#كسرت گلب
للكاتبة ضوء القمر
غمزتلها ونسّيت ارمّوشها بطوَلي
نزلن وّصلن لخدها ،
وضحگتلي ونسّيت شوارِبي وَطولي
ورَجعت اصغير بگدها ♥️
جوري: بقيت حايرة ليش عمو هيج قافل اووف عفته وصعدت واني افكر معقولة راح يرفضون بس ليش يرفضون ولو المحافظة بعيدة اووف هو اني اشوكت افرح بشغلة كابلت المراية وصافنه بوجهي دك جهازي جان عمار
..ياهلا
عمار:ياهلا بيج اشلونج
جوري:تمام الحمدلله وانت
عمار:الحمدلله ايي شكو ماكو
جوري:امم ماكو
عمار:هاا بس حسب الي معرفتي جايج خطابه
جوري:هاا اشلون عرفت
عمار:غير طلبوني واسطه
جوري:اشلون يعني مافهمت منو الي طلبك
عمار:هه خوش لعد خلي احجيلج يامحفوظة السلامة قبل يومين جنت توني راجع من الدوام وانتي تدرين اني تلفوني اصلا افقله بس بذلك اليوم جنت فاتحه لان جان عندي شغلة المهم اتصل بيه الرائد شاهين واكيد هسه تسألين منو هذا
جوري:اي اكيد منو
عمار:هذا يكون عمه للولد المهم كال سلام وعليكم السلام يابه انت وين كتله ببغداد كال خوش اني جايك مسافة ساعة
المهم بس غيرت ملابسي واتفقنه على مكان رحت للمكان وره اشويه اجه
شاهين:السلام عليكم
عمار:وعليكم السلام ياهلا بسيادة الرائد
شاهين.ياهلا بيك
عمار:حجينه على الاوضاع وغيره من السوالف وهناك وجان يكول
شاهين:عمار اني جايك بشغلة وان شاءالله تكدر عليها
عمار:بعيوني امرني
شاهين:تسلم يغالي احنه جاين نطلب القرب منكم
عمار:منه منو تقصد
شاهين:المحروسه بت خالتك
عمار:تقصد الي خلصتوها من الباشا
شاهين:ايي هي
عمار:المن
شاهين:ههه اشبيك عمار المن يعني اني ومزوج غير لابن اخوي
عمار:والله اتشرف بيكم سيدي بس اول اخر القرار يمهم اني مالي علاقه بس اذا على واسطه بينك وبينهم اني جاهز وانتو ونعم منكم
شاهين:اعرف هالشي لذلك اريدك تكون واسطه يم اهلها
عمار:بس هي امرها بيد جدها وعمها
شاهين:ادري بس اكيد انت عندك مكانه عدهم ونريدك ويانه
عمار صاار تدلل من عيوني
جوري. اي وبعدها
عمار:بعدها اتفقنه على يوم وجان اليوم هو المتفق واجه هو وابو والولد وابو الولد كعدنه وتعرفنه عليهم وبدت ابوهم الشيخ يحجي بانو جاين يخطبون وحجه انو صار عدهم حادث ومن هالحجي جدج مااعترض ورحب بيهم بس عمج ضاري مجان عاجبه الوضع وكالو انطونه مهلة وندلكم الرد هذا كلشي صار والي يمكم شكالو
جوري:نفس الحجي جدو قابل بس عمو معارض على سالفة انو محافظة بعيدة اكولك عمار انت لازم تخبرهم عن الي صار ذلك اليوم الي من هجمو تره اني خبرت عمو وهو راح يسألك وهم اني عرفت من الي نقذني
عمار :منو كلج وهو
جوري: لا سامر اصلا اني ماعرفته إلا قبل نهاية الكورس بس سامر خبرني بكولشي بوكت جان فاقد
عمار :يعني تعرفين معترض لحادث وشهرين بغبيوبه
جوري: أي سامر خبرني
عمار :تمام اني احجي وياهم
جوري: عمار تتوقع بابا واخواني يرفضون
عمار :لا لان انتي امرج بيد جدج وعمج وابوج مستحيل يرفض
جوري: وليش هيج واثق شنو الي يخلك هيج تكول
عمار:هسه تشوفين
ايي والله كبرتي يجوري وكامو يخطبوج ولو هذا مو واحد بس هذا النسيب متأكد
جوري:اممم
ثاني يوم نفس الحال ماكو اي شي جديد واستمر هالشي لحد خامس يوم بليل اجه بابا واخواني وعمار ودخلو يحجون وره ساعة صاحولي دخلت
حجي كميل:تعالي جوريتي اكعدي
جوري:رحت كعدت يمه.تفضل جدو اكو شي
حجي كميل:شوف بنتي الغالية انتي مو بس حفيدتي لا انتي قطعة مني انتي لو اطلبين روحي متغله عليج والله مو هين عليه بعدج بس هاي سنه الحياة وانتي الف واحد يتمناج ومو اي واحد يستاهلج لا الي ياخذج كون رجال الكل تحلف بي وحفيد الشيخ سلمان دكتور صهيب خوش ولد والي سواه مننساه ابد احنه شمانحجي قليل والحمدلله الله دزه الج واني لو الي سمعته عليه وعليهم فلا اقبل بس اني مطمئن لان الي طلبج رجال ونعم منه ومو بس هيج لا هو يحبج وطول هالسنوات هو مخاف عليج واني عن نفسي قابل بي صح همه بمحافظة بعيدة بس هذا الشي مراح يأثر وهسه اريد اعرف شنو رأيج
جوري:صفنت بحجه يعني الكل موافق لان وجوهم كلها تضحك وبابا بسمه على وجه توقعت راح يعصب او شي وحتى عمو هم اشوفه مرتاح وهسه اجه وكت احجي رأي بس ميته خجل
..جدو الي تكولو امتو اني موافقه عليه
حجي كميل:لا جوريتي اريد اسمع منج مالج دخل بينه اهم شي انتي
جوري:نزلت راسي واريد احجي بس خجلانه كوة كلتها..موافقه
جمال:الف مبروك بنتي ممصدك الدكتورة راح تتزوج سامحيني بنتي لان اهواي قصرت بحقج شما اكول مراح يرد ذيج الايام
جوري:صفنت بي اووف يابا اهواي تاخرت تمنيت لو من زمان سامعه هالحجي جان اهواي اشياء تغيرت على العموم مو الي اسامح الله هو المسامح
ابتسمت بوجه وكلت
..ماكو داعي بابا على شنو تطلب اسامحك الي فات مات وانت كلت ذيج الايام يعني بالماضي والي بالماضي يبقى بالماضي
حضني وباس راسي ماادري حسيت بتشنج بجسمي اول مرة يسويها ويمكن لازم اتعود اااه ايي جاي اشوف ندمهم بس ذولك الناس هم يتندمون هه مااظن واخواني باركولي وعمو هم وعمار هذا طاير اول مرة هيج اشوفه فرحان اااخ لو تسمع كلامي جان اني بخير
جدو كال انتظرو يومين وردولهم الخبر والبيت من هسه انگلب دك ورگص التؤم متخبلين ههه اما اني مشاعري مااكدر اوصفها واخيرا الدنيا ابتسمتلي والله على صبري والي تحملته دزلي صهيب
