#كسرت گلب
شَحچيلكُم
مرات احِس عيني انطفَت
مِن كثر مَ باچيلكُم .
جوري..حسينه على صوت رفاه
رفاه..شنو هاي عيني حضن جماعي اني زعلت
ضاري.. ههه يروحي غير انتي الاصل تعالي
رفاه..حبيبتي جوجو اشلونج اليوم طمنيني
جوري..من سألتني معرفت شنو اجاوب زينه مو زينه عالله لو هذا لوني اووف يكلبي ابتسمت وكلت
الحمدلله احسن
رجعت لسريري وعمي طلع
..رفو بيبي وجدو وينهم
رفاه..بالبيت اشويه ويجون خطية طول ماانتي بغيبوبه وهمه معافوج خبريني حاسه بشي يأذيج
جوري..استغربت سؤالهه حاليا محاسه بشي بس هو اكو شي لان جانت تأذيني كليتي
..لا ليش
رفاه..هاا لا بس اسأل
جوري..اكو شي ضامي عني بس ميحجون وخايفه يكون الي بالي اشويه
وجان تدخل روحي وكلبي وتؤمي واختي وصديقتي شفته لو عبالك شفت الراحة اجتي ملهوفه ودموعها على خده وشبكتني
ابرار..لج عوبه حقيره هيج يهون عليج كل هالوكت نايمه اشكد بجيت واشكد توسل بيج هاا
جوري..على دموعه جرن دموعي هو اني جنت بس احد يبجي وانفجر لا تعاتبيني الي بيه كافيه
..اسفه يروحي وعد بعد مااعوفج لج اخخ راح انخعص
ابرار..هه هو هذا المطلوب لج ممصدكه عيوني وانتي كاعدة اوووف اشكد مشتاقه لعيونج اوويلي هيج المرض يزيد جمالج
جوري..هه عابت بكل الحالات تعلقين
اثنينه متحاضنين هسه يله ردلتي عافيتي
حسيت نغزه بصفحتي بس راحت
سامر..صباح الخير بويه شنو نسيتوني
جوري..ابتعدت ابرار فرحت بشوفت سامر هذا اخوي
..هلا والله صباح الورد
سامر..الحمد لله على السلامتج اشلونج
..الله يسلمك الحمدلله
..الله وكيلج من الفجر مكعدتني حتى جامعة مرحنه ولو يمكن احنه الثلاثه راح ينزل فصل بينه
ابرار..اوو دك اليتيمه صدوك تحجي سامر حبي اشعندي غيرك يعني مثلا تريد اطلب من ابن عمي
..علمود اكسر راسج غير لو مسويته جان اليوم هنا نايمه
ابرار..يمهه عززا عود هاي اشاقه صدوك تسويهه
جوري..اكو احد يكسر راسه واني صديقته
..هاك استلم انوب المحامي مالته عمي اني رجال اغاااااار سمعتووو
جوري..هههه ندري بيك اصلا متكدر تمد ايدك عليهه غير معناهه تنكلب
