#كسرت گلبي
للكاتبه ضوء القمر
ها يكلبي
بعدك تحب ناس ماتسوه السلام
نار شعلوك علمود تضوي الهم وانت باقي بنص ضلام
ناس ماتهوه اليعيش بنيه وحده
وانت نيك دوم سجده
ناس ماتعرف غلاتك ياكلب وشكثر غالي
وابقه فوك الكل يكلبي ابقه عالي
ولاتبالي شما حچو عنك يكلبي لا تبالي
صير قائد ياكلب واصدر قرار
بحق بشر ماتسوه ضحكات الزغار
طبعك الطيب تبدله وي بشر تهوه الحرام
نار شعلوك علمود تضوي الهم وانت باقي بنص ضلام
فدوه ياكلبي طلب كلش سهل
انسه حته تعيش عمرك مو كهل
انسه كل الوالدم التهوه القتال
مثل هاي الوادم تعادلهم اعقول الجهال
قاوم الكل ياكلب مثل الجبال
ولا يهزك حجي الناس
كلمه ترجيه بئذانك خل تصير ناس ماتسوه اكولن عنها ناس
ناس تتمنالك اتدنك الراس
واخر احجايات اكلك
عيش وحدك
داوي جرحك
باجر من الصبح كون الكاك تضحك
شاهين : اهواي عجبتني شخصيتها مبينه مو هينها وتاخذ حقها بديها
مرتضى : خيانه وليش خاينته حسب الي عرفته هو رجال مثقف
رزان : هو هنا المشكله هو ماعنده هاي السوالف بس هي استغفرالله وحده كل همه تشبع روحها على الرغم ممقصر عليها بشي بس بعد ناس متملي عينه غير التراب اتوقع القضيه محسومه من البداية لموكلي
مرتضى : اني من ناحيتي اطلعه بس هي رافعه قضيه ولازم تتنازل عنها يله اكدر اطلعه وواريد اعرف الاطفال مانعها عنهم
رزان : ليش منو كلك هي رايدها الاطفال تره شامتهم بس رادت تكسر لموكلي وشغله ثانيه من بلغت رادت بس الطفلة الصغيرة الي عمرها ثلاث سنوات وموكلي مقابل
شاهين : اسف على تدخلي بس ليش شمرت ذولك ورادت بس هاي واكيد راح تاخذ الحضانه بيه
رزان : باوعت ماانتبهت عليه من اجيت بس هسه انتبهت شاب بكامل اناقته بين قوسين كريزما اول مرة هيج انتبه على شاب
..لا عادي الطفلة تريدها لان صغيره وكذا والا هي مجرد وسيله وبس وذولك همه اثنين ولد بس وبالنسبة للحضانه مستحيل موكلي يتنازل عنها وخاصه اذا الطفلة مرايدة امها
شاهين : معقولة اكو طفلة متريد امها اشلون
رزان :لا تتفاجئ اذا الام مداريدة شي عنهم على شنو الطفلة تتعلق بامها هاا
مرتضى : حسافة هيج نسوان يصيرن ام
مع احترامي للغير طبعا هي موكلها سوه
ووالقضية بماانه هيج السالفه راح اطلعه بس بكفالة لان اكيد راح تبقى رافعه القضية
رزان : لا مااتوقع كل الي تريده هو تذله عالعموم اشوكت يطلع
مرتضى : هسه يطلعو ويكمل الاجراءات وهذا هو
