#كسرت گلب
للكاتبة ضوء القمر
أعـله گـد أسـمك
رسـمت الـصفنه مـرجوحه
ولـگيت أسـمي طـفل فـرحآن
بـيك ويـدفع بـروحه
شلون ما تعرُفني أحبك ،؟
سرّي مفضوح إعله ديره !
وشلون ما شايفني وآنـي من أوصف بيك أكُلهم " كُلش عيونه چبيره " ♥️
اريد اكلك اني احبك⚘
استحي اشلون اكول ⚘
واني طبعي مو جري⚘
وبارد وكولش خجول⚘
خاف اكلك اني احبك ⚘
وتكلي انته شكد خجول⚘
خاف اضمها وتبقى حسره 🌷
والحسره لبكلبي تطول🌱
اني احبك والله احبك 🌱
ومنك اترجى القبول 🌱
وهسه بس محتاج ردك 🌱
هيه مو هيج الاصول.
_________________________
جوري :گعدت الصبح على بوسات هادئه على وجهي ورگبتي احساس حلو وهو يهمس بكلام جميل فتحت عيوني وابتسمت بوجه
صهيب:صباح الورد يااجمل وردة
جوري :يسعدلي صباحك بيش الساعه
صهيب :هه عوفج من الساعه وحيري بيه شسويتي بيه هاا
جوري :شنوو شسويت
صهيب :متعرفين مو اني اكلج وبديت اخذ شفايفه واتفنن بيهن وهي تبادلني صرنه جسد واحد كمت اوزع بوساتي على كل مسامه بجسمها بيدي اهواي رقيقة حتى خفت أذيها تقربت منها مرة ثانيه وحسيت باجمل احساس واحنه ارواحنه سوه وانفاسنه هم الانسانه الي بين اديه ترفه بنعومت الفراشة ماعفتها الا حسيتها تعبت
..حبيبي
جوري :جاوبت بعشق عيونها
صهيب : تعبتي خلي نسبح ونطلع وهم جاعون
جوري :اوك
كمت واني لافه الشرشف على جسمي وهو يضحك ودخلت الحمام سبحت ولبست البنرص وطلعت لكيته كاعد يسولف شافني اجه حضني وبعده يحجي عرفته يحجي ويه بسام
صهيب :يول بسام اروح هسه وبعد ساعتين هيج نطلع منا يله اوك
..ايي حبي نعيما
جوري :الله ينعم عليك روح اسبح
صهيب :صاار بس خلي اضوگ العسل
جوري :ههه لا محزرت روح اسبح اريد اكل جوعانه وفلتت
صهيب :اااخ الفتي هسه بس وين ترحين مني
جوري :دخل يسبح واني لبست فستان بصلي ونشفت شعري وجهزتله بنطرون بيجي وقميص نيلي طلع وبدل وطلعنه تريگنه وافترينه وبعدها رجعنه للفندق جهزنه اغراضنه وطلعنه قبا٥ها رحنه لبيت جدو سلمت عليهم وطلعنه لان منتظرينه هناك طول الدرب قضيناها سوالف وضحك وغزل وكل اشويه يذبلي بيت شعر بحيث الدرب ماحسيت بي وصلنه بعد ثلاث ساعات واستقبلونه اخوانه وولد عمامه استقبلونه بالهوسات والطلق دخلني جوة وبعدها راح يمهم
الشيخه :يمه صلوات على محمد وال محمد يمه هلا بسورها ونورها هلا بالغالية مرت الغالي
جوري : بست راسه واديها فدوه الكلبج شيختنه انتي الخير والبركه والمكان منور باهله
الشيخه : الله يسعدكم ويبعد عيون الوادم
ام فهد :أي شيخه ادعيلهم يمه جوري اذا تعبانه اصعدي لغرفتج ارتاحي
جوري : لا مداعي متعبانه بقيت ويه البنات سوالف وضحك وتعرف على أشخاص جدد جود واريج ابد معافني واصلا اريج بحضني ابد معفتها هالطفلة الها محبة خاصه يكلبي اشكد احبها ظلينه نسولف والخطار كل اشويه جايين وكل جايب هدية صبو الغدة وتغديت وياهم بس گوة اكلت لان أول مرة وهم اني مو كولش بالجماعات بعد الغدة دخل صهيب واخذني وصعدنه لغرفتنه لازم أيدي ويتغزل
