#كسرت گلب
ضوء القمر
مهيمن.. يابه اكو سالفة اريد احجي وياك بيه
جمال ... أي ابني كول
مهيمن... جوري
جمال... اشبيه جوري
مهيمن... لشوكت نبقى هيج نعاملهه وجدي وعمي منطيهه حرية كاملة هاا
جمال... امم مااكدر اسوي شي وخاصة هي بحمايت عمك وجدك بعدين تعرف بامك كل الزين شنو موقفهه من جابتهه لسه
مهيمن... بس هذا ما يمنعك تحاسبهه وتخليهه تحت انظارنه لا تنسه هي اهواي جميلة والخوف لا أحد من اعداءنا يبتزونه بيه
جمال... لا ما اتوقع هيج شي وبعدين جدك وعمك ميخلوهه وحدهه .. اذا رايد جيبهه تعيش ويانه بس مالنه شغل بيهه مابيه مشاكل امك واخواتك بعدين تعالي كلي سامع شي لو شايف شي عليهه اذا اكو شي لا ترحمهه ابد ماشي
مهيمن .. لا يابه ماكو شي بس عمره دم ما صار مي والاظفر ميطلع من اللحم واذا على امي اطمئن مالهه شغل بيه من يوم جابت واحنه هم وكفنه ويه امي .. عليه بس تبقى بنتك واختنه خوفي لا يجي يوم ونتندم عليه كلنه
جمال... صفنت كلام ابني صح بس شسوي اذا لا كلبي ولا عقلي يتقبله مادري اذا هي نحس او بلاء لو اختبار من الله بس كلما اشوف حزن سحر على الي راح منهه اكرهه صح ماله ذنب بس القدر حكم هيج
جوري .. بعد سبحت ونمت اشويه كعدت ضايجة ودمعة بعيني الحلم الي شفته كلما اتقرب من بابا وماما واشوفهم يحجون ويضحكون ويه اخواني واني ميسمعوني ولا يردوني
لاحت دمعة بعيوني وجرت على خدي حسيت بنار نزل مو دمع ونار كلبي شيطفيهه وهي تشتعل أكثر اسكت تمنيت ماجايه لدنيا ولا شايفه كل هذا العذاب شنو سويت اني وهيج يعاملوني ماكو غيرهه هي الوحيدة الي راح افهم منه كلشي
كمت غسلت وجهي ولبست بنطرون ابيض وقميص اسود وجاكيت بيجي ولفيت شالي ونزلت شفت ماكو احد بالصالة
جوري ... عمو ابو عمر
ابو عمر ... كولي عمو
جوري ... عمو سويج السيارة أريده
ابو عمر... هاا اخذج اني عمو
جوري... لا عمو ميحتاج اني اسوق ماراح اتأخر لا تخاف
.. ركبت سيارتي ورحت لدورة وكفت يم بيتهم واتصلت على
جوري .. الوو
سلمى ... الووو هلا جوري اشلونج
...الحمد لله انتي وين
... بالبيت ليش
... خوش اني بالباب تعالي انتظرج نطلع
.... نطلع وين اكو شي
... من تجين اكلج بس تعالي
... اوك عشره دقايق واطلعلج
... اوك
