#كسرت گلبي
للكاتبة ضوء القمر
.
ضميني عطـر خدران بثيـابج .
هـذا أنه العنيد الصرت حبـابج
شاهين : حاولت افتح موضوع بعد ويايها مدري ليش بس اريد احجي وياها بقينه ساكتين بس اريد اكسر هالصمت
..ااوين حابه انزلج
رزان : بعمارة الحاج نعمان
شاهين : اوكي نزلته يم العمارة وجان اكو عائلة منتظرتها وطول الوكت افكر بيها شنو بيها وخلاني انعجب بشخصيتها يمكن الانسانه الوحيدة الي ارتاحيت من شفتها اني بعد ذيج السالفة قفلت كلبي بس شو هسه خاني وعقلي يفكر بيها هاا ياشاهين اشبيك معقولة اخذت كلبك بهاي السهولة مستحيل لا شاهين لا تنخدع بيهن لازم تنتظر الوكت كدامك
صهيب : طلعت الصبح من وكت اليوم لازم احضر علمية ويه الدكتور سهيل ولازم اكون موجود من وكت اخذت قتيبة الي شلع كلبي يله كام
صهيب : يعني لازم تشلع كلبي والله خبلتني يول بويه اشكد اتعب اشلون تصير دكتور مااعرف
قتيبة : خيير يولو اشبيك تتعارك ويه ذبان وجهك صبرك بويه هي اول وتالي براسنه
صهيب : يابه بالقران ان ماكمت هسه اخذك سحل سمعت وانت تعرفني بعد
ههه بس كلت هيج مااشوف بس اللحاف انشمر وهو طفر هه الا هيج ميجون بالعين والاغاتي انتظرت بينما سبح وبدل وطلعنه
قتيبة : عجل حسام وبسام ورسول وينهم
صهيب : بالداوم راحو قبلنه عدهم محاضرات يول كافي تتثاوب اشبيك هاا من اكلك اخمد نام لا تسهر اشلون صرت دكتور مااعرف
قتيبة : ههه اصير لاتخاف اي صدك اليوم نرد مو مشتاكلهم جثير ول يابه
صهيب : منو ذوله مشتاگلهم هاا ماعاجبني شوراك هاا
قتيبة : خرب بحظي خفت لا اجفص بالحجي
هه يول غير لاهلي منو يعني وسوالف جده حميدة ول يابه اشبيك دائما تظن بيه
صهيب : ولا من عمايلك وسوالفك الي كاض التلفون ليل نهار تنكشف وين تروح
قبل مااكعد هالثور رحت للكلية وخليت ورد كل عادة وهالمرة نرجس ابيض ورساله مشتاگ لعيونها وكل تفاصيلها هاي البنيه مو بس احبها لا حتى الي تحبهم احبه على محبتها ان بس هاي السنه واجيب شيوخنه يخطبوها الي
انتبهت وصلنه للمستشفى ركنت السيارة ودخلنه وبده الدكتور يوجهنه ودخلت وياه للعمليه جانت اشويه صعبه لان المريض بعده اصغير
طبعا اني اختاريت تخصص جراحه قلب ودماغ هو اختصاص كلش صعب بس احبهن طبعا العمليه شاركت بيها صح راح تكولون لازم يكون كلبك ميت وماتهتم بس اني لا بالعكس كلبي كل حياة وتفائل المريض الي بين ايديه لازم يحس ان الدكتور كلبه حنون ومستحيل يخوفه وهذا الشي لازم نتعامل بي طبعا تعلمت من دكتور من انسوي عملية افكر بشغلة احبها كاغنية او قصيدة شعر لو حكمة لو شخص احبه ذلك الوكت مراح احس بطول العملية وهم اتسله والقوة القلب وحكمت العقل طولت العملية خمس ساعات والحمدلله تمت العمليه بنجاح
