#كسرت گلب
للكاتبة ضوء القمر
ترفه هوااآي .. چنها النآي
عدها لساان
يحچي السالفة التنحب
حتى الهيل منها يغاآر
من يشمها يتعجب
وحك إلي بطرف هالعين #يسكن
من اشوفك كل وجع بالروح #يسكن
اليكول انساك كون الكبر. #يسكن
ويشوف الويل كل صبح ومسيه❤️
جوري:بقيت صافنه وغمضت عيوني وكل ذيج الذكريات مرت كدام عيوني ماادري ليش مخايفه ولا عندي مشاعر خوف كل كلمة كالتها بحقي وكل تصرف بدر منها وكل يوم جنت اتمنى تعاملني بحب اووف أكبر غلطة أي اني اكبر غلطة هالكلمة اهواي جرحتني ومازلت انجرح منها اشكد ما حاولت انسى الكه نفسي أتذكر اتذكر مره كال بعيد الام جنت اهواي حابة اهديلها هدية بيومها اهواي تعبت حتى اختار هدية وجنت كلي امل مراح تردني اشتريت الهدية وغلفتها واتفقت على مكان علمود الحفلة ومن اجه الوكت مااجت ولا حتى كلمة منها بقيت انتظر اشكد وهي مااجت ولا احد منهم جانت علاقتي بجلال بوكتها زينه اجه وهو ضايج
جوري:جلال ليش مااجت
جلال:جوري امشي ارجعج مراح تستفادين من كعدتج هاي
جوري:ليش صاير شي
جلال:نزل راسه بحزن.لا مصار بس راحو يحتفلون بغير مكان وهم شكگت الدعوة وعصبت اهواي
سحر:مااررريد ايي شيي منها بسس خليي تبعد عننني انيي مو امهااا اني ماعندي غيرركم هاااي اكبر غلطة بعمري عمرري مراح اسامحها اييااك بيوم تجيب طاريها فاااهم وهااي الي مسويه روحها تريدني احبهاا تحللللم تعرف شنو تحلللم
جوري:بيومها اخذت وعد على نفسي اللساني ميطخ اللسانها وصدوك لحد هاي اللحظة اني مااحجي وياها هي تحجي من صدفه نلتقي الام الي متريدني مااريدها يمكن يگولون تبقى امج وهذا الشي ميصير بر الوالدين زين اني شنو سويت حتى هيج كاهرتني صحتني رفاه
..هاا
رفاه:وين صفنتي
جوري.ابتسمت بحزن.باهواي اشياء وذكريات اتمنى لو انساها واتمنى لوما عايشتها رفاه مااريد اي شي اسمع كافي الي شفته وعشته والي سمعته اريد اكمل حياتي وافرح اريد ابني اسرة مثالية واربي اطفالي عاى المحبة والحنان الي اني فقدته
رفاه:مثل متحبين هذا هو خلاص اهم شي راحتج اشوكت حددتو العرس
جوري:من كالت عن العرس ابتسمت بفرح واني اتذكر كل ايامي الحلوه ويه صهيب الانسان الي شفت وياه كل الحب والحنان والفرح انسان يتمنى بس سعادتي الانسان الي انتظر اليوم الي اكون وياه العمر كله
..حددنه قبل العيد بعشر ايام
رفاه:هاا حلو يوم مميز يوم زواج الامير وريحانه الرسول
جوري:ايي كال اريد يوم مميز
رفاه:مابقى اهواي كلها عشرت ايام همزين كملنه كولشي اووف ماادري اشلون راح نكدر بغيابج صعبة البيت راح يظلم
جوري:اوو باجي ليش هالدموع هاا اني مو بعيدة كلما اشتاقيت اجيكم وهم راح اعيش هنا لحد مااكمل والله حتى اني اهواي ضايجه لان راح اعوفكم
رفاه:فديتها للعروس هسه اني ابجي انتي ليش تبجين هه يله امسحي دموعج شيخلصني من رجلج
جوري:ههه مسحت دموعي
نزلت وياها عمو وجدو جانوكاعدين
جوري: مرحبا
ضاري:ياهلا بالغالية اووف مااصدك بعد مااصبح بهالوجه اااخ شسوي هاي سنه الحياة
جوري: حضنت عمو ودمعتي بطرف عيني .عمو حبيبي والله اصعب عليه منكم ماادري اشلون راح افارككم
حجي كميل: تعالي جوريتي فديتهم البنات انتي قطعه من كلبي اهواي غالية علينه بس اريدج دوم ويه رجلج قلب على قلب واريدج دوم ترفعين راسنه صهيب خوش ولد واني واثق راح تشوفين كل السعادة وياه اريدج تبدين حياتج وانتي شامره كلشي وره ظهرج
جوري: شبكته واني ابوسه من راسه..الله يخليك الي يا تاج راسي دوم راسكم مرفوع ياغلاي انتو
بقينه نسولف ونضحك لحد الوحدة لحد ماخابرني صهيب وكمت
..الوو
صهيب: فديت الوو اني اشلونها بت كلبي
جوري: الحمدلله انت اشلونك
صهيب: اني بخير واني اسمع هالصوت حبيبتي اشوكت تنورين بيتي مشتاقلج
جوري: واني هم امم مابقى شي
صهيب: شنو وانتي هم
جوري: امم انت تعرف
صهيب: لا مااعرف اريد اسمعها منج غلاي
جوري: لازم تخجلني يعني
صهيب: عمي من ذلك اليوم لحد هاي الساعة واني صايم وأنتظر اشوكت افطر بيج شيخلص هالعشرة أيام اووف واصبر اشلون ومحبوبي مو يمي
جوري: ههه تخلص كلها عشرة ايام واني يمك
صهيب: اااخ هيج أغمض عيني وافتح والكاج كدامي هاا اوويلي الله يعلم شسوي
جوري: هااا شنو يعني
صهيب: ههه من تجين يمي تعرفين
جوري: صهيب عفيه لا تخوفني
صهيب: ليش حبيبي ليش الخوف افا يمي تخافين اطمني أي نفسي ولا أذيج انتي روحي وقلبي والنفس الي يسري بريتي
جوري: صهيب اقرالي شعر مشتاقه اسمع شعر منك
صهيب: صاار تددلين شيخت كلبي
غازلتـﭻ مو غـزل تقلـيدي
وعيونـﭻ من آلمستحه وڳعن بيدي
