# كسرت گلب
ضوء القمر
جوري .. كعدت على صوت المنبه كمت غسلت وطلعت ملابسي .. حبيت اغير الوك لبست بنطرون جينز نيلي وقميص تركوازي بردان عريضه ومن المعصم بيه شريط والركبة هم سويته فيونكة وسترة نيلي طويله الردانات مفتوحة كلش احبهه ولفيت الربطة بطريقة تركية مشجرة وجنطة وحذاء تركوازي
أخذت غراضي نزلت
.. صباح الورد على الغوالي
الكل .. صباح الخير جوريتنه
ضاري... ياهلا بهذا الصباح
... ياهلا بالمهلي غلاي
بيبي .. تعالي يمه اكلي سويتلج فطاير
... الله يماااي اروح فدوه لكلبج بيبي
رفاه.. عمي الدلال بس لجوري واموت
ضاري... أي والله حبيبتي عوفج منهم اني ادللج ودلليني وغمزل الهه
.. يمه ضاري حبيبي عيب منا الجماعة بس تدلل
جدي .. ايا ملاعين استحو على نفسكم يمكم حدايق رحمو بينه
ضاري... رفع حاجبه ها حجي تقصد منو لالالال لي كون الي بالي هااا حجي لازم حصار
رفاه.. شهكت يمعود ضاري استر علينه الكاع محضورة
بيبي ... حجي سكت ابنك وبعدين منو حدايق هاا
جوري ... همه يحجون واني ممت من الضحك
هههههههه أخ يابه يمعودين كافي راح اموت .. هههه تره صحراء مو بس حديقة
جدي .. هاك استلم شفت
جوري.. يبووو اكوم اني أحسن وانتو ظلوا بغزلكم يله .. مع السلامة
هههه باي صحراء
جوري ... ههه يارب تكون دوم الضحكة علينه
وصلت الجامعة دخلت للقاعة لكيت ابرار وسامر يتغزلون ههه اقصد يسولفون صبحت عليهم وخليتهم.. وكفت ستولي
.. اهووهم ورد ..امم اليوم ياسمين ابيض واصفر حلو ..هه شنو قصتك انته وليش متجي بنفسك .. فتحت الرسالة وقريت الي كاتبه
(يسعدلي صباحك يا اجمل وردة رأيتها اكيد هسه انتي تسألين ليش ما اجي بنفسي انطيج الورد احجي وياج بس يجي يوم واحجيلج بس اكو شغلة ليش مرددين على رسايلي وليش تاخذين الورد بس ؟ تدرين احسد الورد لان تاخذي وتشمي وتباعين عليه .. ااه كلبج اشوكت يحن صارلي سنتين
.* أسير عينيكي )
..صفنت بكلامه هذا يعرفني واكيد يشوفني من اخذ الورد معقولة واحد من من طلابنه بس منو ؟ امم هذا منين طلعلي فزيت على كرصت
اخخ هاي اشبيج
ابرار .. اني اشبيه لو انتي شنو كاتب هاي المرة
... قريهه انتي تعبت اني كل يوم رسالة وورد والأستاذ ماناوي يظهر نفسه
... امم كتلج من قبل وانتي مقبلتي خلي يجي يوم على كولته المهم شو هالجمال اليوم الدكتورة تخيللل
