#كسرت گلب
للكاتبة ضوءالقمر
خدچ والعلم يوميه بايسهن
عيونچ والوطن اخذهن اخذهن ♥️
يل أسمك حدر شفتي .
أغار عليك من چلمآت سآلفتي 🖤.
- مِـن گالـتلـي روٰحَـك ويـن گـلتلـۿآ بتفاصيلـچ !.💜🌿
ايهاب : خير اشبيج منو اجه
باوعت شاب نزل من سيارته شكله مبين مشكلجي التفت عليها
.. لا تخافين اتصرفي على طبيعتج اجه
قيصر : السلام عليكم
ايهاب : وعليكم السلام تفضل اخي
قيصر : زاد فضلك بس جاي اخذ بت عمي
ايهاب : سويت نفسي مااعرف منو وهم يحجي حضرته بتكبر
نعم منو رايد
قيصر : شنو متسمع بت عمي رواء
ايهاب : رواء هاا تشرفنه اخ
قيصر : قيصر
ايهاب : اي اهلا بس اليوم عدنه اهواي شغل وهم دتشوف الصيدلية اهواي عليه يعني اذا ماكو مانع اعرف
قيصر : اهوو خويه مامطر انطيك سبب المهم اريدها تطلع
ايهاب : خرب بيومك شنو انت كوه متحمل صحت على رواء
رواء : نعم قيصر خير اليوم هنا
قيصر : امشي وياي للبيت
رواء : اجي وياك ليش حسن وين مااجه
ايهاب : عن اذنكم عرفتهم واني منا ضايج وهسه هذا وجه القرد اشويه واجتي
.. هاا شيريد الافندي
رواء : والله راح يخبلني اشكد مكروه يريدني ارجع وياه لان معزومين يمهم اروح
ايهاب : اووف ليش اكدر احجي بعد اخاف احجي وتاذين خخليني ساكت روحي بس هاا ارجع واكول ممنوع منعا باتا تكعدين وياهم وخاصه هذا القرد خوشش
رواء : صاار يروحي تدلل
ملاك : ابد متوقعت انو ياسر يتقدملي زين وين جان كل ذيج السنين اشويه وطلعت وبقيت صافنه اشلون عرف بعنوانه اكيد ماكو غيرها شذى لازم احجي وياها وره اشويه طلعو وجان تجي ماما
ماما : هاا هم كولي هالمرة ارفض
ملاك : لازم عاجبتج هاي المرة
ماما : اي لعد ليش حسب كلام امها وجدته خوش ولد واني اخلي ابوج يسال عليهم
ملاك : اوكي
عفتهم وصعدت واني افكر باهواي اشياء ياسر عمري مشفت عليه شي ودومه شاب خلوق والف بنيه تتنما بس حظي راح يكعد هاي المرة لو هم فاشل الف فكرة اجتي براسي بدلت ملابسي وخابرت على شذى
.. الوو
شذى : ياهلا والله اليوم منين طالعه الشمس اشعجب ذاكرتني
ملاك : ههه ولج محسستني ابد مااسأل عليج مو ام وسوم حبي اشلونج