صهيب : مرتاحة حبي
جوري : أي كولش هنياك على هاللمه الحلوه
صهيب : ذوله اهلج يگلبي وانتي وحدة منا الي يمسج معناها مسنه اكول شنو زدتي جمال عفتج كم ساعة
جوري : ههه هو هاي اني متغيرت بس عيونك تشوفني احلى
صهيب : بس انتي فعلا جمال على بعضا
جوري : بس الجمال يروح
صهيب : بس طيبة گلبج متروح تزيد أكثر اوووف اشكد گلبج حنين يهنيالي على هالخلقة
جوري : دخلنه للغرفة حتى ما كدرت اشوف الغرفة كبل بدون أي سابق إنذار سحبني عليه وحاوط خصري وأخذ شفايفي بين شفايفه واديه تتحرك بكل جرائه وصلنه للجرباية وهو يتفنن وكلما بادلته يزيد أكثر لحد مصار وووو
دارني عليه وحضني ونمنه اجمل شعور من تكون بحضن الي تحبه مشت ايامي بحب وعشق وبين الخطار واللمه الحلوة مرتاحة كولش وياهم حسيت نفسي كاعدة وسط اهلي الحلو بيهم الشيخ يجمعهم كل يوم ويكعدون يسولفون ولمه الي كلها محبه واحترام
اجه يوم السبعه عمتي جهزت كولشي للسبعة وصهيب كال اني اسوي بس عشه لبست بدلتين وخمس فساتين لبست بدلة وردي فاتح كولش شيفون مابيه فيكه غير بالصدر يجي مثل ييلك ورد ابيض طبعا كوة قبل البسه تخبل عليها الحفلة جانت كولش حلوة واحلى بيبي ورفاه والبنات هم جن وجدو وعمو صوت الاغاني العالي وهلاهل وعمتي الي وحدة من عماته يمشن ويقرن عليه غيرت ولبست بدلة ماروني شغلها بالصدر حلو وهم لبست قفطان مغربي وفساتين بعد تعبت من التبديل بعد مخلصت الحفلة بقو على العشة طبعا الاكل طابخين طبخو بعد مراح الكل وودعت بيت جدو صعدت لغرفتي واني ميته تعب دخلت سبحت ولبست دشداشة قصيرة ربع ردن ونشفت شعري واجه صهيب وكل العادة انضافت ليلة من اجمل اليالي إلى ذكريتنه الحياة
ماشيه بشكل طبيعي ماكو أي شي جديد اتعودت على هاللمه الحلوه وحماتي سرور خطبها ابن عمتها قتيبة بيومها الكل فرحان خطية جانت خايفه اهواي طلعت حلوة وهي اصلا حلوة بشرتها حنطيه وملامحها واضحه اشكد حلوين هو ميت عليها طبعا خطبو بعد عرسنه بشهر وروناك مرت عصام طلعت حامل الكل فرح وخاصه هو لان خطية اهواي تعب اما علاقتي باخواني الولد علاقتي قوية بيهم وجلال قرر يخطب ريحانه سامر وابرار تزوجوا قبل كم يوم العرس كان حلو وهمه طايرين من الفرح وهسه همه مسافرين لتركيا اما اني وصهيب قررنه نروح لسويد بيت عمامه هناك رحنه هناك أجواء السويد كولش حلوه وتعرفت على عمامه وعائلتهم حسيتها مثالية عايشين براحه قضينه يمهم شهر كان مفترض ابقى لحد بداية الدوام بس الي صار خلانه نرجع جنت كاعدة بالغرفة وصهيب بره شفته تأخر نزلت اشوفه وسمعته يحجي بس ويامن ماعرفت ردت ارجع بس وگفني كلامه
