهيب:ايي متشبهني هاي بت اغلى اخو على گلبي الزمن اخذه مني
جوري:الله يرحمه وامها
صهيب:هم راحت وياه
جوري:اني سمعت هيج وكبل اخذت اريج منه وشبگتها اهواي حبيتها وتعلقت بيها شفت نفسي بيها بس الفرق الموت اخذ اهلها اما اني همه مرادوني لحد هاي اللحظة اتمنى ماجيه للدنيا فزيت على بوسه على خدي جانت اريج
..فديت الحلو اني
اريج:انتي حلووووه اهواي
جوري:وانتي احلى يحلو
صهيب:ووول يابه الله اشلون رزقني باميرات من الجمال الجبيرة ذايب بحبها والصغيرة مخبلتني بسوالفها
جوري:هههه
صهيب:اخخ يابه مو ضحكه عذاب
جوري:هذت مناوي يبطل يخجلني ابد بعدها سلم عليه والبنات هم ورجعنه جوه والشيخه وامه واهله كلهم سلمو عليه وراحو بس قبلها الشيخ طلب يسلم عليه طلبت من رفاه تجيبلي محارب الصلاة ابيض عندي كولش حلو وبي نقش ذهبي لبسته ونزلت وصهيب جان يسولف وشفق من شافتني نزلت هلهلت والكل انتبه عليه اما هو اجه والضحكه على محيا تقرب مني وكال
صهيب:لو اظل العمر كله احمد الله مو كافي لان الله رزقني بحب ملاك من خلقه يله الشيخ ينتظرنه
جوري:اخذ ايدي وخلاها بايده ودخلنه للاستقبال مجان احد غريب جدو وبابا وعمامي والشيخ وعمامه اول مادخلت الشيخ كال
الشيخ:اللهم صلي على محمد وآل محمد الله يكملج بكامله بنتي الغالية مرت الغالي
جوري:رحنه اني وصهيب باس راسه وايده صهيب واني هم سويت مثله وهو باسني براسي وظل يقره ايات عليه
الشيخ:محروسه بالله ياشيخت البنات ميلام حفيدي من عشگج
جوري:تسلم شيخنه
الشيخ :مشاء الله اثاري دكتورنه حقه من يسودن كلمة جمال قليلة عليج
جوري: شكرا شيخنه عيونك حلوات
الشيخ: هه الله يحفظج
