#كسرت گلب
للكاتبة ضوء القمر
حنيت الك
وبغيبتك طبني عشگ
وبعد العشگ طبني مرض
شنهو البعد يجرالي؟
ميت ولك بس النفس
هيج اني بعدك حالي
جود : لا مااصدك هذا حبي هو اشعرف مني ويخطبني يممه جرتني سرور من وره واني بعدني مصدومه
سرور :ولج امشي متبطلين طبعج هذا لو احد طلع هيي مو احجي ويه دحكي عليه ياا هاي اشبيه
جود :هاا لا ماكو شي
سرور : عليه ولج اني اعرفج تحجي شكو
جود :امم بعدين
عفتها ورحت لغرفتي اريج تلعب يمي واني افكر معقولة شخص بهالسهولة يجي يخطب زين هو شعرف عني واجه وبعدين اني بعدني صغيرة فكرت بي كل المواصفات الي تحلم بيها البنيه بس يجوز مو اني يوو وهسه اني ليش مهتمه خلي التهي بدراستي أحسن وبعدين شنو يحس حضرته من جاي يخطب شنو مفكر نفسه اصلا اهواي مغرور وشايفه نفسه اوو على شنو متعبه عقلي طز بي شفت اريج نامت نمت وياها هه على الواهس
كعدت على ضربات خفيفه فتحت عيوني اريج كاعدة كمت باوعت الساعة خمسه اوو هاي ليش لحزة نايمه كمت غسلت ونزلت طبعا اني اقرة على مزاجي بس اجيب درجة ومعدل الي يرفع الراس نزلنه لكيتهم كاعدين بالربعه كعدت وياهم جانو يحجون على تجهزيات العرس بس اني بالي يم الخطار اشو ماكو لا حس ولا خبر
سرور : يول اشبيج
جود :مابيه بس هيج افكر
سرور :امم وبشنو بله هاا يول وضعج معاجبني
جود :هههه لا ماكو شي بس عالخطار الي اجوي اشعدهم
سرور :عادي خطار واجوي شنو معرفتيهم هذول اهل انمار صديق صهيب اروح اقره احسن مااكابل وجهج
جود :ولي امم هيج الحجي يعني الي سمعته مراح ينحجي خوش خفتا وراحه بعد احسن هه غير مرايد عمره الي يخطبني اني الملازم اول جود مو يخطي هيج خطوة نسيته وبقيت اشوف شنو مجهزين طبعا العرس بعد اسبوع والكل ملتهي الله اهواي احب العراس صدك بيها اضوج لان شغل وكذا بس هاي المرة اني ولا اتحرك ههه اروج وسيلتي ههه الله اشكد حلو الكل يشتغل وانت كاعد اووف مي بارد
جوري :انتظرت الشباب يجوي بعد العشه اجوي دخلو وايهاب حالته حالة خطية
حجي كميل :ابني ايهاب اذا قسمتك تأخذها لو الكل وكف بوجهك بس مثل ما سمعت ابن عمها طالبها لو ابن عمها مطالبها جان اهواي تسهل علينه
ايهاب : جدي اكلكم هي مراضية بي اشلون منطيها هاا والله راح اتخبل مو حرام زواج الأحباب
حجي كميل: أي حرام بس منكدر ندخل واحنه غربة باي حق ها كلي
ايهاب :ماادري جدي بس مال اخليها اله وهو على الجهاز يأخذها مستحيل
عمار : أي وشنو تسوي بله ايهاب تره انت غريب مو قريب واحنه منكدر ندخل
ايهاب :واخليها والله اموت هي يزفوها اله واني انزف للكبر
حجي كميل: اسم الله عليك ليش هيج تكول ابني فكر قبل لا تحجي أي شي تره محد مات وره احد كتلك اذا بدينه شي وغلاتك مااقصر بس خلي نهدي الوضع هسه
جوري :بقو يحجون وياه واني صافنه عليهم لازم الكه حل الهم بس شنو فكرت بحجي جدو لازم نلكه ثغرة بس منو بقيت افكر راسلت رواء خطية حالتها مو اقل من ايهاب بس عالاقل هي هسه مهددتهم بس إلى متى اتفقت وياها نلتقي بمكان لازم احجي وياها هي بالاول ان شاء الله اكدر اجمعهم راحو الشباب وايهاب بقى ماحجه شي راح كبل نام
ثاني يوم الصبح طلعت للدوام واني افكر باخر شي وصلت اله بس لازم اخذ رأي الجماعة دخلت واني ممنتبه على شي لان جنت صافنه وفززني صوت ابرار
..هاا اشبيج
ابرار : اشبيج حبي صار اشكد نحجي وياج
جوري :هاا اي جنت صافنه
ابرار : بشنو صافنه خير نفس السالفة مو
جوري : ااه ليش هو اكو غيرها اي بس تدرين خايفه لا افشل
ابرار: جوري ليش جاي ساعديهم ها شنو الي تفكرين بي جوري تره ذوله نفسهم الي بسببهم تعرضتي للخطف ومن وراهم جاي تتعالجين شنو الشي الي يخليج تساعديهم
جوري : صفنت بحجي ابرار ليش كل هالاسئلة غايبة عني
.. تصدكين اذا كتلج كل هذا ممفكره بيهن كل الي ببالي ماادري يخسرها مثل ماخسر عمار مااريد احد يتأذه تره اخواني مشفت اي اذيه تخليني اكرهم اني مااكره احد بس اعتب الي مااحجي وياهم اي بس تعرفين بعد الحادث اخواني دوم وياي يمكن ضميرهم صاحاهم على نفسهم بس للاسف اكو ناس لحد هاي اللحظة ماضميرهم ماعنده احساس ايي المهم ليش اساعدهم ايهاب صح جان تعامله وياي بقسوة بس جنت اشوف الحنية بعيونه ومهمين من جان يقسي بكلامه عليه من خوفه وهو اكثر واحد يحس بالذنب لان يعتبر نفسه السبب واما جلال من يومه معاجبه تعامل البابا وماما ههه تصدكين مرات استغرب على نفسي اشلون اصيحلها ماما وهي مو امي لان كولشي ماشفت منها بس حملتني تسع اشهر وبعديه اثنين وعشرين سنه وراح ادخل بالثالثة هه واني مااعرف غير ماما حميدة
خليها يمعودة ان كان مساعدتي الهم وتوفقت هاي حسنه اليه مو
ابرار : اووف يطيبت گلبج والمشكله تريدين تتخصصين جراحه قلب اشلون ماادري وانتي احن من قلبج ماشفت يله ان شاءالله تتوفقين
جوري : هههه صح قلبي طيب واسامح بس وقت ااي يأذيني مااسامح الي ينكسر صعب يرجع مثل اول
دخلنه للمحاضرة وهم نفس كل يوم وردة ورسالة هذا الشخص او العاشق على كولت ابرار اشوكت راح اعرفه ماادري اووف انوب انت عليه
فتحت الرسالة كاتب
#هو الليل
#لو يدري اليحب سهران
#چا طلع گمر بي
شيب.. !!
#هو الليل
#لو سامع شكو بًصدري
#اذا مايبجي كلش عيب
