#كسرت گلب
ضوء القمر
موتني العطش چـا مايكم ويـن ؟
بعـد لـحد يصير بــ راسي ناعور
مُنكـر بالگبــــر ما يحسب فلوس
يحسب چـم شخـص گايلي مشكور
الجگارة آبـوسه تحرگ روحهـا عليك
مـــع كل أحترامي لــ عود البخــور ..!
صهيب.. كلام سامر زرفه لكلبي عبالك اني ناقص هموم وحركان كلب اخخ اشكد تتحمل بعد يكلبي حتى ولفي مثلي تعبان هم ارتاح واخذها وتكون مرتي وام بيتي خايف لا يصير شي وساعته الله اليستر
باوعت على الطفلة ووصيت ابوها فراس شلي خلاك تخليني وصي على بنتك واهل امها موجودين معقولة صايره مشاكل ولو كلشي اتوقع اذا همه علي ياابو علي يله قبلو مو انوب هسه ماتت بتهم لا مراح يسكتون
اخذت نفس هوه الله كله وحاس نفسي مخنوگ غمضت عيوني وتمنيت كل هذا حلم بس لا موحلم واقع ومرير خايف لا تصير مشاكل اله اول مالها تالي واشلون راح أمن عليها
نمت يمه واباوع على براءة هاي الطفلة اشكد خايف عليها الزمن ميرحم احد ومشغول بدراستي واخاف عليها من المربيه
غفرت عيني بعد صراع طوويل ويه اليل الي صار كابوس
جود.. كعدنه الصبح على اصوات عاليه نزلت لكيت عمي شاهين وابوي عود يحجون
سرور
سرور.. هاا خير
.. عابت شكو ليش يصيحون
.. ماكو بس اهل مرته لفراس راح يجون واهل الرجال الي دعمهم
.. وعلى شنو هالصياح
..ولج عوبه غير علمود الطفلة عمي يكلي اشلون ناخذها باي حق حتى وان كان فراس منه احنه مجرد اصدقاء اله
..اوو خطية هاي الطفلة راح تتعذب وبعدين صهيب من المستحيل ينطيها الهم من كل عقلج انتي مشفتي اشلون تعارك ويه بابا وفهد من حاجوه عليها
..يول اني شكو بالعكس اصلا مفرحانه اهواي بيه لج دنفش وحلوه هيج تدخل الكلب بسرعة
..ههه اي والله بس كون يكدرون ياخذوها
سرور..اجتني رسايل من قتيبه
:هلوو
:يوول وينج متردين هاا وريتي كلبي
:اسم الله على كلبك تعرفني ملتهيه بالامتحانات وانت ادره بالمعدل الي اريده
:اي اعرف بس لو اطاوعيني جان اني بخير
:اوو قتيبه ردينه لنفس السالفة كتلك هسه مااكدر وهم انت راح تلتهي عن دراستك بس اخلص هاي السنه والله كريم
:هو اني شموگفني غير هاي السنه بس مابيه شي خلي احاجي جدي عالاقل الكل يعرف انتي الي وبس
:هو اني الك ومااصير لغيرك
:عجل بويه شراح يصبره هاا
:الي صبر ذيج السنين ميصير هاي السنة وبعدين انت شايف وضع البيت يعني مو مال نحجي بهيج شي وفراس بحسبت صهيب ومقهوره عليه اهواي
